Lhaovo Kachin

The voice of Lhaovo as Kachin has been in silenced for decades because of Jingpho, so called Kachin. There are six/seven Kachins group within Kachin family. As Jingpho has been the dominant group over the other groups, majority group has been losing their identity as Kachins for years now. In 21st Century, with the rediscovery of self identity and dignity, all Kachins are back to the road of promoting their respective language and identity.

By doing so, as Kachin family we have to bear in mind that we are brothers and sisters, we share our history, region, land, cultural, tradition, religion and political aspects, so I would personally reminded that We as Kachins have to grow together in respective events together with mutual respect and understanding. Dialects of Kachins are Jingpho, Ravang, Lisu, Zaiwa, Lacid' and Lhaovo including Nung in latter days. True brother won't let his his brother left behind!

Myiggye, Shakuag'lhang'' Poe Mo'' (Fifa World Cup)

2014 mae Brazil mang: mae Myiggye, shakaug' lhang'' poe kaid' nae'' ngaid.

Ana'' ba 2nd December 2010 Switzerland mae kaid' ra'' 2018 we' 2022 Myiggye, shakaug' lhang'' poe mo'' poesang kaid' nae'' mang: re khying: ra'' mae'' , 2018 re wa Russia mang: mae kaid' nae'' ga'' ru we' 2022 re wa Qatar mang: mae kaid' nae'' ga'' ru qo'' khying ke' vako'' ra''.

Poesang kaid' nug ga'' ra'' mang; jham wa England, Netherlands+ Belgium, Spain we' Portugal

Asa' mang: mae'' wa Japan, South Korea , Australia we' USA jham ngaid ko'' ra'' ga'' ru qo'' ba ra''.

Praise the Lord

Tonight I found out there are so many Lhaovo internet user who use the facebook social network. Its really good to know that Lhaovo are not left behind in IT though less people are able to access to the internet.

My message to the Lhaovo internet user is '' please promote your identity as Lhaovo by any mean and as much as you can''. Why do I say like this? because we are just a few handful people, if we don't use our language and we don't upgrade our identity who else will bother about us?. Nowadays the world has become global to glocal, no matter where we are, we can contact and communicate each other quiet easily via email and social network.

I would suggest one of us can create a group over youtube or facebook or even gmail group to talk about us as Lhaovo. Let's make Lhaovo known every nations that we are God's people who worship him and praise him honour him in the 21st Century.

Do not look down on your fellow brothers and sisters for they are always there for you even when the whole world turn against you. There is a saying '' blood is thicker than water''.

Never Give Up

jhid'de ra'' lhao nau'' jham jhao'',

suna azhao'' mhyao nae'' tau thaug' qhao na bam ra'' lhao nau'' mao; nhaung jham re

tho' Pho'' Mo''so qu'' gam min byid' na shao: ein jhaung: mho' myid beim'' na ra''.

Pe'' ru'' qug' khai qhug ngaid m-se'' Mo''so we' byumyu'' qhid' mae aung ra'' gu'' mae'', yham sang na; ra'' jo,qo we' mau'' zo'' mae thaug' qhao na gelang: lhe''.

M-myao''' ra'' ayo, mae nhyao mo' byumyu'' suna ba ru: bao yaung'', kyi ru: lho'' ru bao; yaung'' li'' nae'' myid gaung theim m-shaid' yao; va''.

Do you best and the rest God will take care of it.

Lhaovo Churches

Since 1980s Lhaovo people have put great effort in planting and building Lhaovo speaking churches among Lhaovo people. By the Grace of God today, the life of Lhaovo Baptist Churches have come to more than twenty years old, the churches are making progress in building the Kingdom of God. Nevertheless Lhaovo are still need to grow in much more aspects such as communication, multi media, building prjects and organization structure along with administration.

In Waimo, the city next to the capital of Kachin State has been the major city for Lhaovo. The city host the office of Lhaovo Churches Association, Cultural and Literature Association. In Shwezet, Myitkyina stand Lhaovo Theological Seminary. We all proud to be Lhaovo and continue to support the building of Lhaovo Churches and community where our people reside.

I would like to invite all Lhaovo on behalf of Lhaovo to join our community and churches in order to maintain our national identity whilst seeking the spiritual enlightenment. God has given us the oppotunity to become as Lhaovo, so let's us adore and worship Him in God given language.

Thanks for reading and if you should have any quries about Lhaovo and Lhaovo Churches please do not hesiate to contact one of Lhaovo Church near you or write a comment and leave your message on Cbox on this blog. I will try my best to find way to assit in your desire to join our community.

Ana'' ba ra'' lo'' thao'' lau dao:

BBC we' VOA ra'' lo'' thao'' lau dao: re zhao; kyo nae'' ga'' lao'' wa,
England mang: mae maug khyug zhaung: Jung nau'' jham ra'' Jung phug' re d-zin sam taung mae'' gug taung khyo to' ke' ra'' akhyo qo'' ba ra''. 2012 mae'' wa Jung nau'' d-yaug ra'' d-zin Jung phug' wa England ngaui gug taung:( myen ngaui tig 150 ko ngaid nae'') ga''.

Ai mung: USA mae wa ana'' Jhaung up( President) kaid' na ra'' Barack Obama ra'' Party Democratic party wa House of Representative ga'' ra'' mang: lau; de, phung: mae seim'' na ra'' ga'' ru qo'' ba ra''. C-ra'' akhyo wa joe'' lo nae'' 2012 USA Election mae Republican jham dam; aung nae'' ra'' akhyo re qo'' bao'' thaug' nae'' ga'' ru re ta'' na ko'' ra'' .

Germany mae wa myo, m-myao; ra'' byu sam yaug re , lo'' thao'' azhao'' mhyao thao'' ra'' myo, kying: re te' byid' ru myo, d-jhid' jhid' qo'' myao veko'' ga'' ru qo''gyo'' ra''. Cara'' akhyo ce-tho' je: aung myaug lao'' wa myo, m-myao; jham ra'' qhid' gyai: yao; ngaui bau'' qo'' ra'' lau dao: ngaid ra'' ga''.

Ana'' au ba vao mang: mae'' bao re m-ngaui: ra'' ba thug' a-gaung: mang: tau mae'' g-la mao; nhaung; jham wa baug go, nae'' ra'' zai jham re dai'' deig na ko'' ru qo'' gyo'' ra''. Ai ra'' zai jham wa zai lham; khae yu yaug re shid' shao: ga'' ra'' khyo'' dai'' ke' ru ga'' ru qo'' ba ra''. Zai ai jham re ba vao mang: England dao; lha pa; mae qo'' taung'' pye' ko'' ru ga'' o'' .

Lhao nau'' bam ra'' suna khatau mae??

