London mae sho phai' phai' zo'' na ko'' ra''

X'mas ba re ne, seim pa'' caung bin thao re yham mae'' byin cao: pho'' bam we' sho-phai' phai' zo'' ra'' au re, yham mang khyo we' byin cao: bam re re gye yao; beim'' lai va'' .

American Mang: Jhaung Up ( President) re'' khyit zhaung yang pye''

Khyit zhaung'' yang pye' ru leim zo ngad yang re qi-nug sam su za vo'' na ra'' Bush ,

vu'' yu nae'' jao: yao: ngad ra'' aw'' ..

Christmas yo, joe'' khao: ngo'' yham khyo beim'' ru lai lai ga'' ra'' ,

ngai shi'' ra'' ayo, re X'mas joe'' lao'' pa pa; qhug' zo nae'' , mak jhok' shi: we' sha'' thang qhug' zo: nae'' ga'' ru re myig yang gyai pyo'' lai va''



Santa Clause phug phug' re re beim'' ra'' , pe'' jhaung qhug'' byig nae'' , vo'' khae; yu nae'' ga'' ru re myig yang m-vo'' yab ra'' myi bam re gyai jo, lai va'' .



Bam mang: mae'' X'mas re beim'' ra'' , byin cao: bam re re beim'' ra''

X'mas wa g-gai za yaug yo, myeng cae'' ra'' ayo, ngad lai lo va''..



Ai ra'' X'mas re dam vo'' yu nug ra'' ...alhab mo' ngaui bau'' ra'' X'mas lhe'' ..

ngaui'' thoe ke' ke' vu'' ra''

c-ra'' nghaui'' thoe gyai gyo'' pyo'' ra'' .. Myen mang: mae za wa yao: re mye; ra'' byu m-na shi ngad ra'' , Lhao nau'' bam re thaug' qhao'' g-lang wo''....

Qam lao'' ke' ra''

Jhid' de, ra'' lhao nau'' mhao; nhaung bam re qam lao'' ke' nug' ru wa , Lhaovo bam ra'' daui lab , zaui zo: mung ve, we' phaji'' mho'' xam ra'' khyo lau dao: bam re d-yaug' we' d-yaug' vo'' ba nae'' qhid' mae xo' taui khyo re qam ke' g-lang ein pyang nug' ru ngad.

Internet ba: ci va'' lhao nau'' bam mae'' mung yang m-ba: ci , m-vo'' ci shi'' ra'' mao; nhaung bam re ba; ci lo nae'' qhid' mae bao'' thaug' yu g-lang , ai mung lhaovo blog khyo re li'' lae'' joe'' mung yham sang vo'' myig ra'' khyo bam re Cbox(Comment Box) mae tung'' co' g-lang ein ta'' nug ra''. Lhao tung'' ce' khyo'' tung'' ra'' tung'' khye' bam m-laug shi'' ra'' m-thao nyhao: nhae qho' bam a-lab' ceim'' thaug' qhao ca'' nae'' ngad ga'' ru myid beim'' na g-lang aw''.

Lhao ve, qae'' bam m-gai yab jo, lo su-na thao gyo'' va'' beim na'' g-lang .

Myen mang: mae'' Nghaui sang bam London joe''

Iron Cross( Chit San Maung(Lead) Khin Maung Thant( Bass) Kha Yan( Drum) Ba Nya Naing(Keyboard) ga:mang qi'' ra'' Nghaui phung we' d-ga'' Ah Nge'', Myo'' Ji'', Y Wine we' Tin Zar Mo bam wa 23rd Nov 08 myi 6:00pm mae''' 12:00pm joe'' sho' London mae'' Troxy Hall mae nghaui''pyo byid lai v-ko'' ra''.

Ai ra'' Music Concert khyo London mae joe'' na ra'' Myan mang: mae'' jaung nau'' bam we' , mau'' li'' zaui na ra'' myan mang: byu bam ye joe'' qam byid ko'' ra''.

Lhaovo bam ra'' nghaui'' thoe a-tsao'' mhyao lo nae'' qhid' mae thaug' qhao na ra'' Lhao nghaui sang bam a-lhab re re ayo, khao ngo'' mae qam byid na g-lang aw''.. yham sang myeng'' thoe khyo'' nghaui ra'' nghaui'' thoe bam re l-se no, no, to; mung phug' te' ye'' lo'' g-lang aw''.

Dao; Nyhang''(Poem)

'' Lhao nau'' d-yaug ra'' aung dao: ''

Ngo Lhao nau'' d-yaug , Lhao mhyi'' pho'' mae'' khau li''

Lhao nug' cug re shaug' Lhao myen'' re shi'' mung kad',

Na; qi'' lo ru a-na'' ba gaung aung yang daung re jap va''

Mug' myig lhang'' sho' dao'' vu'' nae'' ein re myig thug' va''

Ngad m-se'' m-gai boe'' ra'' khyo myo; myo; jo,

ngaui qhang re m-vo'' , phaji'' ju-i re m-nya''

ba nam byin cao: ga'' ru re va va'' ...

A-ga'' nga'' ra'' byu ban su na m-byeng

kharu va kad' vu'' n-va'' yha''..

