Yesu' ra'' kao daui khyo

Lhao myan'' khyo'' ta'' kyo'' to'' ra'' Ye;su' ra'' kao daui khyo re Internet Youtube mae qo'' qu'' tae'' gyo nae'' ngaid a-va''. Thanks to World Language Record Program.

Web link:

Third time to London

Mo''so jeju mae London vo-mo'' khyo a-so: sam lhang ein nae'' dam; joe'' li'' va'' ru ngaid.
Mug sug' tung'' yaug Nyhao; mo' ra'' co' phyid' mug Taung Mang: we' Sae'' Mang: Yangon Mandale'' qan'' lho'' shid' khye' ko lo'' qo'' na; qin'' ru ngaid.

Jhid' de, ra'' Lhao nau'' mao; nhaung bam e'' nyhao mo' ra'' su-na a-zhao'' mhyao; lo nae'' qhid' mae gyai yao; a-thaug' qhao'' na ge-lang lhe''. Nao ngo lhao nau'' khai: mae joe'' na ngaid m-se'' yham sang: ra'' byu-myu'' re m-vu'' ngai lo; jhui'' qi; qhang ye'' lo'' nae'' tau aung; ra'' gu'' mae'' thaug' qhao ye'' lo'' gai; ra'' o''.

Vai''mo Lhaovo Qid Nyhap' Phung: Jhaung Qham, Lhao Tung'' Ce' We' Sam'' Ve, Phung: , Lhaovo Jham: Mho'' Jung we' Lhaovo khyo'' Mo''so re Pa'' Caung'' ra'' Phung: jham a-lhap mho, myid qhan; dang qhan; taung'' lo, xo' mung: Mo''so mau'' zo'' , byu myu'' mo'' zo'' mae nhag' qhan thaug' qhao'' ye'' lo'' re m-myhao'' ra'' ayo, mae nyhao mho' ra'' su-na azhao'' bin; ru bu'' yaung'' mhyao; gae: ru mhyao ye'' lo'' n-va'' o''.

Singapore

Singapore ga'' ra'' mang: wa mang: byu alhab' 4.99 million tin 50 ko za; ngaid ra''. Myo; phyao wa l-ha bam ngaid a ko'', Malay, Tamil we' g-tau byu myu'' bam qhan'' na ko'' ra'' mang: sag' ngaid ga'' ru qo'' ba ra''. 1965 re English Empire mae'' Independent qo'' mung Republic of Singapore ga; yang mang: sag' boe'' lo ru ngaid ga''.

Malaysia mang: we' qid' dae sang nae'' khyo we' mang; khyo mae myo myo dao; myo'' na; ru mae'' gai boe'' sho' thaug' qhao to'' ko'' ra''. Asia gu'' mae'' za wa Tokyo we' Osaka bin lao'' a so; sam ein nae'' na zo; phug' phug' deig ra'' City State ngaid ga''. Jak mau'' pe'' we' Technology, ai mung Pang Lai qid dae we' tin'' ra'' phaga khyo mae qi; qhang ra'' mang; nau'' ngaid ra''.

Singapore Airline wa A300-800 ga'' ra'' Dao; Lha mo'' re myo, myo qo'' vai mung myid gye, mae'' mang; mo'' bam myo; myo khyo ye; ye lo lo byu dai'' ra'' phaga mo'' yao qo'' ako'' ngaid ra''.

Glocal Ban: Joe'' Lhaovo

Ana'' ra'' byu na ban re Mobile Generation ga; mhang'' a ko''. Globalization mae'' Glocal ga'' ra'' khyo joe'' lo na; ra''. Mobile Generation ga'' ru wa byu na bang; d-bang; we' d-bang: m-dau lo; ayo, khao; ngo'' mae tha'' lag' mung a-sag' a-sag' ra'' myo, myao we' boe'' na ru re ta'' ru ngaid.

Ai mung dam; d-lam; Glocal ga'' ru wa Global, myid gye, ga''' ra'' dao; ce' we' Local ga'' ra'' yham; sang; vo tham: re qhan'' to'' ra'' dao; kheim sag' ngaid ra''. Pe'' mung ga'' re ta sag' mae wa myid gye, ra'' ba vao shaid' mae'' mang: USA, UK & Europe mae boe'' ra'' khyo re Japan, Korea we' Asian mang: bam jhao'' laui d-lhang dae cao'' boe'' ru we' g-tau Brazil we' South America, South Africa ru African mang: bam jhao'' re d-khyo; za ngaid na va''.

C-ra'' ta re kao daui: na ra'' nyhao mho' Lhaovo bam ta'' sag' ra'' kao daui khyo re kha kyo'' ko mae cao'' mhyae na ra'' ga'' ru re myid qu'' gai ra'' o''. Myid qu'' mung qam; yu mung thaug' qhao ye'' lo'' nae'' re myid nghae'' ra''. Myid qu'' mung m-gai boe'' lo-nae'' ga'' ra'' myid we' myid kham; pyip' mung yab jo, m-gai lo o''.

Lhao nau'' Nao d-yaug thaug' qhao'' ru wa Lhaovo bam ra'' qi; qhang khyo mae m-shid cid' ngaid lhe''.