Jhid'e, ra'' Lhao nau'' mao; we , nhaung: we we'' ,

Qao'' na ko'' ra'' i'' ein lo, zaui'' ke' ra'' o''.

Ana'' joe'' lo nae'' ba ne, re wa nhyao; nhae qho' bam ceim'' qham na bam ra''

mang: mae President khying zai va'' ga'' ru the' gyo'' ra''.

Yao'' jo, qo we' jo, qo vogaung: khao; ngo'' mae re: mang: khyo mae vin vo, nae'' ra'' lau;de, re ceim'' khying bam zai ngaid' ga'' ru qo'' ba ra''. Cara'' akhyo we' tin'' yang: myen mang: we' mang: khao mang: ngo'' mae joe'' na ra'' Lhao nau'' jham kharu: myid na ko'' laug' ein ba nug; kyi:.

Nhyao; mho' suna wa aja; ja khyo'' mae'' ana'' shi'' qi; qhang: lo; na ru mae atam'' aphyid' jham myo; sho' jo, ru mae'' d-ba we' d-ba je; qi; qhang lo nae'' tau wa mang: khyo we' re: gyai yao; tin'' ra'' ga'' ru re m-gai; to'' myid' bam o''. Lhaovo byumyu'' qi ra'' suna , tung'' ce' , sam'' ve, we' zaui: zo mung ve, qi; qhang: khyo'' mae qo'' bao'' qo'' thaug' ra'' Lau; de bam re jo,qo byid: khying: to' ke' nae'' wa Lhao mhyi'' pho'' mao; nhaung: bam ra'' lo, khug mae yao: ngaid' ava'' o''.

Qug qae'' khyo jo, ra'' , m-gai boe'' nae'' ein ra'' myid re to'' pye' mung: qug' ru mae'' gai; boe'' gu thaug qhao na bam gelang: ein o; laung: ke' ra''. Lhaovo jham ra'' akhyo re mang; zug qi re qo'' ta'' zhao; kyo nae'' Lau; de, jham myo; myo; thug' li'' ca'' va''. Lhaovo khyo'' mae'' myen mang: mae na; ra'' byumyu'' cao jab re jhui'' au: she qo'' ra'' azhao'' khyo qo'' joe'' lo sho' thaug' qhao na gelang o''.

Cara'' akhyo qo'' boe'' doe, sho' m-yab m-yu: , thaug' qhao na bam re wa d-ba d-ne, re nhyao; nhae qho' myid nghae'' ra'' Lhaovo suna azhao'' mhyao; ru we' qi; qhang ra'' byumyu'' boe'' doe, nae'' wa myid gaung theim m-shaid' yao va''.

Lhaovo re jhid' ra'' lhao nau''

GangMeing'' Mug Sosuna Jeju caung'' Poe

Gangmeing'' mug khyo asang: ra'' sosuna joe'' vao lo; ra'' jeju caung'' phaung re 2011 April lho'' khye' tau re kaid' nae'' ga'' ru qo'' gyo'' ra''. Sae'' mang: Lhaovo sosuna qo'' yu ra'' jeju caung'' phaung re myidgye, khyi'' khao; ngo'' mae joe'' na ra'' Lhaovo myu'' jhid' myhi'' pho'' mao; nhaung jham alhap' re joe'' lo qam; byid nae'' re myid nghae'' ru we' lau kyo'' ke' ra'' o''.

Myu'' jhid' Lhao nau''

CHILE mang: mae'' khyi; yu khyo

Ana'' ba wa CHILE mang: mae'' myid gaung khug' mae meter 600 je myid byo, mung: jhe' laung''na ko' ra'' byu 33 yaug re khyi; ru ra'' ba ngaid ra''. CHILE jhaung zug, yao; khyi; yu ra'' mae li'' lhaug' na yang: qam li'' byid ru re BBC mae qo'' myao ra''.

San Jose ga'' ra'' vomo'' ra'' d-joqo mae'' Dung: khung mae mau'' zaui ko'' ra'' byu 33 yaug wa myid lab lab yang: dung: khung: byo, pyid' byaug yang: 69 ba jhe' laung'' na ko'' ru mae'' mug' tho' khyo dam; qo'' thug' lo ko'' ru re the' myao; ra''.

Myid gye, mang: khao; ngo'' mae'' lau dao; yu nae'' qhid' mae Journalist 13000 we' TV s-lho daui be, mung: yao; yao'' mang: we' myidgye, re pyo nae'' phung: 200 je; ko'' CHILE mae joe'' na ko'' ra'' ga''.

Mo''so re ba; lam khug ra'' nhaung cao jham ngaid ko'' ra'' m-thao c-ra'' mau'' zo'' wa Mug' pho'' mau'' zo'' ngaid ra'', Mo''so bao'' yu khyi; yu ru ngaid ra'' ga ta'' ako''.

Lhaovo Theology

Lhaovo are animist before western missionary came to the region. They practice spiritual in worship to the Yui ( Spirit ). When Christianity came to Northern Myanmar, in early 19th Century most Lhaovo became Christian. That's one huge progress for Lhaovo. Unfortunately Lhaovo had to offer their language and identity to the Christianity in return, which mean they have to speak Jingpho language in order to worship Christian God. Until 1960 Lhaovo do not encounter any sort of problem in term of religion, but after 1960 they became to aware that they have their own language to communicate the God that they are worshipping.

to be continue...

Phaug' mang mang: ra'' Lhao mhyi''

Jhid' de, ra'' Lhavo mao; , bai; , nhaung: jham we'' ana'' myi myen mang: we' tin'' ra'' lau dao: d-lam; mae qo'' nghe' ke' ru re myid m-pyo; taung'' zhao kyo'' ke' ra'' o'' .

In''dogyi'' mae'' Labyaung: Leim'' Nyoe ga ru ngaid ga'' , ana'' au wa Pha:kant' Varazup Aungra vo mae cid' seng phung'' to yaug ngaid ga''. Yao: wa ana'' Asu''ya jham kaid' nae'' mang: au she khyin poe mae phakant' vogaung: khyo'' b-vao; khyin nae'' ga'' ru qo'' gyo'' ra'' .

Yao; wa kao 45 ko we' , History( momyid:) akhyo we' maug khyug qo'' yu to'' ru ga'' ru qo'' ba ra''. Yao'' ra'' thaug' qhao ru we' mang: byu vo-byu taung: zo; jham re bao'' thaug' qo'' ru ru re gyai yao; nga; ye ru we' b-ngaui bau'' ra'' .