Nhag' m-thao'' lo: thaug' qhao

Mo'' so re re qam lao'' yu

Mo''so wa g-gai aung doe' nae'' min gam byid

Su: mang joe'' nae'' khyo phung' byid

Joe'' li'' va'' ru dam myig vu''

a-lhab' wa Mo''So ra'' je: ju:

Lhao nau'' nao ngo a-lhab'

Mo''so re khug ngha jhad'

Qi; qhang lo nae'' nao we' ngo , Lhao nau'' bam yao; ngad va'' aw''...

Lau dao:

Ana'' myi 7:00pm we' 9:00pm re London King's College mae Myen mang: Taung zo: bam we' tin'' ra'' qug khai khyo , zag zo; zag shaug' re kham zo: na bam ra'' a-khyo re mungkan mang; khao mang; ngo'' mae'' byu jham ba lo mung bao'' thaug' yu nae'' qhid' mae '' Humanitatian Crisis Photo Show we' Talks Show bam kad' nae'' ga'' ru vo'' ba ra''.

Ai ra'' phaung re Taung bug' mang: joe'' na ra'' Taung zo: nau'' bam jhui'' au she ko'' ra'' ga''. Phaung bin lao'' Taung zo: zo-jam tso nae'' ko'' ra'' ga'' o''.

Dam d-lam wa khamyao'' m-ngad re Gmail mae'' mung solho vo'' myao ra'' Video Chat gai kad' n-va'' ga'' ru re re the' gyo'' ra''. Web-Cam jo, ra'' computer seng khyo ye; mung yham sang qhug' nug myao nug' ra'' yaug re gai myao n-va'' myao o''...

Malaysia mae mao: naung Khang'' pho'' d-yaug lam'' qug mung yang myig thao'' ru we' yao'' gaung yao: se' shid' pye' ga'' ru re the' gyo'' ra''. Mo''so re lam'' khug myig nhae'' yang ngad n-va'' ein dao'' ngae ra'' .

Vo'' myig ra'' khyo

Lhaovo bam mang: jab na; pyo ye'' lo'' na ra'' khyo we' , nyhao: mo' byu myu'' su ru m-laug yang d-yaug we' d-yaug xo' taui khyo qam nang'' ra'' , ai mung qam han nae'' re qug' ra'' ga'' ru re the' myao ra'' .

Byu myu'' d-myu'' myig qhug' qam han nae'' qi: qhang lo nae'' wa lau dao: yau gying ra'' ga'' ru re the' myao ra'' . Lhaovo bam ra'' Tung'' ce' , sam'' ve, byu na byu ye, phaji'' ju-i khyo , mang: khyo , zaui: zo mung ve, khyo , qao'' zing'' khyo a ja; ja bam ra'' qhid' mae'' d-yaug we' d-yaug vo'' xo' vo'' qam byid nae'' qhid' mae Radio Station d-lam (Lhaovo Radio Station) vo'' ca'' va'' ra'' ein vo'' myig ra'' .

Dao: ka'' ta'' lang ga lhao'' RVA ga'' ra'' philipine mae'' mao; nhaung phaug' bam ra'' Radio program wa bam , myu, khyi'' khao; ngo'' mae'' phaug' mao; nhaung bam a-lab Mo''so a-kyo re vo'' gyo'' ra'' , lau dao: bam re re vo'' tae'' ra'' , ai wa yao; bam ra'' qam; han khyo re gyai yao: bao'' thaug' vo'' ra'' ga'' ru re lam'' shad m-ca'' ngad ra''.

Ai mung nyhao mo' lhaovo bam ra'' qhid' mae re Radio Station d-lam vo'' nae'' qhid' mae Jhaung mo' qam ke' ru we' d-khyo'' za , khyo qho ye'' lo'' g-lang ein qam lao nug ra''. Cara'' Lhaovo Radio Station wa Lhaovo we' tin'' ra'' seng'' ra'' khyo alab' re tsao; kyo nae'' qhid' mae ngad nae''..Sae'' mang: , Taung mang: , AG , qid nyhap , Katho''lik' , Yui tso; alab ra'' a-khyo re m-kho' lo; za byu myu'' qi;qhang kyo re qam ke' ra'' Radio Station ngad sho' thaug qhao nae'' re myig nghae'' ra''..

Cara'' a-khyo re myig leim'' ngad re wa xo' taui'' lo nae'' re lam'' ra''.

Lhaovo blog hlolder.

A-na'' ba; re lau dao:

UK mang: ra'' Prime Minister (Mang: up ) Gordon Brown wa Paris ( France mang: mae) ngaui kye' pha-ga: khyo'' we' tin'' yang myo' qhug' jhau lham (Summit) ye'' ra''. Ai ra'' Summit mae Germany , France we' mung Italy mae'' Mang: Up bam joe'' li'' ko'' ra'' ga''. France Mang: Up vo yham sang kad' mung jhui'' qhug' ru ngad ga''.

C-ru qhug ru wa Europe mang: mae'' pha-ga nau'' bam re bao'' thaug' nae'' qhid' mae ngad' ga'' ru re vo'' gyo: ra''. Mungkan mae pha-ga we' tin'' yang gyai yao: qug' khai na ra'' au ngad ra''. American mae wa Mang: Jhaung Up (President G. Bush ) wa $700 Billions re ngaui yham bam re bao'' nae' qhid' mae lo, tung'' khyang:(Sign) vo'' va'' ga''. C-ra'' bao'' thaug' khyo re lai lo ra'' d-l-ban je ko American Congress mae a -tug a-qhu jho'' ta'' lham ko'' ru ngad ra''.