Bamsamxe

ေလာ္ေဝၚ ဆိုသူမ်ား အတြက္

ခ်စ္ေသာေလာ္ေဝၚမ်ား အားလုံး ေနေကာင္း က်န္းမာၾကပါေစေၾကာင္း
ပဏာမ အားၿဖင့္ ဦးစြာ ဆုေတာင္းေမတၱာ ပုိ.သအပ္ပါသည္။

ကၽႊန္ေနာ္မ်ား ေလာ္ေဝၚBlogger မ်ားအေနၿဖင့္မိမိ၏ တန္ဖိုးရွိလွေသာအခ်ိန္ ကုိအသုံးခ်ကာ
ၾကဳိးစား ေရးသား ထားေသာ ေလာ္ေဝၚစာေပမ်ားကုိ အားေပးဖတ္ရွုုဳ ၿခင္းအားၿဖင့္
ေလာ္ေဝၚစာေပတုိးတက္ေရး၌ တဖက္တလွမ္းမွ ပါဝင္ၾကပါရန္ ေလာ္ေဝၚစာေပေရွ.ေရးအက်ဳိး ေမွ်ာ္၍တုိက္တြန္းႏူိးေဆာ္ လုိက္ရပါသည္။

ေလာ္ေဝၚစာခ်စ္သူ
ဝုိင္းေမာ္။

Tao'' Khyin Poe

Myid Gye, mang: alhab' mae'' byu bam Spiridon Louis re m-ba ngaid yang: re Greece mang: byu bam alhab' wa yao; re ba ko'' ra''. Pe'' mung ga'' re 1896 zin re Athens mae Olympics d-lhang dam; kaid' boe'' yang ngaid ra''.

Ai zin ra'' khying poe re Greeks byu myu'' bam laug laug aung myaug ko'' ra'', mang; jham alhab' mae'' Qhang D-zig jhaung qhu'' myo'' thao'' qo'' ko''. Ngaid yang: re Greeks byu myu'' alhab' re nga; qo'' nhao; ra'' ru wa Tao'' khyin poe ngaid ra''. 17 zo: wa 24.8 miles re tao'' khyin ko'' ru mae'' Spiridon Louis Aso: d-lam: qo'' nhaung: , yao; wa nao ngo we' d-khyo; za mau'' zaui zo: yaug' za ngaid. Louis ra'' aung myaug' khyo qhid' mae'' mang: byu bam alhab' we' Jhaung Zug, mae'' myhao; to' ru re qhug' va'' ra''. Ai mae'' Louis wa Greece mang: ra'' Tau; qu'' pho''(Hero) boe'' li'' va''.

L-gyo; pho'' Po''lu, re: Khristan: kao daui khyo re tao'' khying poe we' dao ka'' ka'' to'' ra''. D-lang: ra'' Ko''ring thu phung: byu bam re dai'' ra'' tung'' paug' Abang: 9 a-xag' 24 mae nyhao nhaung'' alhab' re tao'' khying poe re b-tao'' mug' ru za; m-ngaid' lo , jhaung qhu'' qo'' yu sho' thaug' qhao nae'' re vae'' ca'' ga ta'' kyang'' ra''. " Byu myo; sho' tao'' khying poe re vao ko'' ngaid yang: re d-yaug za: jhaung qhu'' qo'' ra'' ga'' ru ni-nhaung'' m-ba ko'' i''? jhaung qhu'' qo'' nae'' tau tao'' khying poe re vao ge,.'' ga; qam byid' ra''.

Po''lu' wa nhaid' yang za; ta'' ru m-ngaid' l-za: yao'' ra'' kao daui ban yang'' re daui; qhu'' co' va'' ra''. Yao'' ra'' lo'' thao'' tung'' paug' mae yao; ta'' ru wa: '' ngo wa gai; ra'' gye-se' poe re se' va'' ra'', ngo wa tao'' khying poe re tao'' peim'' mung lam khug myid re zhang: to va''( 2 Timo''thi' 4:7).

Po''lu' wa yao'' ra'' tao'' khyo re tao'' peim'' mung Mug' khaung mang: ding'' ra''' Jhaung zug Mo''so ra'' jhaung qhu'' re qo'' yu va'' ra''. Po'' lu' ru: ni'' ra'' myid gye, ra'' tao'' poe re tao'' khying au'' ni'' ra'' A-sang re ngaui bau: nhao qo'' ra'' o''.

Khristan kao daui khyo wa d-zab za; tao: yang bin ra'' tao'' khying poe ru m-ngaid ,

Marathon ru qhang qhang tao'' ra'' tao'' khying poe ru; ngaid ra'' o''.

Aug' Bam Jham; Jung Gyo'' Poe

Ana'' zin; ra'' nyao mho' Lhaovo Qid Nyab' Phung , Jham; mho'' Jung ra''' Jung gyo'' poe re joe'' lo nae'' March khye' lho'' xeing ngo'' ba qan'' re kaid' nae'' ngaid ga'' ru qo'' ba ra''. Mug' va mae joe'' na ko'' ra'' Lhao nau'' mao; nhaung bam alhab' re: khe' mhyae ngaid re wa Jung nau'' bam we' d-ga'' za ngaui bau'' ra'' ba na re Mo''so jeju re caung khin'' nae'' qhid' mae lau kyo'' ke' qo'' ra'' o''.

M-mhyao'' ra'' ayo, re Lhao phung: phung'' qhid' ra'' shid' xe zin byang'' jeju caung khin'' ra'' yo, gin; mo'' re re; qo'' kaid' nae'' tau thaug' qhao na ra'' ga'' ru qo'' ba ra''.
Lhao nau'' bam alhab' yham sang; ra'' byu myu'' qi; qhang khyo mae aung: ra'' gu'' mae'' thaug' qhao na g-lang: ein qam; lao au'' zhao kyo'' ke' ra''.

