Jhid' de, ra'' lhao nau'' bam a-lab re ta'' nug , tsao khyo'' nug ra'' khyo myo; myo jo, ru mae'' a-na'' myi wa So Ju-i ( Theology) we' ting'' ra'' a-khyo d-jhid' ta'' nug ra''. Nhyao: mo' ra'' L-lam l-khug khyo wa gyai nau'' nae'' shi'' ga'' ru re nao ngo lhao nau'' a-lab mo, ba gau ngad n-va'' ein lam'' ra''.
pe'' mung ga'' re L-lam l-khug ga'' ru wa d-ne, d-ba za: re ga'' va'' , ba va'' , laug va'' ga'' ra'' ja; m-ngad yang ngad ra''. Yao: wa ne, khao; ne, ngo'' ra'' su-na , kao daui khyo ngad ra''. Ai tho' mae So Ju-i ga'' ru wa ban we' ban boe'' doe, lo; ra'' m-myid bam a-lab' we' tha'' lag' na ra'' mung kan khyo a-ja; ja dao mae nyhang'' yu ca'' ra'' khyo myo; myo jo, ga'' ru re beim g-lang.
Lai lo ra'' m-myid mae'' Patristic - pa'' caung we' ting'' ra'' khyo myo; phyao re pho'' qi mae'' au; she ra'' yo, Mediaval- a gaung; yo, we' mung Reformation- lai lo ra'' ayo, ra'' khyo re tha'' lag' ra'' yo, we' mung a-ana'' nao ngo na; na ra'' Post Modern ga'' ra'' jhaung phaung yham wa khai mae re gai; ngad ra'' ga'' ra'' ban mae joe'' na bam va'' ru ngad.
C-ra'' a-sang Yesu thao cao'' ra'' naung cao bam ra'' su-na a-ja; ja lai phyid' lo va'' ru mae'' nyhao: mo' Lhaovo bam wa 19th Century lo'' thao'' tam'' re she' so ra'' naung cao bam boe'' lo ru ngad ra'' ein vo'' myao ra''. C-ra'' a-yo, re li'' vo'' ze; ru re gyai gai ra'' ngad ra'' , pe'' mung ga'' re yham sang myig ra'' o; ra'' khyo re m-gyaug m-qho' , m-gaung yug taung'' gai ta'' , gai cao'' ye'' ra'' a-yo, ngad yang ngad ra''.
yau; gying ru wa nhyao; nae qho' bam c-ra'' a-khyo re d-gu; ba mung vo'' cao'' ye'' lo'' nae'' ru ngad ra'', ai wa yham sang myeng'' thoe, tung'' ce' , sam'' ve, we' l-lam l-khug khyo pe'' re qi; qhang sho' kha-qhi'' kha-kyo'' mae'' thaug' qhao na va'' ga'' ru mae vu'' yang joe'' lo nae'' d-xe zing ra'' Lhaovo byu-myu'' re vo'' byu myao nae'' ngad ra'' ein ...ta' au'' c-ra'' tung'' khye' re to; shi va''ra''.
2 comments:
My friend, I like very much on this topic. We need to talk about theology and philosophy in our own languague (In Lhaovo) I also want to write something about theology but my writing in Lhaovo is not so nice. So later i will try it. My friend you are gifted in this special field in writing in Lhaovo. So, please continue to write some more topic on theology in Lhaovo.I believe that everybody will appriciate it. May the God lord bless your work.
Ce ra" a khyo re tung" ra" byin cao: pho" a tho' mae Mo" So asang Min mhin" byid va shao: ein jhaung: mho' byid' ke' rha".
Post a Comment