Peace we' tin'' ra'' Jaung

Hi lhao'' nau'' bam re Peace we' tin'' ra'' Jaung d-lam a-khyo re ta'' kyo nug ra'' , ai wa UN we' xo' ra'' jaung ngad ra'', c-ra'' jaung vo'' do, re wa UN mae mau'' vo'' nae'' gyai loe zai ngad, ai mung yham sang yao: Organization or Phung; phung'' nug re re gai ra'' ga'' ru re bang: se'' byid ke' ra'' o''.

Jaung website wa www.upeace.org ga'' ru ngad ra'', c-ra'' jaung vo'' vao nae' qhid' mae wa English Tofel m-ngad lao'' IELTS ga'' ra'' ja re phyid ca'' ra' ga''. Lhao nau'' bam myig leim'' bao thaug' qhao g-lang o''..

southall school of languages and missionaries orienataion

Ana'' ne, wa London mae phung'' to'' ra'' jaung d-lam a-khyo re ta'' kyo nug ra'' , c-ra'' jaung wa sasana mau'' zo'' re qam; ke' ra'' pa'' caung phung (Southall Baptist Church) mae'' mung qi; qhang lo; na ra'' jaung ngad ra''. Ana'' au; re wa English classes, Desciple Training , Bachelor and Master levels bam re gai; do, ra'' ga'' ru re ta'' kyo ke' ra'' o''.

Jaung a-khyo je; ba nug lhao'' http://www.sslmo.co.uk/ mae gai; vu'' ra'' , a-na'' au wa mang jab mae'' jaung nau'' bam do' na ko'' ra'' e.g Brazil, Korea, India, Pakistan, Kenya, Peru, Myanmar we' Europe mae'' jaung nau'' bam gyai laug li'' va'' ra'' .

A-na'' ba: ra'' So Ju-i ( Theology)

Jhid' de, ra'' lhao nau'' bam a-lab re ta'' nug , tsao khyo'' nug ra'' khyo myo; myo jo, ru mae'' a-na'' myi wa So Ju-i ( Theology) we' ting'' ra'' a-khyo d-jhid' ta'' nug ra''. Nhyao: mo' ra'' L-lam l-khug khyo wa gyai nau'' nae'' shi'' ga'' ru re nao ngo lhao nau'' a-lab mo, ba gau ngad n-va'' ein lam'' ra''.

pe'' mung ga'' re L-lam l-khug ga'' ru wa d-ne, d-ba za: re ga'' va'' , ba va'' , laug va'' ga'' ra'' ja; m-ngad yang ngad ra''. Yao: wa ne, khao; ne, ngo'' ra'' su-na , kao daui khyo ngad ra''. Ai tho' mae So Ju-i ga'' ru wa ban we' ban boe'' doe, lo; ra'' m-myid bam a-lab' we' tha'' lag' na ra'' mung kan khyo a-ja; ja dao mae nyhang'' yu ca'' ra'' khyo myo; myo jo, ga'' ru re beim g-lang.

Lai lo ra'' m-myid mae'' Patristic - pa'' caung we' ting'' ra'' khyo myo; phyao re pho'' qi mae'' au; she ra'' yo, Mediaval- a gaung; yo, we' mung Reformation- lai lo ra'' ayo, ra'' khyo re tha'' lag' ra'' yo, we' mung a-ana'' nao ngo na; na ra'' Post Modern ga'' ra'' jhaung phaung yham wa khai mae re gai; ngad ra'' ga'' ra'' ban mae joe'' na bam va'' ru ngad.

C-ra'' a-sang Yesu thao cao'' ra'' naung cao bam ra'' su-na a-ja; ja lai phyid' lo va'' ru mae'' nyhao: mo' Lhaovo bam wa 19th Century lo'' thao'' tam'' re she' so ra'' naung cao bam boe'' lo ru ngad ra'' ein vo'' myao ra''. C-ra'' a-yo, re li'' vo'' ze; ru re gyai gai ra'' ngad ra'' , pe'' mung ga'' re yham sang myig ra'' o; ra'' khyo re m-gyaug m-qho' , m-gaung yug taung'' gai ta'' , gai cao'' ye'' ra'' a-yo, ngad yang ngad ra''.

yau; gying ru wa nhyao; nae qho' bam c-ra'' a-khyo re d-gu; ba mung vo'' cao'' ye'' lo'' nae'' ru ngad ra'', ai wa yham sang myeng'' thoe, tung'' ce' , sam'' ve, we' l-lam l-khug khyo pe'' re qi; qhang sho' kha-qhi'' kha-kyo'' mae'' thaug' qhao na va'' ga'' ru mae vu'' yang joe'' lo nae'' d-xe zing ra'' Lhaovo byu-myu'' re vo'' byu myao nae'' ngad ra'' ein ...ta' au'' c-ra'' tung'' khye' re to; shi va''ra''.

vo'' gyo'' ra'' mungkan lau dao: d-qhae:

USA mae ngaui yham (bank) bam ngaui m-vo'' byaug' zai'' boe'' mung gyai qug' na ko'' ra'' , ai re American Asuya bao'' yu nae'' qhid' mae Mang; up jhaung George W. Bush wa $700 billions thug byid' nae'' ga'' ru re Congress ga'' ra'' mang: up phung: byu qi: bam myig m-vang'' boe'' na ko'' ra'' ga''.