Ngaid m-se'' yao; wa Lhao nau'' d-yaug ngaid gau pe'' mung Baug' Ja ga'' ra'' phaug' mang mhang'' ca'' ga'' ru re m-ba; gyo ngaid ' kyi. Labyaung: Leim'' Nyoe mae'' kharu; mung: Baug' Ja Ja lo'' ru wa yao; mae'' lai yang g-tau khag' m-ba nae''. Ngo Lhao nau'' d-yaug khyo'' mae'' c-ra'' akhyo re qo'' gyo , qo'' ba yang: gyai yao: myid m-pyo; boe'' kyi: o''. Lhao nau'' jham yao; Lhao mang: re phug' m-te' re khag' yang li'' te' zai yha''???

Beim; g-lang: se o'' Lhaovo re; Mo''so phan'' ra'' byumyu'' taungzo: ngaid ga'' ru. Yham sang: byumyu'' re qu'' ngai ra'' byu wa d-ne, nhaung myid qo'' ra'' ga''.

Why Lhaovo Baptist Churches LBC?

Pe'' mung yang: Lhaovo Qid Nyhap'? kaid' ca'' nae''?

Cara'' dao; myid re ngo d-yaug khyo'' qo'' myid ra'' gu'' mae'' gae pyo; ke' ra'' wo''.

jap byang'' ra'' khyo m-jo, nae'' ein lam'' ra'' , jhid' de, ra'' mao; nhaung: byin zam'' cao; jham alhap' mo, re ta'' jhap' pyang'' lhaug gela, ein: re qam; lao'' ke' nug ru ngaid.

Pe'' mung LBC Lhaovo Baptist Convention ein yang kaid' ca'' ga'' ru re aso: sam lam khyo'' qo'' myid ra''. Aso; d-lam; wa Mo''so byid' to'' ra'' myen'' thoe d-lam; ngaid ra'' Lhao myen'' lhao thoe khyo'' Mo''so re caung khin'' caung nghaui'' nae'' tau ngaid'.

Aso; shid' mae wa byu myu'' d-myu'' ein yang: gang'' tang ye'' lo'' nae'' matu: myen'' thoe , tung'' ce' we' sam''ve, wa m-jo, m-gai: ra'' khyo jham ngaid ra'' we' d-khyo; za cara'' myen'' thoe , tung'' ce' we' sam''ve, jham re qo'' jhau , qo'' ci mung: qi; qhang sho' qo'' kaid' nae'' qhid' mae phung; ein: ru ca'' ra''.

Aso; sam ein nae'' mae wa myen'' thoe , tung'' ce' we sam''ve, dau: ra'' mao; nhaung jham d-yaug we' d-yaug jho'' qu'' jho'' gam , jho'' zam'' khug mung: qi; qhang khyo mae d-ga'' thaug' qhao'' ye'' lo'' nae'' tau , ma'' qho' i e''? yah'' e''? ein: yang; na; ye'' lo'' nae'' qhid' mae Lhaovo phung: re m-boe'' boe'' sho' m-jo; re jo, sho' qi'' qhang ye'' lo'' sho' ceim'' thaug' qhao ye'' lo'' ca'' ru re the' myao ra'' wo''.

Ana'' ba Mo''so jeju akhug' mae nhyao; mho' lhaovo jham qi; qhang lo; na ru the' myao ra''. Aug' bam jham; mho'' Jung re re; byid' to va''. Lhaovo pa'' caung phung: jhaung qham re; qo'' phung'' to; mung: vo-mang: byid' lam: re qo'' phung'' ye'' lo'' va'' ru re the' myao; ra''. Cara'' jham; mho'' Jung we' v0mang: khao; ngo'' qi'' qhang: gang'' tang: ye'' lo'' nae'' tau ceim'' bao'' ceim'' thaug' zo'' myid qhug' dang qhan taung'' na ye'' lo'' gelang: ein qam; lao'' ke' ra''.

Lhaovo Qid Nyhap' Phung: Vomang: jham wa Vai''mo vomang: , Myidkyina: vomang: , Sae''mang: we' Mugmyid (mo'' meik') vomang: jham ngaid ra'' ga'' ru qo'' ba ra''.

xo' yang xo' yang qam ke' ye'' lo'' ca

ana'' ba ngomo, byu myu'' qi'' qhang lo nae'' tau

nao ngo alhab thaug' qhao na bam gelang.

L-ba l-jhao qi; qhang lo sho' lam khug khyo mae qam ke' thaug' qhao

jhid' de, myid jham agyang'' we' su ye'' lo'' gelang

lo'' thao'' au'' thoe

Kao 47 zin shi'' ngaid ra'' Mho'' mhyi'' Professor Randy Pausch wa Cancel no mo'' qo'' ga'' ru ba yang: khamhyao'' m-ngaid' re shid zai va'' ga'' ru ba thao re yao'' ra'' mau'' zaui cao; jham, byin cao; jham we' jung nau'' jham re lo'' thao'' au'' thoe ta'' nae'' qhid' mae Ba maug' Jung (university) khyo joe'' li'' va''. Computer Science Professor ( jag au; naug) mho'' mhyi'' wa alhap' re byu 150 ko ngaid nae'' ga thang: na ru ,g-gai re wa zaung khau'' 400 je jo, ra'' qae, do, mo'' lhao'' jhe' byaug sho' ngaid' byaug ra''.

Mho''mhyi'' na; yi d-gaung ko yao'' ra'' nhag' khug' gyo'' dao; kheim jham re qi nug sam su we' qi nug tu'' au'' gyai; yao; l-se'' no, ra'' myid mae zao'' ra'' au'' thoe jham re ta'' ke' va''. Da la-ban gyaro; mae ai ra'' au'' thoe re be, to'' ra'' s-lho daui (video) wa Internet ( mug' xo' taui) mae byu tig khying'' qu'' ru re qo'' gyo va''. Ai thao aung; yaung'' thao'' tung'' paug' boe'' li'' va''. Shid' nae'' re qhug' n-va'' mho, wa kao daui su-na khyo ra'' yau gying ru re gyang'' gyang'' za the' myao ko'' ra''.

Jham; Paug' mae'' Naungcao Po''lu' ra'' au'' thoe re; asang; ra'' nhaungcao mao; nhaung: jham laug, laug, re zin lam; yo myo; myo qam pyang'' byid' lai lo va''. (" nga'' ra'' lo'' thao'' yo, joe'' va'' ra'' '') Po''lu' tung'' co' ra'' ('' ngo wa gai; ra'' akhyo tau gye-se' se' va'', ngo wa bin; zang joe'' sho' tao; va'' , ngo wa lam khug myid re gang'' tang nhao va'' ''.) Timo''thi' re tung'' ra'' tung'' khye' wa nhyao; nhaung'' re re; ta'' peim'' na ra''. Ai tung'' khye' wa asang; ra'' phug' m-byid, ra'' jeju we' qhid, mung: ai ra'' jeju we' thao'' ra'' ga''. A-gaung; gyaro; mae wa jeju caung'' au'' asang ra'' m-thao'' m-bin dao; ce, dao; thang'' jham re ngaui bau nae'' qhid' mae ngaid ra''.