Aug' Bam

USA Mang: Jhaung Up Xug' Cliton we' George W. Bush For Haiti

North America mae'' mang: nau'' zo Haiti wa lai; lo'' va'' Ban thug' shid' ba; ba 12.01.10 re myig lab mo'' lab mung vo-mo'' gyoe, gyo'' ru we' byu taung yo'' myo; sho' shid' thao'' va''. Ai ra'' jo, qo khyo abao'' athaug' byid' ko'' ra'' mang: myo; myo mae'' USA wa gye zo: d-xe taung we' ngaui qhang zo: shaug' bao'' thaug' ko'' ra''. Ai mae'' ana'' ne, za; Qhid' phyao: re'' Presidents George W. Bush we' Cliton wa ana'' ra'' President Obama'' we' d-ga'' za Haiti mang; byu qi qhid' mae'' abao'' athaug' qo'' nae'' qhid' mae American mang: byu bam alhap jhao'' bao'' yao nae'' qhid' mae pyang dao; ta'' ko'' ra''.

Ngo ye zaung co' ra'' yham we' ngo we' d-ga'' zo zo'' lai va'' mho, ana'' wa pha lug bam boe'' na; bam ra'' ga Mr. Cliton ta'' ra'' . Ai we' d-khyo; za Mr. Bush re: Laura we' ngo Haiti mang: mae'' lau dao: re qu'' gyo; mung nhag' go, myid zao'' ra'' qu'' nhag' khyag' ra'' ga ta'' ra''. Haiti mang; byu bam wa gyai yao; nhag' lam; gang'' ra'' byu bam ngaid ra'' ga; re ta'' ra'' , ana'' c-ra'' Myig lab yang: qug' khai'' ru mae'' dam: qo'' gai; lo lao'' USA wa nga nhaung'' ra'' ba nam gai ngaid ra'' ga myid beim'' na qo'' nae'' tau thaug' qhao g-lang ga yao'' ra'' mang: byu bam re zhao'' kyo ru re qo'' gyo'' ke' ru ngaid.

Lhao nau'' d-yaug ra'' khyo

Lhao nau'' d-yaug ngaid m-se'' yham sang: ra'' myan'' thoe khyo'' Phan'' A-sang re caung'' nghaui'' nae'' re kao shid' xe je lao'' she' khyo myao yang; , lai lo va'' yo, qhid' mae'' gyai yao; myid m-pyo; ngaid kyi:. Ngaid yang: re thao m-gyo'' shi'' au re yham sang; ra'' myan'' thoe khyo'' Mo''so re qo'' caung khin'' nae'' khyo myao yang Asang re gyai yao: jeju so'' kyi:.

Nhag' khug mae'' yug thug' li'' ra'' caung'' nghaui'' thoe re nga'' ra'' aung nhag' myan'' thoe khyo'' qo'' caung khin'' ru gyai ngaui bau'' ra'' o''. Lai lo ra'' yo, mae'' ngo re'' ru ana'' joe'' sho' yham sang: myan'' thoe khyo'' Mo''so re m-qo'' caung nghaui'' shi'' ra'' Lhao mao: nhaung bam gyai laug shi'' ra'', ai bam qhid' mae'' re; Mo''so yao; nhaung'' re nhag' lam kham phung'' ru we' khyo myao: lo g-shao: o''.

Jhid' de, ra'' Lhao mao: nhaung bam alhab' re qam: lao nug ra'' , Lhaovo ngaid mung Lhao myan'' qam nhang'', m-ba: byaug ra'' mao; nhaung bam we' , myan'' thoe ba ngaid m-se'' yham sang: myan'' thoe khyo'' Mo''so re caung khin'' nae'' jeju m-qo'' shi'' ra'' Lhaovo mao; nhaung bam alhab' qhid' mae'' jhaung: mho' bao'' ru we' aung ra'' gu'' mae'' jho'' bao'' jho'' thaug' na g-lang o''.

D-yaug we' d-yaug qo bo , myo, de re m-qu'' lo: A-sang ra'' myo, nho re tau'' qu'' mung Lhaovo bam alhab' dang qhan'' ru we' yham sang: myan'' thoe khyo'' Gyoe so a-sang re qo'' caung khin'' mung Mo''so ra'' ngaui bau'' lau dao: hau'' kyo'' khyo we' Sosuna akhyo mae qo'' thaug' qhao ye'' lo'' ra'' byu myu'' , Mo''so mae d-ba; d-ba qi'' qhang lo ra'' byu myu'' min qo'' ra'' byu myu'' boe'' doe, ye'' lo'' g-lang lhe''.

Zin Xe Lam: Momyid

2000 zin re World Trade Centre dao: lha shid' ce' yang bom paug' mhya pye' ru qhug' va''.

2007 zin September re Yangon mae myen bunggyi bam re be se' be, pyo ru qhug' va''.

2008 May khye' re Myen mang: mae Aug' La mo'' qhug' mung byu d-tin je: shid' gao: va''.

2010 re wa mung kan mae mhyao thao'' ra'' yham mo'' re Dubai'' mae qo'' phung'' qhid' ke' v-ko''.

Taung zo: byu myu'' Lhao nau'' bam ra'' xe zin adai: ado, mae qo'' kaid' aung myaug ra'' mau'' zo'' bam re ba; ra'' mho, je ju'' we' xo' taui'' lo g-la ein mho, yao nug ra''.