Thailand mang: mae joe'' na ra'' myen mang byu'' bam myen mang: Asuya' re San da' pya' ko'' ga'', a-nag' ra'' bung gyi bam Yangon khyo mo'' khai mae San da' pya' , d-beik' maug' ru re dam myig beim'' ru we' myen mang: Asu''ya' tha'' nae'' qhid' mae mo' yao: na ko'' ra'' ga'' ru re BBC lau dao: mae vo'' gyo'' ra''.

L-ha mang: mae z-shao bam shaug' nae'' n-nug' phoi: shaug' re vae; dug' no , vao sheim sheim ru we' gaung dau: m-pyo: boe'' yang L-ha Asu''ya' mae'' n-nug' phoi m-aung: nao lo ga'' . Ai ra'' lau wa Hong kong khyo joe'' sho' joe'' na va'' ga'' ru re the' gyo'' ra''.

qi; qhang khyo qho g-lang

Lhaovo bam m-gai: yab jo, lo , ba myao: lo'' va'' , thao gyo'' lo'' na ra'' ,l-lam l-khug , tung'' ce' phaji: khyo , byu na byu ye, khyo , cid khyo ya khyo , xo' taui khyo , zaui; zo; mung ve, khyo , nghaui'' pyo khyo , mang; khyo gye khyo , phaga khyo khyo aja; ja mae thao gyo'' na ru mae'' su-g-je we' yao; cao yao: vo'' zam'' na ye'' lo'' nae'' qhid' mae thaug' qhao g-lang o''..

d-yaug d-lo ceim'' zaui mung loe, beim qi; qhang ye'' lo'' g-lang o''...

Yham d-jhid' yhaung'' to'' ra'' lhe''

Tung'' ce' sam'' we, blog yham a-sam d-jhid' tha'' to'' ra'' , ai mung nghaui'' thoe re: gai gyo nae'' qhid' mae thaug' qhao: to'' ra'', vo'' vo'' za gyo; vu'' g-lang , lhao nau'' qo ga'' ru ngad ra''.

Lhaovo bam re Mo''so min gam byid na shao: aw''

Khai Khyo Au: Qhu; Ra''? Where Are We Headed?

Lhaovo bam , lhao nau'' jham ra'' ne, mo'' ba, khai khyo au: qang na; ga'' ru re myig vu'' ca''.
Ana: ne, mungkan wa 21st Century , Information Techonology Age ga: yang qi: qhang jo, na va'' .
Ca-ra'' a pyad qid lao mae kao daui: na ra'' Ve, qae'', nag' bo Lhao nau'' Lhao zo bam kha kyo'' , kha-ru thaug' qhao na: ga'' ru mae cao'' yang , joe'' lo nae'' ngo: zin , d-xe zin ra'' Lhaovo byu myu'' re l-myhung'' gai myao ra''.

Yham sang myeng'' thoe re m-jhau , m-ta'' , m-mung , yham sang sam'' ve, re phug' m-te' , m-ci , tung'' ce' khyo m-thaug' qhao ngad re wa Lhaovo byu myu'' byaug lo'' nae'' wa pe'' ta'' m-ca'' ngad n-va''. Ce-re beim'' yang yham sang myeng'' thoe, yham sang tung'' ce' , yham sang sam'' ve, ga: yang za lam'' kad' na lao'' re mung kan I T khyo we' Media Communication ga'' ra'' xo' taui khyo , phaji'' khyo thao gyo'' nae'' re myig ca'' nae'' ngad ra''.

Ai mung ngo d-yaug' khyo'' myig vu'' re wa Lhaovo bam wa su ga-je tho' je: thaug' qhao ca'' nae'' ngad ein vo'' myao ra''. Vo mau'' zaui: mung yham mau'' qham'' , yham mau'' zaui: mung vo mau'' m-vo'' kad' m-boe'' nae'' qhid mae d-yaug we' d-yaug ba: gyo'' ru we' myig vang'' , myig qham taung'' ceim'' thaug' qhao na bam gai ra'' ein the' beim'' ru re tsao kyo'' ke' ra'' aw''.

Mo''so min gam je:ju ayo, khao ngo'' vo'' ra'' mo, boe'' doe' na v-shao: aw''.

University of Cambridge

UK, England mang: mae Second Top Tsao'' myao jaung mo'' ngad ra'', ca-ra'' jaung khyo vo'' li'' do, nae'' qhid' mae wa IELTS ga'' ra'' English tung'' ce' re phyid' poe'' vao mung lo'' dig 6.5 vo'' ca'' ra''. D-zin ra'' jaung do, phug' ein nae'' wa £25000 we' £30000 ngad ra'' ga'' ru re vo'' ba ra''. Lhaovo bam c-ra'' jaung khyo thao phyao m-joe'' nae'' ein kha-yaug' m-vo'' ta'' mhao''..

Mo''so khyo phung'' byid' lo; ra'' ba re wa thaug' qhao nae'' wa nhyao nae'' qho' ra'' mau'' zo'' yao: ngad' a-va'' ra'' o''..

big bang ga'' ra'' ru pe''?