Shid n-va'' za'' yaug ra'' au'' thoe wa kao daui ye'' lo'' nae'' mo, re akao'' bo l-se'' bo; ra'' khyo boe'' doe, nhao; ra''. Po''lu' ra'' lo'' thao'' au'' thoe wa Asang Mo''so ra'' phung'' qap bao d-pyad d-to bao kyi yaung'' lho'' jo, veshao: o'' ga'' ru ngaid ra''.

Nhyao nhaung'' wa m-byo, m-baui; ra'' kao daui khyo mae kao daui; na bam i''?

Ma-ngaid' re wa byo, baui'' pye' nae'' ra'' akhyo mae su'' na i''?

Mug' myid byu jham caung'' nae'' re thaug' qhao na; bam i''?

Ma-ngaid' re wa Asang Ye;su' ra'' ('' ngaid va'' o'') " ga'' ru re d-ne, qo'' khae yu nae'' ga'' ru re myid nghae'' na i''?

Nyhao nhaung'' wa shid' nae'' re re ngaid lao'' wa kao daui nae'' re: jin'' jin'' ngaid n-va''.

Football and Lhaovo

2010 Fifa World Cup Champion Spain. This is their very first world cup trophy in history. Madrid, the capital of Spain was full of celebration on 11 of July.

The football squad were met by the King of Spain. Netherlands were in their third time in world cup finals but have not made it yet. The oranges suffered badly as they were knocked out by fellow European team. This is the beauty of football. I will give my hope on Netherlands to become world champion on coming World Cup 2014 in Brazil.

We should work hard to achieve such an important prize in our history as well, nothing is impossible if you have gut to do and go for it. Imagine one day Lhaovo will be world champion and every nations of the world will recognized us we are the Champion. Hope is good so let's keep hoping good out of bad.

Yangon Lhaovo Christian Fellowship

Jhid' de, ra'' lhao nau'' mao; nhaung: jham alhap' re nhyao; mho' lhaovo myen'' thoe khyo'' mo''so re pa'' caung ra'' khyo mae qi; qhang; lo nae'' tau we' lhao nau'' yao; cao; qo'' zam'' khug' mung: d-yaug we' d-yaug qo'' jho'' qam; byid bao'' thaug' lham; nae'' qhid' mae Yangon v-mo'' mae Lhaovo Christian Fellowship re lho'' d-khye' re shid' lhang kaid' na ra'' ga'' ru re qo'' gyo'' ra''.

L-bug mang: ye; nae'' seim'' nhyang'' na ra'' lhao nau'' jham , L-bug mang: khyo'' dam; joe'' lo; ra'' lhao nau'' jham , myen mang: jo, qo jab mae'' Yangon khyo joe'' li'' ra'' mao; nhaung'' jham alhap mo, xo' taui'' yu mung: qam qhan dang qhan; ru'' we' Mo''so re caung khin'' na bam ge-lang o''.

Mo''so jhid' de, ra'' lhao nau'' we'' boe'' ge-lang:

shakaug' lhang''(football)

Byid zin re d-lhang khying; ra'' myidgye, shakaug' lhang'' khying poe (World Cup 2010) re South Africa mae June lho'' khye' 11 ba mae'' July 11 ba joe'' sho' kaid' na ko'' ru ngaid.

Mang: 32 mang: mae'' shakaug' lhang'' thaui (team) 32 thaui: vao; khying ko'' ru mae'' ana'' ba joe'' sho' ngaid re 18 taui za dang va'' ra''. Argentina, South Korea, Mexico, Uruguay, USA, England, Netherlands, Japan, Ghana, Germany, Spain, Chile, Brazil,Portugal, Paraguay we' Slovakia mang: mae'' shakaug' lhang'' thaui: jham wa lo'' thao'' 16 thaui joe'' sho' aung myaug v-ko''.

Nyhao mho' Lhaovo jham re; myid gye, mae qi; qhang ra'' byu myu'' boe'' doe, nae'' qhid' mae sap' ja shakaug' lhang'' re aung aung ba; pag' sho' thaug' qhao ye'' lo'' ca'' nae'' ein: the' myao ra'' o''.

Myidgye, mae a-so; d-lam qo'' na ra'' shakaug' lhang'' thaui: wa Brazil shakaug' lhang'' thaui ngaid ra''.

what is life?

d-lhang lhang mug' myid mae kao daui na: ra'' byu jham re '' nao kao daui: na ru pe'' qhid' mae''? ein: myid' re dao: phyid aja; ja ta'' ko'' ru re qo'' gyo; nae'' ngaid, dao: ka'' ngo kao daui; ru wa na; keim'' nae'', zo; nae'' shaug' nae'' yab nae'' , d-qhae; wa ngo kao daui; ru wa nga'' ra'' yham byu qhid' mae'' ga'' ru'' jham re qo'' gyo nae''.

myid to'' ru m-boe'' ra'' au re je; kharu: kaid' nae'' ga'' ru pe'' myid qug ngaid m-se'' yham sang pe'' m-qo'' kaid' ra'' ru re myid myo'' ru wa yao'' akhyo yao; ngaid ava'' ngaid ra''.

nhyao nhaung'' alhap' mo, yao; yao'' jo, qo mae ba; myid lhang: mung byu na byu ye, khyo mae qi; qhang lo sho' , lam khug khyo mae qi; qhang: lo sho' cao'' ye'' lo'' re wa kao daui ban; re ngaui pyo'' ra'' jeju qo'' yu nae'' ngaid ein: the' myao ra'' o''.

myen'' thoe

Lhao nau'' d-yaug khyo'' kao daui nae'' gyai yao; qug shi'' ra'', phaug' gyaro; mae ngaid lao'' lhao myen'' mung nae'' jao; byaug pye' pye' mung: ra''. Lhaovo bam m-laug yang: qug' ra''. Na; ra'' mo, re; Lhao myen'' re d-gu; dam; m-mung: Lhaovo byu myu'' akhyo myid ke' lao'' so' mo'' she ca'' ca'' mung: ra'' o''.

Lhaovo shid' yaug' we' phaug' d-yaug re re; phaug' myen'' mung ca'' , myen d-yaug na lao'' myen myen'' b-mung ca'' ru mhao''. Lhao myen'' mung nae'' qhid' mae Lhaovo bam gyai thug' qhao ca'' shi'' ra'' ein the' myao; ra''. Aja; ja khyo'' qi qhang lao'' wa yham sang re su phug' te' lao'' wa yham sang: myen'' re phug de, lo zai ngaid; ein: the' myao ra''.

Lhaovo are Kachins not Maru

To Whom It May Concern

Dear brother and sister of the world,

We all want mutual respect and recognition from others, that's perfectly natural for individual and as a nation and tribe. So please read this and get educated about Lhaovo people of Myanmar. If you love yourself and respect your nation, I am sure you will fully understand my feeling as I try to restore my dignity.