2010 Franciscan Min Dao:

Dang man'' ra'' jhid' kao khyo we' kao ba: daui nae'' qhid' mae Mo''so wa nao re laui laui za pe'' re pe'' dao'' m-ngae: ra'' myid, ngaid m-ngaid' ra'' khyo jham: we' a-dao: pyae zam'' khug khyo pe'' re nhag' m-shid ra'' min jhaung: byid v-shao:

Dau nyang'' ra'' khyo we' loe, biem yaug yo, ra'' khyo re qo'' thaug qhao nae'' qhid' mae Mo''so wa nao re m-tara'' , zag zo'' ra'' , loi'' zo'' ra'' khyo re ba lao'' nhag' mai'' ra'' min jhaung: byid v-shao:

Nhag' kaug' myid m-pyo: bao: re nhag' khyag' bao'' thaug' yu mung yao: nhaung'' ra'' qug' khai khyo re ngaui bau'' khyo boe'' doe, nae'' qhid' mae Mo''so wa nao re qug' khai kyi'' khyag' , no phyo: qhug' , sha-pye'- gin kho' ra'' jham, moe, shap' phau: ru we' gye qo aja: ja qhug' mo, qhid' mae'' thug' gyo'' nae'' ngug byid min jhaung: byid v-shao; o''.

Dang man'' ra'' khyo , nhag' khyag' ra'' khyo zo-shao bam we' qug' khai myaung sho'' ra'' mao: nhaung: bam alhab' jhao'' joe'' nae'' qhid' mae Mo''so wa nao re ba gau qo'' go: ra'' nhag' myid min jhaung byid yang su myo: myo m-qo'' kaid' ra'' mau'' zo'' bam re qo'' thaug' qhao ye'' lo'' v-shao: o''..

Engage ga'' ra''Baptist Mission Society, Magazin'' mae'' re Southall Baptist Church program mae tung'' to'' ru re gai boe'' gu dao: phaug' ru ngaid.

Aug' Bam Jham Mho'' Jung

Mo''so ra'' je''ju khug mae nyhao: mho' Lhaovo bam: ra'' L-lam L-khug Kao-so' Aug' bam jham mho'' jung re Mo''so byid' to'' m-thao sao qhid' mae Asang je''ju re caung khin'' ra''.

Aug' bam jham jung nau'' bam 2009 zin ra'' sosuna gyaung khyo re sam phung: gae mung qo'' thug' du va'' ga'' ru re qo'' ba ra''. 2009 Deceber qan'' mae'' mung Myidkyina: vo-mang: , Ciphaui vo-mang: we' Vai''mo vo-mang: khyo'' mhyi'' pho'' mao: nhaung bam jhao'' qo'' joe'' va'' ru ngaid.

Mo''so we' Byu-myu'' myo, khung: re tau'' qu'' mung Jung nau'' bam re lham; tug' yu ru we' jo, qo seim'' nhyang'' byid' ra'' vo-mang: khao: ngo'' mae'' Lhaovo pa'' caung phung we' phung byu Lhaovo bam alhab' re Aug Bam Jham Jung ra'' gaung tha'' je''ju so'' ra'' ein nug ru ngaid. Xo' yang wa Pho'' a-sang ra'' Min jhaung: xe wa jhid' de, ra'' mhyi'' pho'' mao: nhaung bam alhab' adao: mae jo, na shao: ein jhaung mho' ke' ra''.

Lhaovo ra'' su-na qi: qhang nae'' wa nao ngo Lhao nau'' ra'' qo yao ngaid a-va'' o''.

Aug' Bam Z-lau:

2009 thao'' 2010 joe'' Lhaovo bam ra'' ayo, joe'' va'' ra''

Ana'' ba wa 2010 ra'' sao qhid' blog tung'' ru ngaid, 2009 zin re ngaui bau: taung'' qo'' lai ru we' d-khyo'' 2010 re re: ngaui bau taung'' qo'' na ye'' lo'' nae'' ein lam'' ra''.

2009 re mungkan mae boe'' doe, lai ra'' a khyo bam d-jhid' re mhyae: ra'' gu ta'' lang ga: lao'' American mang: mae sao qhid' lhang ra'' Sh-no' Dammada' boe'' lo va'', ai thao re mung kan mae qi'' thao'' ra'' ngaui qhang qug' khai khyo( Global Recession and Economics Crisis) qhug' bam va''.

Mungkan mae mang qi'' dig ra'' nghaui'' sang Micheal Jackson ( King of Pop) re: shid' pye' va'', myen mang: mae'' au jhaung boe'' lo nae'' Mhyi'' zang re re Asuya' bam nhao yo, joe'' ru m-nhao byid' ru tho' xo' yang taung'' to'' ru re qhug' va''.

Lhaovo bam qhid' mae'' 2009 zin wa kha-kyo'' kha qhi'' ngaid laug? Lhaovo kha mhyo'' yaug tan'' xe aung mung: , kha mhyo'' yaug phaji'' maug qo'' zhaung'' yu va''? Taung bug mang: khyo phaji'' ngaui qhang qho nae'' tau kha mhyo'' yaug re dai'' ke' qo'' va''? Tung'' ce' sam'' ve, khyo mae kha kyo'' mae'' qo'' thaug' qhao va' ga'' ra'' ru pe'' re no, no, nag' nag' myid qu'' ca'' va''. 2010 re re m-beim m-lau'' na: pye' nae'' i''?

Zin sag' wa nyhao: nhae qho' ra'' lo, khug mae joe'' na va'', ai re kharu: ci ye'' lo'' nae'' wa nao ngo yaug nge, khag' re khag' ba; ci ra'' mae cao'' yang l-se'' bo: nae'' ngaid. Lhao nau'' bam alhab' joe'' ra'' jo, qo mae Mo''so qhid' , byu myu'' qhid' wa yham sang ra'' mhyi'' pho'' mao; nhaung ba nam ba zo: qi alhab' qhid' mae'' yaung'' lho'' su-na boe'' doe, sho' thaug' qhao na g-lang o'' .