Lhao nau'' bam m-thao gyo'' na nae'' qhid' mae ngo ba: ra'' kyo''mae'' ta'' kyo nug ra''.

Big Bang ga'' ru wa mung kan we' Gug' mang boe'' lo: ra'' a-khyo a-qao re Phajhi'' ju:-i phug' bam ta'' ra'' a-khyo myo; myo mae'' d-ja ngad ra''. Ai wa zai mo'' shid' lam shid' shad' khyo'' yao; cao yao: au: thaung qhug' mung go; byi lo'' ru mae'' ba , kyi , lho'' we' mug' myid dao kao'' bam a-lab' bo: ra'' Gug' mang (Universe) boe'' lo ru ngad' ga'' ga'' ra'' khyo ngad ra''.

Ana: ca ra'' a-khyo ngad laug? m-ngad laug ga'' ru je: ba sho' Ju:i pho'' bam wa France we' Switzerland mang: kyo mae'' CERN ga'' ra'' jo, no mae'' xam; jao mae mau''zo: a-sag' phung'' qhid' na: a-ko'' ga''.

kha ru boe'' nae'' ga'' ra'' khyo re wa m-vo'' ta'' shi , lao'' vu'' zai za ngad ra'' ga'' o''.

http://www.simsamyit.blogspot.com

ce re lhao nau'' d-yaug ra'' blog ngad ra'' ye lhe'' vu'' g-lang.

American Mang: Jhaung Up ( President) ra'' Rung''

WHITE HOUSE ga: re khai ra'' , ai mung Capitol Buling , Oval Office ga: re mhang'' a-ko'',

WASHINTON D.C mae jo, ra''.

American Mang: Jhaung Up khying poe''

American mang: mae joe'' lo nae'' November byid ba: ba re Mang: Jhaung Up khying poe'' ( President Election) ngad zai ngad.

Ai ra'' qhid' mae Mang: masa phung shid' phung mae'' Jhaung Up tug'( Presidency Candidate) shid' yaug : Barack Obama ( Democratic Party Nominee) we' Jhon Mac Cain (Repuplican Party) wa d-yaug we' d-yaug qam: ke' yao: jho'' ta'' lam'' na a-ko''.

Khayaug' Jhaung Up boe'' nae'' ga'' ru wa joe'' lo nae'' Nov byid ba: ne, re she ba zai ngad ra'' o''.

Tho' Mo''so mae myig nghae'' jao: jo, ra''.

Jhid' de, ra'' lhao nau'' bam alab' e''.... ana'' ban ra'' nyhao mo' su-na myig ke' vu'' re , nyhao mo' lhaovo byu myu'' jham a-khyo aja; ja mae thao gyo'' na shi'' ru re the' myao yang nag' m-pyo ngad' kyi: tung'' ce' we' sam'' ve, , pha,ji'' ju-yi , ngaui'' ja: , l-lam l-khug , byu na byu ye, , ga: yang shad' khao; ngo'' mae'' qam m-qo'' boe'' na ga'' ru re vo'' myao; ra''.

Ngag m-se'' Tho' Mo''so ra'' mung dao: mae ta'' to'' ru we' d-khyo'' za Yao; re lam khug' ru we' thaug' qhao myig nghae'' ra'' mo' alab' re yao; min gam nae'' , nag' lam ngaui pyo'', yaug yo, myeng cae'' ra'' je:ju byid nae'' ga'' ru re m-to'' myig' g-lang.

Lhaovo byu myu'' qi; qhang lo nae'' wa Mo''so we' za a-gai boe'' lo nae'', English khyo'' wa : ''Nothing is impossible with God '' nyhao mo' lhaovo bam re: Mo''so we' ngad lao'' wa gai boe'' shi'' ein qam byid' ru we' qam lhao'' ra'' o''.. Lhaovo bam re Mo''so min byid' na shao.....

Olympics 2008 China to 2012 London

Mungkan Olympics Poe'' mo'' re Laha mang mae'' d-xe khyaug' ba kad' ru 24th Aug (L-ban) ba re ping'' va''. Olympics mae Qhang jhaung qhu'' myo'' thao'' wa ;

First =L-ha
Second =Ame:ri'kan
Third = Russia
Fourth = Great Bratain

bam ngad' ko'' ga'', ce-ra'' poe'' mo'' re byid zin re d-lhang kad' ru ngad' ra'', dam joe'' lo nae'' 2012 re wa England mang: London myu' mo'' mae'' ngad. Jhid'de, ra'' Lhaovo byu myu'' mao; nhaung bam a-lab' re Olympics li'' vo'' vu'' nae'' qhid' mae thaug' qhao na g-lang ein qam byid nug ra'' o''..

Lhaovo tung''ce'

This is how we use Vowels in Lhaovo,

ae = yes

ai = that

ao = Nao = you

au = aung = win or can

ei = ai hei'' ru = that much big

eu = hardly use in lhaovo

eo = hardly use

0i = poi'' = celebration

oe = hoe = breath taking sound

Lhaovo Lesson Introduction

Today in 21st Century and in the age of Globalization ''Lhaovo'' as a small nation we are struggle to stand among giant nations, but we are God's children, we have the right as other nations and people around the world, no less not more!.

My intention is to share my knowledge about Lhaovo's concern and want Lhaovo people to be able to speak and write their own languge and literature.