I am Lhaovo boy from Northern Burma(Myanmar), Kachin State. Lhaovo was previously known as Maru under the social-political situation in Myanmar. For Lhaovo's identity and dignity we would like to be addressed as Lhaovo by any mean and any circumstances.

There are seven tribes of Kachins known as Jinghpaw, Zaiwa, Lacid', Li-su , Rawang , Lhaovo and Nung. Lhaovo are Kachins but not definitely Maru. If someone keep calling Lhaovo as Maru will be considered as uncivilized and discriminated against humanity.

Lhaovo Ra'' Qi; Qhang Khyo

Jhid' de, ra'' mao; nhaung: Lhao nau'' bam e'' , nhyao; mo' Lhaovo bam wa yham sang: ra'' khyid yham sang m-ye; ru zin lam: myo; myo na: lai lo v-nhaung. Lhaovo myen'' thoe re m-jab m-byang'' m-ci mung: Lhaovo ga; m-qo'' qi; qhang ru wa myo, mae dae: dae ngaid ava''.

1980 jan'' mae'' Lhaovo mhyi'' pho'' mao; nhaung: d-myo'' mae'' Lhaovo byu myu'' qhid' myid nghae'' jao: myao; qhid' lo; ko'' ru mae'' ana'' ba nhyao nhae qho' bam; ra'' myen'' thoe khyo'' pa'' caung: qo'' kaid' na va'' ru ngaid. Tung'' ce' sam'' ve, khyo'' mae'' re qi; qhang lo; na ra'' ru re the' myao: ra''. Ce ra'' akhyo alhap' wa Tho' Pho'' Mo''so yao: khyo phung'' khyo shid' lo; ru ngaid va'' ein: khae; yu gai; ra'' o''.

C-ra'' tung'' khye' re tung'' ra'' yaug re; Lhao tung'' ce' re 2007 zin re she, qo'' mho'' ba; yu ru ngaid ra''. Lhaovo byu myu'' myo'' laug lo nae'' we' , l-ba l-jhao ju yi a zhao'' myao; lo nae'' qhid' mae ana'' ta re kao daui: na ra'' nao ngo Lhao nau'' yaug nge, ra'' m-vin m-gai; ra'' qo'' mo'' yao; ngaid a-va'' o''.

Myen mang: geim'' khyo'' ta'' lang ga; lao'' nhyao mo' Lhaovo jham wa gyai thao gyo'' na shi'' ru the' myao; ra'' , nhag' ngai nae'' tau m-ngaid' qam; yu yang: zhaug' tang: ye'' lo'' nae'' tau ngaid ra''.

Mo''so ra'' mang: ding'' cae'' lae lo nae'' qhid' mae Lhaovo bam thaug' qhao ca'', Lhaovo tung'' ce' sam'' ve, gang'' tang: ru we' Lhaovo; su-na su-ye, su-ge, mhye: ru we' azhao'' mhyao; lo nae'' qhid' mae Ju-i khyo, zaui: zo mung ve, khyo , l-lam l-khug , xo' taui: khyo , mang: khyo mug khyo , byu na byu ye, we' tin'' ra'' khyo aja; ja mae qi'' qhang: lo nae'' tau thaug' qhao'' na nae'' re qam: lao'' o: laung: ke' ra'' o''.

Lhaovo Baptist Theological Seminary Graduation 2010

On the 5th of March 2010, Lhaovo Baptist Theological Seminary was held its 2009/2010 Academic year's graduation at Lhaovo Seminary in Shwe Zet, Myitkyina, Union of Myanmar.

The ceremony began by the audiences taking their seats and all rise up as the ministers and staffs ascending to the state. It was in the morning and Church members from Myitkyina areas came to participate as well.

This year four students were graduated with Diploma in Theology. As Lhaovo Seminary entering to a new decade of its established. The school has made significant progress in both teaching facilities and staffs. From 2010/2011 Academic year the school has planned to offer Bachelor of Theology(B.Th) in Burmese and Lhaovo.

As Lhaovo is making progress in various development programs,I personally would like to draw your attention to support Lhaovo Baptist Theological Seminary and pray for it. Lhaovo Baptist Theological Seminary is the heart of Lhaovo people and the core learning centre for all Lhaovo people both near and far as well as domestics and abroad.

Pyo'' ra'' Lhao Nghaui'' Thoe

Dang Qhan Aung Doe, Nae''

Yesu' ra'' kao daui khyo

Lhao myan'' khyo'' ta'' kyo'' to'' ra'' Ye;su' ra'' kao daui khyo re Internet Youtube mae qo'' qu'' tae'' gyo nae'' ngaid a-va''. Thanks to World Language Record Program.

Web link:

Third time to London

Mo''so jeju mae London vo-mo'' khyo a-so: sam lhang ein nae'' dam; joe'' li'' va'' ru ngaid.
Mug sug' tung'' yaug Nyhao; mo' ra'' co' phyid' mug Taung Mang: we' Sae'' Mang: Yangon Mandale'' qan'' lho'' shid' khye' ko lo'' qo'' na; qin'' ru ngaid.

Jhid' de, ra'' Lhao nau'' mao; nhaung bam e'' nyhao mo' ra'' su-na a-zhao'' mhyao; lo nae'' qhid' mae gyai yao; a-thaug' qhao'' na ge-lang lhe''. Nao ngo lhao nau'' khai: mae joe'' na ngaid m-se'' yham sang: ra'' byu-myu'' re m-vu'' ngai lo; jhui'' qi; qhang ye'' lo'' nae'' tau aung; ra'' gu'' mae'' thaug' qhao ye'' lo'' gai; ra'' o''.

Vai''mo Lhaovo Qid Nyhap' Phung: Jhaung Qham, Lhao Tung'' Ce' We' Sam'' Ve, Phung: , Lhaovo Jham: Mho'' Jung we' Lhaovo khyo'' Mo''so re Pa'' Caung'' ra'' Phung: jham a-lhap mho, myid qhan; dang qhan; taung'' lo, xo' mung: Mo''so mau'' zo'' , byu myu'' mo'' zo'' mae nhag' qhan thaug' qhao'' ye'' lo'' re m-myhao'' ra'' ayo, mae nyhao mho' ra'' su-na azhao'' bin; ru bu'' yaung'' mhyao; gae: ru mhyao ye'' lo'' n-va'' o''.

Singapore

Singapore ga'' ra'' mang: wa mang: byu alhab' 4.99 million tin 50 ko za; ngaid ra''. Myo; phyao wa l-ha bam ngaid a ko'', Malay, Tamil we' g-tau byu myu'' bam qhan'' na ko'' ra'' mang: sag' ngaid ga'' ru qo'' ba ra''. 1965 re English Empire mae'' Independent qo'' mung Republic of Singapore ga; yang mang: sag' boe'' lo ru ngaid ga''.