Mo''so Lhaovo qi re min byid na va'', d-yaug we' d-yaug qo khyad', bao'' thaug', dang qhan'' jhid' de, myid re qhid' to: mung, Jeju caung khin'' ra'' myid we' khae: yu na g-lang lhe''

Lhao jhid' z-lau:

Aug' Bam

Happy New Year

Asang ra'' zin na 2009 wa lai lo'' na va'', 2010 ein ra'' zin sag' re khae yu nae'' jin'' jin'' ngaid va'' i''? 2010 wa zin xe lam: d-lam: dam; qhid' ra'' zin ngaid ra'' , c-ra'' zin sag' we' zin xe lam: sag' re tug' yu nae'' tau nhag' lam , myid seim'' nhyang'' gau ngaid nae'' ein lam'' ra''.

Asang mae'' min jhaung: qo'' khae: yu ra'' Lhao nau'' zo: dau qi boe'' doe, nae''tau yaug nge, thaug qhao na g-lang o''.

Good bye 2009

Welcome 2010

Have a Super Successful New Year!!

Merry X'mas Lhaovo

Jhid' de, ra'' Lhao nau'' bam alhab' mo, re ngaui bau'' ra'' A-sang: khau ba ( Merry X'mas) ein lo zaui'' ke' ra'' aw'' . Mungkan mang: jab sho' na: bam ra'' Taung zo: bam re: yao'' mang: we' yao jeju caung'' khin'' ru we' X'mas poe bam re kaid' ko'' ga'' ru lau dao: Radio mae qo'' gyo'' ra''. Ai mae qo'' gyo'' ke' ru wa New Zealand mang: mae wa Lhao lau: de, pho'' Lagang Dau: Khao jui'' au she mung Philippines mang: Manila mae wa Lhao mhyi'' nau'' Khao Zhai'' jui'' au she na ko'' ra'' ga'' ru qo'' gyo'' ra''. Ana'' ru Lhaovo bab yham sang na: ra'' joe'' ra'' jo, qo mae Mo''so re beim'' ru we' jeju caung: khin'' ra'' phaung re bao'' thaug' qo'' ru re Lhao nau'' d-yaug khyo'' mae'' nga: ye, ra''.

ngaid yang re myid qu'' nae'' jao d-lam kam'' wa ai shid' yaug wa Lhao khyo'' m-jhau m-ta'' ko'' ngaid ra'', yao: tao: Lhao khyo'' m-ta'' yang qo myao; ra'' khyo'' ta'' ru m-ngaid lo: , nhyao Lhaovo bam re Lhao myen'' Lhao thoe' khyo'' mea Asang re jeju qo'' caung khin'' re we' yham sang ra'' nhag' te' myen'' khyo'' ngaui bau: taung'' X'mas poe re qo'' kaid' ye'' lo'' shao; ein jhaung mho' ra''. Thao gyo'' ngai na shi'' ra'' yham sang Lhaovo bam re m-to; co' lo bao'' yu thaug' yu g-lang ein qam lao'' ke' ra'' aw''.

Taung zo: bam joe'' na ra'' mang: bam wa USA, Germany, Netherlands, Denmark, Norway, UK, Singapore, Malaysia, Japan , Thai, Philippine we' La-ha mang: bam ngaid ra'' ga'' ru qo'' ba ra''. C-gu mae Lhaovo akhyo myid bo thaug' qhao na ru m-bo shi: ein ta'' re m-shaid' nae''. Ba ga'' va'' Lhao nau'' bam e'' beim'' gyang g-lang se ..

Lhaovo Myo, Jap Qham Phaung ( Lhaovo Conference)

Ana'' au ra'' mang: khyo , phaji'' ju-i khyo , zaui: zo mung ve, khyo , l-lam l-khug we' byu myu'' qi: qhang: ye'' lo'' nae'' khyo mae nao ngo lhao nau'' bam kharu: myid nghae'' thaug' qhao ye'' lo'' nae'' ga'' ru a-qao: bo taung'' myid qu'' gai ra'' o''.

Su byu myu'' bam qi: qhang: ra'' khyo re qu'' mung nhag' ngai: na: m-gai lo:, mug' myid dao mae Lhaovo ein li'' geig' ru wa Lhaovo khyo'' kao daui ca'' va'' ru ngaid ra''. Ngaid m-se'' Lhaovo wa Mo''so phan'' ra'' xao-su byu myu'' myo'' myo mae'' Lhao myen'' mung: ra'' lhaovo bam ngaid ga'' ru myid beim'' qo'' ra''. American, L-ha , G-la we' g-tau byu myu'' bam wa yao: nhaung'' ra'' byu myu'' qhid' mae'' ga g-tau m-myid ngaid m-se'' byu myo'' ra'' m-thao yao: nhaung'' kaid' ra'' mau'' zo'' a-lhab' wa yao'' bam ra'' byu myu'' qhid' mae'' bo gau ngaid va''. C-ra'' byu myu'' bam lao'' khag' re khag' ra'' byu myu'' we' mang: qi: qhang khyo mae thaug' qhao na ko'' ru re qo'' ba ra''.