Most of Lhaovo people are surviving and living under great influence of Jingpho , also one of The Kachins so they tend to be perdominantly overshadow by those people around them but every single Lhaovo knows that they have to promote their Language and literature according to God's will in order the Gospel to be preached to the nations in their native dialect ( heart language).

Here is some lesson to learn for those who want to learn how to write and speak Lhaovo.

Its simple , we will see Roman alphabets in Lhaovo Literature.

just like English we have Consonants and Vowels, but the main point to read Lhaovo correctly is to study its six tones signature which comprise with ;

Thoe qao: (- ) = basic sound ( e.g. ba = sun)
Thoe nyham (-,) = lower sound (kad' ge,= do it)
Thoe lhang'' (-;) = round sound (lo; va' = come over here)
Thoe qhang (-:) = longer song ( kad' lang: = let's do )
Thoe zhaug' (-') = short and stronger sound ( thug' = out or emerge)
Thoe myao (-'') = high and longer sound ( ra'' nga'' mao:= dear my brother)

Consonats are: B , C , D , F , G , J , K , L , M , N , P , Q , R , S , T , V , W , X , Y , Z
Vowels are: A , E , I , O , U.

you will notice that '' H'' is not in consonants list because in Lhaovo ''H'' is like joker , as you learn you will come to see how ''H'' use in Lhaovo. Thanks for your interest in Lhaovo literture. Hope to see you on second lesson.

Khayaug' qo?

Lhaovo byumyu'' bam thao gyo'' na: ga'' ru re khayaug' re myik' re re ngad ra'' ga: ta'' zai ngad'. Thao gyo'' na: ru wa pe'' nam mung yang ga'' ru re myig vu'' au'' , qi;qhang lo sho' thaug' qhao nae'' khag' qo ngad' ru myig vu'' nae'' qhid' mae c-ra'' tung'' khye' re tung'' ke' qo''

A-so;d-lam wa byu na thao gyo'' yang, pha,ji'' ju-i m-ba yang ngad nae'' , shid' lam ein nae'' wa thaug' qhao ca'' ru m-beim yang , sam wa yham sang ra'' mau'' zo'' m-zoe'' lai lo yang ( ba gau wa ngad' yang re , su g-je ra'' qi:qhang khyo mae bao'' thaug' ra'' khyo''za ngad' byaug naung...) , byid ein nae'' wa tung'' ce' m-vo'' lai lo yang , ngo: we' lo'' thao'' ein nae'' wa l-lam l-khug khyo mae shad' lai lo yang ngad n-va'' ein vo'' myig ra''.

A-na: ba lhaovo byumyu'' qi tung''ce' , sam'' ve, vo'' , l-lam l-khug vo'' mung phan a-sang re ba mung; qi; qhang lo; na va'' ru re vo'' the' myao ra'', ngad yang re su g-je we' ka'' re gyai thao gyo'' na shi'' ga'' ru re re vo'' ba ru ngad' , lhaovo byumyu'' bam cao jab shad' khyo'' mae'' qi;qhang lo sho' thaug qhao nae'' wa l-sae'', l-ha re m-ngad, sh-phyu , sh-no' bam re m-ngad nae''... ..Lhaovo byumyu'' qi:qhang lo nae'' wa Lhao nau'' nao ngo alhab qo yao ngad a-va'' ga'' ru re beim'' gyang'' lo mung yham sang na: ra'' , jo,qo mae aung ra'' gu'' mae'' Lhaovo byumyu'' qhid' mae'' thaug' qhao na g-lang ein qam lao'' ke ra'' o''..

Lhao nau'' bam a-lhab Mo''so ra'' min gam je:ju vo'' yu bam shao: o''..

Myig vu'' g-lang o''??

Jhid'de, ra'' lhao nau'' bam alab' re pyang dao: ta'' nug ra'', pyang dao: we' d-ga'' myig vu'' nae'' khyo re ngad nae''...

Lhaovo bam yham sang myeng'' thoe khyo'' pa''caung kad' ca'' i''?
Kad' ca'' ga'' lao'' pe'' mung kad' ca''?
M-kad' ca'' ga: lao'' re pe'' mung m-kad' ca'' ga'' ru myig vu'' g-lang.

Lhao tung''ce' we' sam''ve, khyo re tau; to' ci: ye'' lo'' ca'' i''? ca'' re pe'' mung:? m-ca'' ga lao'' re pe'' mung ga: ru myig vu'' gai.

Lhao nau'' qi phaug myeng'' jhau re gai i''? m-gai: i''?

Lhaovo Phung: we' KBC ra'' xo' taui khyo kharu kad' re gai nae''? San san kad' nae'' , m-ngad' re wa d-ga'' kad ye'' re gai nae'' i''?

C-ra'' dao: myid? bam alab' re nghe' vu'' myig vu'' mung d-ja: ja ta'' nug' lao'' comment gai byid' ra'' khyo re ta'' ke' qo'' ra'' o''.....

Lau dao: d-qhae:

USA dam-ma-da' mhyi'' Laura Bush wa Dam-ma-da' George W. Bush we' mung Laha mang: khyo Olympic poe'' mo'' ye nae'' ngad' , laha mang: li'' au'' Thai we' Korea mang: khyo re lae'' joe'' nae'' ngad ga vo'' gyo: ra''. Thai we' Myen mang: mang; kyo mae'' Refugee kem' we' Me-do: cid'rung'' khyo re li'' vu'' kam; nae'' ngad.