Malaysia mang: we' qid' dae sang nae'' khyo we' mang; khyo mae myo myo dao; myo'' na; ru mae'' gai boe'' sho' thaug' qhao to'' ko'' ra''. Asia gu'' mae'' za wa Tokyo we' Osaka bin lao'' a so; sam ein nae'' na zo; phug' phug' deig ra'' City State ngaid ga''. Jak mau'' pe'' we' Technology, ai mung Pang Lai qid dae we' tin'' ra'' phaga khyo mae qi; qhang ra'' mang; nau'' ngaid ra''.

Singapore Airline wa A300-800 ga'' ra'' Dao; Lha mo'' re myo, myo qo'' vai mung myid gye, mae'' mang; mo'' bam myo; myo khyo ye; ye lo lo byu dai'' ra'' phaga mo'' yao qo'' ako'' ngaid ra''.

Glocal Ban: Joe'' Lhaovo

Ana'' ra'' byu na ban re Mobile Generation ga; mhang'' a ko''. Globalization mae'' Glocal ga'' ra'' khyo joe'' lo na; ra''. Mobile Generation ga'' ru wa byu na bang; d-bang; we' d-bang: m-dau lo; ayo, khao; ngo'' mae tha'' lag' mung a-sag' a-sag' ra'' myo, myao we' boe'' na ru re ta'' ru ngaid.

Ai mung dam; d-lam; Glocal ga'' ru wa Global, myid gye, ga''' ra'' dao; ce' we' Local ga'' ra'' yham; sang; vo tham: re qhan'' to'' ra'' dao; kheim sag' ngaid ra''. Pe'' mung ga'' re ta sag' mae wa myid gye, ra'' ba vao shaid' mae'' mang: USA, UK & Europe mae boe'' ra'' khyo re Japan, Korea we' Asian mang: bam jhao'' laui d-lhang dae cao'' boe'' ru we' g-tau Brazil we' South America, South Africa ru African mang: bam jhao'' re d-khyo; za ngaid na va''.

C-ra'' ta re kao daui: na ra'' nyhao mho' Lhaovo bam ta'' sag' ra'' kao daui khyo re kha kyo'' ko mae cao'' mhyae na ra'' ga'' ru re myid qu'' gai ra'' o''. Myid qu'' mung qam; yu mung thaug' qhao ye'' lo'' nae'' re myid nghae'' ra''. Myid qu'' mung m-gai boe'' lo-nae'' ga'' ra'' myid we' myid kham; pyip' mung yab jo, m-gai lo o''.

Lhao nau'' Nao d-yaug thaug' qhao'' ru wa Lhaovo bam ra'' qi; qhang khyo mae m-shid cid' ngaid lhe''.

Bamsamxe

ေလာ္ေဝၚ ဆိုသူမ်ား အတြက္

ခ်စ္ေသာေလာ္ေဝၚမ်ား အားလုံး ေနေကာင္း က်န္းမာၾကပါေစေၾကာင္း
ပဏာမ အားၿဖင့္ ဦးစြာ ဆုေတာင္းေမတၱာ ပုိ.သအပ္ပါသည္။

ကၽႊန္ေနာ္မ်ား ေလာ္ေဝၚBlogger မ်ားအေနၿဖင့္မိမိ၏ တန္ဖိုးရွိလွေသာအခ်ိန္ ကုိအသုံးခ်ကာ
ၾကဳိးစား ေရးသား ထားေသာ ေလာ္ေဝၚစာေပမ်ားကုိ အားေပးဖတ္ရွုုဳ ၿခင္းအားၿဖင့္
ေလာ္ေဝၚစာေပတုိးတက္ေရး၌ တဖက္တလွမ္းမွ ပါဝင္ၾကပါရန္ ေလာ္ေဝၚစာေပေရွ.ေရးအက်ဳိး ေမွ်ာ္၍တုိက္တြန္းႏူိးေဆာ္ လုိက္ရပါသည္။

ေလာ္ေဝၚစာခ်စ္သူ
ဝုိင္းေမာ္။

Tao'' Khyin Poe

Myid Gye, mang: alhab' mae'' byu bam Spiridon Louis re m-ba ngaid yang: re Greece mang: byu bam alhab' wa yao; re ba ko'' ra''. Pe'' mung ga'' re 1896 zin re Athens mae Olympics d-lhang dam; kaid' boe'' yang ngaid ra''.

Ai zin ra'' khying poe re Greeks byu myu'' bam laug laug aung myaug ko'' ra'', mang; jham alhab' mae'' Qhang D-zig jhaung qhu'' myo'' thao'' qo'' ko''. Ngaid yang: re Greeks byu myu'' alhab' re nga; qo'' nhao; ra'' ru wa Tao'' khyin poe ngaid ra''. 17 zo: wa 24.8 miles re tao'' khyin ko'' ru mae'' Spiridon Louis Aso: d-lam: qo'' nhaung: , yao; wa nao ngo we' d-khyo; za mau'' zaui zo: yaug' za ngaid. Louis ra'' aung myaug' khyo qhid' mae'' mang: byu bam alhab' we' Jhaung Zug, mae'' myhao; to' ru re qhug' va'' ra''. Ai mae'' Louis wa Greece mang: ra'' Tau; qu'' pho''(Hero) boe'' li'' va''.

L-gyo; pho'' Po''lu, re: Khristan: kao daui khyo re tao'' khying poe we' dao ka'' ka'' to'' ra''. D-lang: ra'' Ko''ring thu phung: byu bam re dai'' ra'' tung'' paug' Abang: 9 a-xag' 24 mae nyhao nhaung'' alhab' re tao'' khying poe re b-tao'' mug' ru za; m-ngaid' lo , jhaung qhu'' qo'' yu sho' thaug' qhao nae'' re vae'' ca'' ga ta'' kyang'' ra''. " Byu myo; sho' tao'' khying poe re vao ko'' ngaid yang: re d-yaug za: jhaung qhu'' qo'' ra'' ga'' ru ni-nhaung'' m-ba ko'' i''? jhaung qhu'' qo'' nae'' tau tao'' khying poe re vao ge,.'' ga; qam byid' ra''.

Po''lu' wa nhaid' yang za; ta'' ru m-ngaid' l-za: yao'' ra'' kao daui ban yang'' re daui; qhu'' co' va'' ra''. Yao'' ra'' lo'' thao'' tung'' paug' mae yao; ta'' ru wa: '' ngo wa gai; ra'' gye-se' poe re se' va'' ra'', ngo wa tao'' khying poe re tao'' peim'' mung lam khug myid re zhang: to va''( 2 Timo''thi' 4:7).