Myen mang: khug mae'' byu myu'' bam ra'' a-khyo re dam: myid ke' qu'' re nyhao mo' lhaovo bam wa qi: qhang: ban bung'' khyo mae thao'' gyo'' na ra'' ein re m-shaid' nae'', ngaid m-se'' qi: qhang: lo; na ra'' ga'' ru re the' myao yang: ngaui bau'' ra''. Myen, l-sae'', l-ha , g-la , mun , R-khai: , khang'' , ka' yin: , ka'yah'', kachins we' g-tau: byu myu'' m-laug shi'' ra'' bam d-yo je jo, shi'' ga'' ru re laung'' mho'' qu'' va''.

Nyhao mho' lhaovo bam yham sang: ra'' byu myu'' qi: qhang khyo thaug' qhao ye'' lo'' ru mae qug qae'' khyo gai: boe'' ra'' gu'' mae'' yeim'' sho' , gang'' tang ra'' khyo'' mae'' qi: qhang ye'' lo'' nae'' qhid' mae akao'' bo taung'' ba; myid au: she ye'' lo'' g-lang o''.

Kharu: kha-khyo'' dang qhan myid qhug' taung'' zaui'' so'' ye'' lo'' nae'' ga'' ru re Lhaovo mhyi'' pho'' mao: nhaung , mho'' mhyi'' mho'' pho'' , zug' ade bam alhab' leim'' ra'' Lhaovo myo, jap phaung (Lhaovo Conference) d-lam: phyaid deig ra'' khyo'' qo'' kaid' boe'' nae'' ca'' ra'' ein qo'' myao ra''.

Mung dao:

Asang yesu' khau li'' ra'' au re ba: thug' shaid' mae'' phaji'' ba mo, joe'' li'' yang li'' pa'' caung ko'' ga''.

Yao nhaung'' re wa phaji'' ba mo, ngaid mung Mo''so wa phaji'' khyo'' mung kyi mo'' re qhu'' mung khyo shid' ru re qo'' ba ra''. Ngaid yang: re phaji'' ba mo, wa yao; nhaung'' dao'' ngae ra'' khyo'' khyaid' yu a-sang , Jhaung zug re Jhaung zug vang'' mae ye qho ako''. Yao zaung'' mo, re wa kyi qhu'' ngaid m-se'' pe'' m-ba g-nae'' ga Mo''so wa mug' l-gyo: bam re nhao'' ke' mung ngaui bau'' lau dao: ta'' nhao ra''. Ana'' ba Davi' ra'' vo mae khyaid' khyi: yu a-sang khau va'' ga'' mug' l-gyo bam ta'' ra'' dao: re yao zaung'' mo, qo'' gyo mung d-lhang: dae v0 khug khyo lo'' mung Asang re qo'' pa'' caung ako''.

Asang khau thao myao: ra'' byu shid' yaug mae'' d-yaug wa khanae'' re jham: mug sug' nghae' yang na: ra'' khyad' yu a-sang re myid nghae'' na ra'' Shi' maung ga mang: ra'' yaug ngaid. Pa'' caung yham mae jham ba pho'' khin jaung bam myo: myo na ngaid m-se'' myid nghae'' ru we' lao'' na ra'' yaug za: A-sang re qo'' myao ra''. Ai mung dam: d-yaug wa pa'' caung yham khyo khanae'' re ngaui bau taung'' li'' ra'' cug' mo'' myhi'' A-na ga: ru ngaid. Yao wa nhaid' zin za yham thau: qo'' mung cug' mo'' mo'' yang m-sho: m-jhing su; yang lhoi'' ru, goe qu'' ru qhug' ngaid m-se'' myid m-thao'' lo Mo''so re myid nghae'' ru we' pa'' caung yham mae pyo'' ra'' yaug ngaid.

Asang re qhug' thao kao daui ban tha'' lhag' byuag ra'' akhyo re dam; qu'' qu'' g-lang:. Phaji'' ba mo, wa yao nhaung'' ra'' ban mae phug' de, thao'' ra'' jhaung qhu'' re byid ako''. Yao zaung'' mo, wa phaji'' ba mo, ru: ngaui qhang jhaung qhu'' m-qo'' ngaid m-se'' yao: nhaung'' qo'' gyo'' ra'' khyaid' yu a-sang akhyo re ngaui bau: taung'' hau'' kyo'' ako''ga'' ru qo'' myao ra''. Pa'' caung yham mae'' Shu' maung wa '' A-sang we'' ni'' ra'' byu myu'' re khyaid' yu nae'' khyi; yu a-sang re zo: dau ra'' myo, yang qo'' myao va'' mung shid pyo: va'' ga'' ta'' ra'' ''. Cug' mo'' myhi'' wa A-sang re myao lao'' je''ju caung khin'' ra'' ga'' ru re qo'' ba ra''.

Nyhao: nhae qho' ra'' kao daui ban re dam; myid qu'' mung c-ra'' December a-sang khau li'' ra'' ayo, mae a-sang re g-gai: za qhug' va'' i''? ga'' ru yham sang gaung yham sang myid qu'' mung A-sang re khae yu qo'' ra'' zo: dau boe'' ye'' lo'' g-lang . Asang ye-su' re qhug' ra'' yaug wa kao re qo'' ra'', a-sang re m-qo'' yaug wa kao re m-qo'' ga'' ra'' jham: dao: yang qam byid' ke' ra'' o''.

Tho' mae'' mung dao: re Australia mang: Myanmar Baptist Church ra'' Yao zaung'' phung up vo London joe'' ra'' au ta'' ra'' mung dao: mae'' beim'' gu re dam: gae: kyo'' ru ngaid.

Byu d-yaug ra'' ban

Xu-su byu d-yaug boe'' li'' va'' ga: lhao'' wa o mae'' boe'' khyo re qhug' mo, jhaid' ngaid ra''.