Joe'' lo nae'' August 3-7 re, UN, mungkan up khang'' phung ra'' Myen mang: we' seng ra'' lau: de, vo myen mang khyo li'' nae'' ngad' , yao wa myen mang atsu''ya' we' mang: khug' mae'' byu myu'' cao jab we' xu-su bao'' thaug' phung bam alab we' qhug' nae'' ngad' ga'' ru vo'' gyo: ra''.

Yangon Lhaovo Jaung nau'' zam''qhug' phung

Jhid'de, ra'' Lhaovo mhyi''pho'' mao: naung bam alab' re, tsao: khyo'' ke' nug' ra'':
Yangon joe'' na ra'' Lhao nau'' bam yham sang: myeng'' thoe khyo A-sang re pa''caung vo'' nae'' qhid' mae Lhaovo Jaung nau'' zam'' qhug' phaung re lho''d-khye' shid' lhang kad' na ru ngad'.

Kha yo, kha au: re , khaba: re , khai mae qham nae'' ga'' ru pe'' re wa, Mho''Pho'' Lagang -Leim''Cao,MIT, Insein re xo' taui'' yang gai ba: ra'' ga'' ru re kyo'' ke' ra'' o''.

Taung mang: Sae'' mang: we' Myen mang: khyi'' khao: khyi'' ngo'' mae'' Yangon v-gaung mo''mae joe'' na ra'' jhid'de, lhaovo mhyi'' pho'' mao: naung bam alab' re c-ra'' pa''caung phaung khyo joe''li'' yang: Mhyao thao'' a-sang re nyhao mo' ra'' myeng thoe yang caung'' ngaui''caung pa'' bam g-lang ein: qam lao'' ru we' pyang dao tsao'' ke' vo'' ra'' o''..

About Lhaovo people

Lhaovo , one the major race in Myanmar(Burma) also known as Kachins are inhabitants of Northern and North Eastern parts of the country. They used to worship Spirits known as (yui) in Lhaovo. In the early 19th century Western Missionary came to northern Burma and evangelized the native people there , along with others groups Lhaovo also became Christians. Nowadays almost 97% are still practice and belief in Christianity piously.

They have their own language , customs and way of harmony living with other communities around them. In early 1960s most of Lhaovo elders and educated youths were started for their own literature program and established Lhaovo literature and culture Committee. Before this period several struggles have been strike for gaining literature but wasn't got good result.

Today they have their own Bible Translation and Churches worship in Lhaovo native language. Lhaovo Pastors and many community Leaders has been emerged in the last two decades. They are leading the whole Lhaovo to be step up to more modernized , educated and civilized in order to live in this global village.

Jhid de, ra' lhao nau'' bam re ta'' nug ra''

Jhid'de, ra'' Lhao nau'' mao: naung bam alab re , cara'' blog mae qam byid dao ta'' nug ra'',
Nyhao: mo' Lhaovo bam wa lai lo: ra'' a yo; mae'' yao: yao'' myeng thoe , tung'' ce' we' na: gyo'' lo ru ana: ba mug' myid gam sho' ngad ava''.

Tung'' ce' , sam''ve, we' byu na khyo mae qi''qhang lo sho' nyhao: nae qho' yao thaug qhao'' ye: lo'' ca'' ga'' ru re khanae'' re beim'' na g-lang , yham sang myeng thoe, tung'' ce' re nyhao: nae qho' phug' m-te, m-ci re khag' yang ba: te' nae''?

Ngo re gyai ba yaug kam'' m-ngad ga'' ru re re ta'' nug' ra'' , ngo re lai lo va'' ayo; re m-ba yang , m-beim'' yang Lhao tung'' ce' re re m-ba; tung'' m-ba; ci lai lo: ru ngad. Ana'' lhao tung'' vo'' mo'' yu; ru wa d-zing myid shi'' ngad ra'', ai mung tung'' shad' pe'' mung ru pe'' re ba:gyo qo khyad' byid ru we' pha'ji: byid yu gai ein qam lao ta'' pyang ke' qo'' ra'' o''..

London mang; mae ba gyai laung: lo ra'' lau

London Taung zo: pa'' caung phaung

Mung dao: Mho''pho'' Aung Nan

Jab Jhaung: Mho''pho'' Baug Shan Daru:

Phaung Jhui: Mho'' mhyi'' Maran Seng'' Bu

Caung'' Ngaui'' Jhui: Zao''Bug' Ze Khao: we' byincao: bam

Ba na : 27th July, 2008

Jo,qo : Gospel Hall, Hammond Road, Southall, Middlesex, London.

Sao qhid' mae phaung jhui: yaug' jhaung mo' qhaug' ru we' ngaui'' thoe d-lam ngaui'' mung phaung re qhid va'', ai thao Jham: dao: re nghe' tha'' lhang mung: Phung mau'' sang mae'' kyo ca'' lau kyo; mung Phug'jaung Dai Gyung'' Ngaui'' te ngaui'' va'' ( d-lhang lhang myid ra'' khyo m-lhaung'' boe'' ru re Mo''so re qo m-fin lo: za Pho''Mo''so o ngaui ra'' khyo'' kao daui nae'' khyo ngad) ,

Ai: thao Jhaung:jab byang ra'' khyo'' mung mo' yu: bam va'' .