Po''lu' wa yao'' ra'' tao'' khyo re tao'' peim'' mung Mug' khaung mang: ding'' ra''' Jhaung zug Mo''so ra'' jhaung qhu'' re qo'' yu va'' ra''. Po'' lu' ru: ni'' ra'' myid gye, ra'' tao'' poe re tao'' khying au'' ni'' ra'' A-sang re ngaui bau: nhao qo'' ra'' o''.

Khristan kao daui khyo wa d-zab za; tao: yang bin ra'' tao'' khying poe ru m-ngaid ,

Marathon ru qhang qhang tao'' ra'' tao'' khying poe ru; ngaid ra'' o''.

Aug' Bam Jham; Jung Gyo'' Poe

Ana'' zin; ra'' nyao mho' Lhaovo Qid Nyab' Phung , Jham; mho'' Jung ra''' Jung gyo'' poe re joe'' lo nae'' March khye' lho'' xeing ngo'' ba qan'' re kaid' nae'' ngaid ga'' ru qo'' ba ra''. Mug' va mae joe'' na ko'' ra'' Lhao nau'' mao; nhaung bam alhab' re: khe' mhyae ngaid re wa Jung nau'' bam we' d-ga'' za ngaui bau'' ra'' ba na re Mo''so jeju re caung khin'' nae'' qhid' mae lau kyo'' ke' qo'' ra'' o''.

M-mhyao'' ra'' ayo, re Lhao phung: phung'' qhid' ra'' shid' xe zin byang'' jeju caung khin'' ra'' yo, gin; mo'' re re; qo'' kaid' nae'' tau thaug' qhao na ra'' ga'' ru qo'' ba ra''.
Lhao nau'' bam alhab' yham sang; ra'' byu myu'' qi; qhang khyo mae aung: ra'' gu'' mae'' thaug' qhao na g-lang: ein qam; lao au'' zhao kyo'' ke' ra''.

Aug' Bam

USA Mang: Jhaung Up Xug' Cliton we' George W. Bush For Haiti

North America mae'' mang: nau'' zo Haiti wa lai; lo'' va'' Ban thug' shid' ba; ba 12.01.10 re myig lab mo'' lab mung vo-mo'' gyoe, gyo'' ru we' byu taung yo'' myo; sho' shid' thao'' va''. Ai ra'' jo, qo khyo abao'' athaug' byid' ko'' ra'' mang: myo; myo mae'' USA wa gye zo: d-xe taung we' ngaui qhang zo: shaug' bao'' thaug' ko'' ra''. Ai mae'' ana'' ne, za; Qhid' phyao: re'' Presidents George W. Bush we' Cliton wa ana'' ra'' President Obama'' we' d-ga'' za Haiti mang; byu qi qhid' mae'' abao'' athaug' qo'' nae'' qhid' mae American mang: byu bam alhap jhao'' bao'' yao nae'' qhid' mae pyang dao; ta'' ko'' ra''.

Ngo ye zaung co' ra'' yham we' ngo we' d-ga'' zo zo'' lai va'' mho, ana'' wa pha lug bam boe'' na; bam ra'' ga Mr. Cliton ta'' ra'' . Ai we' d-khyo; za Mr. Bush re: Laura we' ngo Haiti mang: mae'' lau dao: re qu'' gyo; mung nhag' go, myid zao'' ra'' qu'' nhag' khyag' ra'' ga ta'' ra''. Haiti mang; byu bam wa gyai yao; nhag' lam; gang'' ra'' byu bam ngaid ra'' ga; re ta'' ra'' , ana'' c-ra'' Myig lab yang: qug' khai'' ru mae'' dam: qo'' gai; lo lao'' USA wa nga nhaung'' ra'' ba nam gai ngaid ra'' ga myid beim'' na qo'' nae'' tau thaug' qhao g-lang ga yao'' ra'' mang: byu bam re zhao'' kyo ru re qo'' gyo'' ke' ru ngaid.

Lhao nau'' d-yaug ra'' khyo

Lhao nau'' d-yaug ngaid m-se'' yham sang: ra'' myan'' thoe khyo'' Phan'' A-sang re caung'' nghaui'' nae'' re kao shid' xe je lao'' she' khyo myao yang; , lai lo va'' yo, qhid' mae'' gyai yao; myid m-pyo; ngaid kyi:. Ngaid yang: re thao m-gyo'' shi'' au re yham sang; ra'' myan'' thoe khyo'' Mo''so re qo'' caung khin'' nae'' khyo myao yang Asang re gyai yao: jeju so'' kyi:.

Nhag' khug mae'' yug thug' li'' ra'' caung'' nghaui'' thoe re nga'' ra'' aung nhag' myan'' thoe khyo'' qo'' caung khin'' ru gyai ngaui bau'' ra'' o''. Lai lo ra'' yo, mae'' ngo re'' ru ana'' joe'' sho' yham sang: myan'' thoe khyo'' Mo''so re m-qo'' caung nghaui'' shi'' ra'' Lhao mao: nhaung bam gyai laug shi'' ra'', ai bam qhid' mae'' re; Mo''so yao; nhaung'' re nhag' lam kham phung'' ru we' khyo myao: lo g-shao: o''.

Jhid' de, ra'' Lhao mao: nhaung bam alhab' re qam: lao nug ra'' , Lhaovo ngaid mung Lhao myan'' qam nhang'', m-ba: byaug ra'' mao; nhaung bam we' , myan'' thoe ba ngaid m-se'' yham sang: myan'' thoe khyo'' Mo''so re caung khin'' nae'' jeju m-qo'' shi'' ra'' Lhaovo mao; nhaung bam alhab' qhid' mae'' jhaung: mho' bao'' ru we' aung ra'' gu'' mae'' jho'' bao'' jho'' thaug' na g-lang o''.

D-yaug we' d-yaug qo bo , myo, de re m-qu'' lo: A-sang ra'' myo, nho re tau'' qu'' mung Lhaovo bam alhab' dang qhan'' ru we' yham sang: myan'' thoe khyo'' Gyoe so a-sang re qo'' caung khin'' mung Mo''so ra'' ngaui bau'' lau dao: hau'' kyo'' khyo we' Sosuna akhyo mae qo'' thaug' qhao ye'' lo'' ra'' byu myu'' , Mo''so mae d-ba; d-ba qi'' qhang lo ra'' byu myu'' min qo'' ra'' byu myu'' boe'' doe, ye'' lo'' g-lang lhe''.

Zin Xe Lam: Momyid

2000 zin re World Trade Centre dao: lha shid' ce' yang bom paug' mhya pye' ru qhug' va''.

2007 zin September re Yangon mae myen bunggyi bam re be se' be, pyo ru qhug' va''.