Ayo,(Time) , Qam: o: (Energy) , Ngaui Qhang (Money) ce sam ja: wa byu d-yaug ra'' ban mae'' d-lhang dae qo'' yu nae'' gyai qug' ra''. ngai shi'' au: wa Ayo, qo'' Qam: o: qo'' ngaid m-se'' ngaui m-qo'' yang nhag' ngai, myid m-pyo: boe'' nae''. Ve, Qae'' au: wa mau'' zaui ngaui qo'', qam: o: qo'' ngaid m-se'' Ayo, m-qo'' boe'' mung nhag' m-pyo: boe'' nae''. Kao laug mung pyo: pyo: na nae'' yo, re ngaid lao'' wa Ayo, qo'', ngaui qo'' ngaid m-se'' Qam: o: m-qo'' byaug boe'' ra'' byu-na ban re ba: myid lhang: yu mung yham sang ra'' kao daui ban Mo''so nhag' dag ra'' zo: dau boe'' sho' ein ra'' myid we' kao daui ngaid re wa c-ra'' ban za m-ngaid shid ra'' thao; ban qhid' mae'' re ngaui bau'' je''ju re qo'' yu nae'' ga'' lhe''.

Mungkan Bo:lung'' Poe'' Mo''

Joe'' lo nae'' 2010 June khye' re Africa Mug, South Africa mang: mae kaid' nae'' mungkan bo:lung'' poe'' mo''( Fifa world cup 2010) mae kha mang: wa kha mang: we' qhug' pag' nae'' ga'' ru re ana'' myi December 4, 2009 re South Africa mang: mae Le, Zao''( Draw) kaid' yang gae: ke' va'' ru ngaid.

Phung (Group) 8 phung, d-phung mae mang: byid mang: , alhab' re mang: 32 mang: ngaid ra''.

Phung:

A.

1. South Africa

2. Mexico

3. Uruguay

4. France

B.

1. Argentina

2. Nigeria

3. South Korea

4.Greece

C.

1. England

2. United State of America (USA)

3. Algeria

4. Slovenia

D.

1. Germany

2. Australia

3. Serbia

4. Ghana

E.

1. Netherlands

2. Denmark

3. Japan

4. Cameroon

F.

1. Italy

2. Paraguay

3. New Zealand

4. Slovakia

G.

1. Brazil

2. North Korea

3. Ivory Coast

4. Portugal

H.

1. Spain

2. Switzerland

3. Honduras

4. Chile

LHAOVO BLOG MAE'' TUG' YU; RA'': Zin Yo Lam: Shid' Xe Da Ra'' Lhao Nau'' Qo

LHAOVO BLOG MAE'' TUG' YU; RA'': Zin Yo Lam: Shid' Xe Da Ra'' Lhao Nau'' Qo

Zin Yo Lam: Shid' Xe Da Ra'' Lhao Nau'' Qo

Zin Yo Lam: Shid' Xe Da:

Ing''lig' Shophyu: khyo'' wa 21st Century ga:

Lai lo'' va'' zin yo re dam; myid ke' qu'',

Lhaovo ga'' ru kha tau: mae shi''?

Yap mo'' mo'' yang na to'' ru

Lhaovo bam yao: ngaid va'' ru

Khag' yang re: m-nhug' ,

Nhug' yaug' re m-thug'

D-taung gug yo; byid xe khyaug' ,

Shophyu: Sara: yao: za kyaug' kyaug'

Ai thao: d-taung gug yo; ngo'' xe shid' ,

Lhaovo bam beim'' li'' d-jhid' jhid'

Ngaid yang Mo''so khyo phung'' byid ,

D-taung: gug yo nhad' xe byid

Lhao tung'' ga'' ru qo'' yu va'' ,

Mho''pho'' Luka Hhao'' Leim'' kaid' ru ga''

D-taung gug yo; gug xe gug

Je''ju caung'' nae'' a-khyo: thug

Lhao tung'' ce' kao shid' xe ngo''

Go'' lai va'' mhao'' Zam mo'' mhao''

Jhaung yham zam go'' vang''

Lhaovo bam jhad' gyang'' gyang''

Go'' ra'' lhe'' nhaing'' ra'' lhe''

A-sang je''ju caung: khin'' ra'' lhe''

Shid' taung shid' xe byid zin lam:

Lhao tung'' ngo'' xe zin byang dam:

Joe'' lo na ra'' Lhao nau'' e''

Lhao tung'' re re: a zhao'' myhao nhao se lhe''

2024 Lhaovo tung'' ce' for all

Welcome Lhaovo Literature Golden Jubilee

God Bless Lhaovo and Lhaovo Literature

KIA gye-dap a-qao:

First Dec, 09 (Sweet December) Ana'' myi'' thao 05:00pm mae'' 7:00pm joe'' sho' University of London, School of Oriental & African Studies building mae Taung zo: byumyu'' bam alhab' qhid' mae'' loe, beim khyo au: she' jui'' ra'' KIA ra'' a-qao: boe'' doe, lo a-khyo re ta'' kyang'', byin zhao'' kyo'' ra'' ru (presentation) re Dr. Mandy Sadan ga'' ra'' mho'' mhyi'' ta'' ru re y-qo'' b-gyo'' ru ngaid.