Mung dao: ein nae'' wa, Mug' ra'', Ngoi' ra'', Gug' ra'', ga'' no: xu su byu ra'' a-khyo re Pho''a-sang wa nag' khyag nag' myen'' yu: ru we' gai khyo re A-sang Ye:su mae byid' to: va'' ...c-ra'' a-khyo re lam khug bao: alab' d-yaug we' d-yaug d-ga: za ai a-sang ra'' dang man'' khyo khyo cao'' ye lo'' g-lhang ga qam byid' mo''shid lai va'' ru ngad.

Phaung ping'' ngaui'' thoe ngaui'' mung Yao Zaung: Mo''pho'' Pom Khun No: lo; kai jhaung mo' ru we' phung re ping va'' ru ngad'.

Ai: thao wa Lau:de, La, Lawn ra'' sam-xe byid zing byang'' khau ba ngad yang , yham sang mhyi'' L-shi'' Ah Ja mae'' zo: shaug' tso'' ru re Mo''pho'' G-lau'' Sau'' Cang'' jhaung mo' jeju caung'' ru we' ceim'' zo: bam va''.

England mang: ayo; 8:00pm mae boi'' bam va''.

Germany mae Ve,qae'' phaung poe'' mo'' jo;

Ana: joe'' lo nae'' July sam xe: ba: nae, mae'' August lho'' xing sam ba: ba joe'' sho' Germany
mang: mae Mungkan mang: jab Ve, qae'' poe'' mo'' jo; ra'' ga''.
Ai khyo: vo'' ye nae'' qhid mae Lhao nau'' bam thaug qhao g-lang
Ai: mae Ve, qae'' alab ra'' solho veni: khyo, zam''khug khyo we' phaji ju:i khyo re d-yaug we' d-yaug ta'' lhang zai ngad ga'' ru re the' gyo: ra''..

United Kingdom Joe'' Lhao Nau''

United Kingdom ga: ra'' mang:, England , Scotland , Wales , Northern Ireland mang: byid mang: re qhan yang wa na: bam: ra'' mang: ngad ra''.

Cara'' mang: mae Phaji'' ju-i li'' mo'' xam na ra'' lhao nau'' bam sam byid yaug na: ra'' , nyhao mo' lhaovo byu myu bam wa lai lo ra'' ayo, re yab myid jo; ru ana: ba taung bug mang: joe'' ngad yang re m-beim shi'' ra'' Lhao nau'' bam na: shi ko'' ra'' ga'' ru re vo'' myao re myid mae gyai yao zao: kyi, nag' kaug' kyi: o''... ngad yang re d-ne, wa beim'' gyang lo nae'' ru-we' ein ra'' myid nghae'' ru we' jhaung mo' na ru ngad.

Lhao nau'' bam re Min''zai: Leim'' Nao'' ngaui'' to'' ra'' ngaui'' thoe re ngaui'' kyo au: Yao: yao khayaug ngad ga'' ru myid vu'' g-lang lhe''

Verse 1
Taung zo byu myu: Lhao naung'' jham qi we:
Mug zhaung , Mug pyi: khavha'' mang: joe'' yang: re
Yao: yao kha-zang: shi: ngad , Yao: yao kha-vo; byu ngad
Beim so myid beim'' g-lang lhe''
Pe mug na i:?

Verse 2
Lhaovo byu myu Lhao nau'' jham qi: we:
Aung ba aung lho'' jo, naung'' re na: gyo: lo:
Su khyo pe'' kad' de, nae , Yao: yao a-tsao su-na
Su: ru su-na je: mhyao sho' thaug' qhao lang i:?

Chorus: Nao yao: myeng thoe , ni'' ra tung'' ce' ,
Nao: yao: byu xag m-ba re pe'' nag d-ngai
M-ca:... Ga-co' nhyao mo' bam: Nhyao mo' Jhaung Yham
Nao za joe: lo re, m-ba: ra'' gu'' re
Gyang'' gyang'' sho' sho' za lham ta'' mo'' shid lo n-va''
V1+V2+Chrous....Fade Out.

Mungkan lau dao:


American mang up ra'' dam-ma-da' boe'' lo nae'' ra'' Oba:ma'' wa ana: ne, UK mang khyo yao: ra'' Europe mang lhe'' gyaung lo'' thao khyo'' mung joe'' na ga'' ru re bbc lau jhaung: mae'' lau vo'' yu ru ngad.

UK, London mae'' Australia khyo dao'' ye lo'' ra'' mug' dao d-ce' wa , mug' khaung tho' mae dao'' na ra'' au: dao: lha: mae a-bung'' mo'' bung'' byaug' yang Philipine mang Manila mae gyo: pye' ca'' ga re lau vo'' yu ra''.

lhaovo byu myu'' alab' ra'' qhid mae

Jhid'de, ra'' lhaovo byu myu'' myhi'' pho'' mao naung bam alab' re ngaui bau'' , yaug yo, myeng cae'' ra'' au ngad v-ga-shao ein lo; zaui ke' vo'' ra'' o''.......

Cara'' Blog re tung'' boe'' nae'' khyo phung'' byid ra'' Tho'Mo''so we' lhao nau'' byincao: pho'' re jeju so'' ra'' khyo sao qhid' mae ta'' nug ra''.