2008 May khye' re Myen mang: mae Aug' La mo'' qhug' mung byu d-tin je: shid' gao: va''.

2010 re wa mung kan mae mhyao thao'' ra'' yham mo'' re Dubai'' mae qo'' phung'' qhid' ke' v-ko''.

Taung zo: byu myu'' Lhao nau'' bam ra'' xe zin adai: ado, mae qo'' kaid' aung myaug ra'' mau'' zo'' bam re ba; ra'' mho, je ju'' we' xo' taui'' lo g-la ein mho, yao nug ra''.

2010 Franciscan Min Dao:

Dang man'' ra'' jhid' kao khyo we' kao ba: daui nae'' qhid' mae Mo''so wa nao re laui laui za pe'' re pe'' dao'' m-ngae: ra'' myid, ngaid m-ngaid' ra'' khyo jham: we' a-dao: pyae zam'' khug khyo pe'' re nhag' m-shid ra'' min jhaung: byid v-shao:

Dau nyang'' ra'' khyo we' loe, biem yaug yo, ra'' khyo re qo'' thaug qhao nae'' qhid' mae Mo''so wa nao re m-tara'' , zag zo'' ra'' , loi'' zo'' ra'' khyo re ba lao'' nhag' mai'' ra'' min jhaung: byid v-shao:

Nhag' kaug' myid m-pyo: bao: re nhag' khyag' bao'' thaug' yu mung yao: nhaung'' ra'' qug' khai khyo re ngaui bau'' khyo boe'' doe, nae'' qhid' mae Mo''so wa nao re qug' khai kyi'' khyag' , no phyo: qhug' , sha-pye'- gin kho' ra'' jham, moe, shap' phau: ru we' gye qo aja: ja qhug' mo, qhid' mae'' thug' gyo'' nae'' ngug byid min jhaung: byid v-shao; o''.

Dang man'' ra'' khyo , nhag' khyag' ra'' khyo zo-shao bam we' qug' khai myaung sho'' ra'' mao: nhaung: bam alhab' jhao'' joe'' nae'' qhid' mae Mo''so wa nao re ba gau qo'' go: ra'' nhag' myid min jhaung byid yang su myo: myo m-qo'' kaid' ra'' mau'' zo'' bam re qo'' thaug' qhao ye'' lo'' v-shao: o''..

Engage ga'' ra''Baptist Mission Society, Magazin'' mae'' re Southall Baptist Church program mae tung'' to'' ru re gai boe'' gu dao: phaug' ru ngaid.

Aug' Bam Jham Mho'' Jung

Mo''so ra'' je''ju khug mae nyhao: mho' Lhaovo bam: ra'' L-lam L-khug Kao-so' Aug' bam jham mho'' jung re Mo''so byid' to'' m-thao sao qhid' mae Asang je''ju re caung khin'' ra''.

Aug' bam jham jung nau'' bam 2009 zin ra'' sosuna gyaung khyo re sam phung: gae mung qo'' thug' du va'' ga'' ru re qo'' ba ra''. 2009 Deceber qan'' mae'' mung Myidkyina: vo-mang: , Ciphaui vo-mang: we' Vai''mo vo-mang: khyo'' mhyi'' pho'' mao: nhaung bam jhao'' qo'' joe'' va'' ru ngaid.

Mo''so we' Byu-myu'' myo, khung: re tau'' qu'' mung Jung nau'' bam re lham; tug' yu ru we' jo, qo seim'' nhyang'' byid' ra'' vo-mang: khao: ngo'' mae'' Lhaovo pa'' caung phung we' phung byu Lhaovo bam alhab' re Aug Bam Jham Jung ra'' gaung tha'' je''ju so'' ra'' ein nug ru ngaid. Xo' yang wa Pho'' a-sang ra'' Min jhaung: xe wa jhid' de, ra'' mhyi'' pho'' mao: nhaung bam alhab' adao: mae jo, na shao: ein jhaung mho' ke' ra''.

Lhaovo ra'' su-na qi: qhang nae'' wa nao ngo Lhao nau'' ra'' qo yao ngaid a-va'' o''.

Aug' Bam Z-lau:

2009 thao'' 2010 joe'' Lhaovo bam ra'' ayo, joe'' va'' ra''

Ana'' ba wa 2010 ra'' sao qhid' blog tung'' ru ngaid, 2009 zin re ngaui bau: taung'' qo'' lai ru we' d-khyo'' 2010 re re: ngaui bau taung'' qo'' na ye'' lo'' nae'' ein lam'' ra''.

2009 re mungkan mae boe'' doe, lai ra'' a khyo bam d-jhid' re mhyae: ra'' gu ta'' lang ga: lao'' American mang: mae sao qhid' lhang ra'' Sh-no' Dammada' boe'' lo va'', ai thao re mung kan mae qi'' thao'' ra'' ngaui qhang qug' khai khyo( Global Recession and Economics Crisis) qhug' bam va''.

Mungkan mae mang qi'' dig ra'' nghaui'' sang Micheal Jackson ( King of Pop) re: shid' pye' va'', myen mang: mae'' au jhaung boe'' lo nae'' Mhyi'' zang re re Asuya' bam nhao yo, joe'' ru m-nhao byid' ru tho' xo' yang taung'' to'' ru re qhug' va''.

Lhaovo bam qhid' mae'' 2009 zin wa kha-kyo'' kha qhi'' ngaid laug? Lhaovo kha mhyo'' yaug tan'' xe aung mung: , kha mhyo'' yaug phaji'' maug qo'' zhaung'' yu va''? Taung bug mang: khyo phaji'' ngaui qhang qho nae'' tau kha mhyo'' yaug re dai'' ke' qo'' va''? Tung'' ce' sam'' ve, khyo mae kha kyo'' mae'' qo'' thaug' qhao va' ga'' ra'' ru pe'' re no, no, nag' nag' myid qu'' ca'' va''. 2010 re re m-beim m-lau'' na: pye' nae'' i''?

Zin sag' wa nyhao: nhae qho' ra'' lo, khug mae joe'' na va'', ai re kharu: ci ye'' lo'' nae'' wa nao ngo yaug nge, khag' re khag' ba; ci ra'' mae cao'' yang l-se'' bo: nae'' ngaid. Lhao nau'' bam alhab' joe'' ra'' jo, qo mae Mo''so qhid' , byu myu'' qhid' wa yham sang ra'' mhyi'' pho'' mao; nhaung ba nam ba zo: qi alhab' qhid' mae'' yaung'' lho'' su-na boe'' doe, sho' thaug' qhao na g-lang o'' .

Mo''so Lhaovo qi re min byid na va'', d-yaug we' d-yaug qo khyad', bao'' thaug', dang qhan'' jhid' de, myid re qhid' to: mung, Jeju caung khin'' ra'' myid we' khae: yu na g-lang lhe''

Lhao jhid' z-lau:

Aug' Bam