Yao; wa Taung zo: a-khyo re Research kaid' mung Master Degree we' Ph.D Degree maug' re qo'' zhaung'' yu to'' ru ngaid ga'' ru re qo'' ba ra''. Myen mang: ra'' Byumyu'' a-ngai bam pe'' mung Asu''ya' re myi-am lag nag, vo, mung to lan ye'' (Revolution) kaid' qhid ko'' i''? 1. Inglik Asu''ya' yang sa: kho' up khang'' yang i''? 2. Myen Asu''ya' mae'' myen mang: d-mang'' geim'' re Buddist State kaid' nae'' ngaid ga ta'' yang i''? G-gai; yao: Taung'' zo: bam up-khang'' ra'' Taung Mang: State ( Union of Kachins) boe'' nug' yang i''? Pe'' mung yang myi-am vo, ra'' gye-dap phung'' boe'' lo ru ? ga'' ra'' dao: myid (Questions) bam re no, no, myid qu'' nae'' qhid' mae ta'' zhao'' kyo'' ru ngaid. Yao; ta'' ru wa KIA boe'' lo; ra'' a-qao; wa byu myo; sho' d-lhang dae ro ro ga; mung myid qhug' taung'' boe'' lo ru wa m-ngaid' lo qug' qae'' khyo myo: myo mae'' thaug' qhao lo ru ngaid ga'' ru re ta'' ra''.

1959 qan'' mae'' lau dao: m-qo'' jho'' xo' kyo'' ra'' m-thao (Information Gap) Inglik bam ra'' gye-dap mae mau'' vin qu'' ra'' gye-zo: ve, qae'' nhae qho' mae'' jhui'' qhid' lo; ru ngaid ga; ta'' ra''. Ai ra'' au re Taung mang: mae'' Wungyi'' Sama Duwa Sinwa Nawng wa myen khyo b-de, mung yham sang: byumyu'' bam o-ngaui: ra'' khyo re myid m-vao: zo: lo yao'' ra'' Zug' Ar Na je; gang'' tang sho' thaug' qhao ru we' ve, qae'' bam re jo, qo m-byid mung boe'' qhid' lo; ra'' khyo'' ngaid ga; ta'' ra''.

c-ra'' a-khyo re myid ke' lao'' nyao: mho' Lhaovo bam ra'' jo,qo wa khakhyi'' kha tau mae ngaid nae'' laug ein qo'' myid ra''. Lhaovo we' Taungzo gye-dap KIA kharu: xo' taui khyo jo, laug( connection) re myid qu'' ca'' nae'' ngaid. Phaug' mao; nhaung bam jui'' au'' ra'' mae myid qhan taung'' b-thaug' qhao lai lo ko'' laug? m-ngaid re wa Lhaovo bam myid m-leim'' ko'' laug? kha-khyi'' kha-kyo'' ngaid nae'' ga'' ru pe'' re ba; to'' re wa gai nae'' ngaid ein qo'' myid ra''.

Nyhao: mho' byumyu'' ra'' Political , Social, Education, Economics and Business re kha-khyo'' kharu kaid' myid ye'' lo'' mung khyo phung'' thaug' qhao ye'' lo'' ca'' ru re myid qu'' nae'' thug' ra'' ein qo'' myid ra''. D-jhid' qo'' gyo'' ru wa NDAK wa Lacid' L-lhao ra'' gye-dap ngaid' ga'' ru wa kha-kyo'' kharu; byumyu'' qi; qhang'' khyo wa ja nam jab ca'' ru re myid beim'' zo''ngaid o'' .

Union of Myanmar re b-bao'' nae'' i''? Federal State re b-bao'' nae'' i''? Lhaovo Land ein yang: na nae'' i''? myid qu'' ca'' va''. Lhao myeng'' mung ra'' gye-dap phung'' ca nae'' i''? gye-dap m-phung'' lo mang; byu qam; khyo'' thaug' qhao nae'' i''? L-lam l-khug phung mau'' zo'' khyo'' thaug' qhao nae'' i''? Phaji'' ju-i: ngaui qhang qam: o aja ja gang'' tang ra'' byumyu'' boe'' nae'' qhid' mae byumyu'' m-laug ngaid m-se'' a-kao'' bo bo thaug' qhao ye'' lo'' re wa gai boe'' nae'' ein lam'' ra''.

the' tae'' gyo'' ke' ra'' nghaui'' thoe

Qhid' phyao cug' mo'' ma: d-ma: na ko'' ga'' , d-ne, yao; ma we' yham kyo: bam nga-kung'' ye: ko'' ga''. Yao: mhyi'' m-yaung'' yang cug' mo'' nau'' wa yao: qo'' kung'' ra'' ngo: bam re byin cao'' yao; mhyi'' re byid' ra'' ga''. Myi'' thao yham lo'' mung myi'' xeim zo: yo, re , cug' mo'' nau'' wa yao; ngo kung'' ke' byid' ra'' yham khyo ye'' lo'' ra'' , ai re kham lham myid' pye' ru the' qhug' ga'' .

Yham khyo myid m-pyo'' dig ru dam; tug' lo re yao; mhyi'' wa yao'' qhid' mae'' ga qo'' ra'' ngo nau'' re d-gu: za nhyang'' to byid' ru re lo'' myao lao'' m-tho' ta'' l-sho' ngaui bau'' ru we' , nhag' khug mae re; m-tho' ta'' l-sho' naung myid qo'' byaug ga''. Ai thao mae'' wa yao; ma ngaui bau taung'' na; ye'' lo'' v-ko'' ga''.

C-ra'' mo-myid, wa yham sang byu myu'' re qu'' ngai, athang ngai ra'' byu re ta'' kyang'' ta'' peim'' ra'' khyo ngaid ga'' ru the' ba ra'' , su byumyu'' re a thang qi: mung su qhid' mae'' b-bao'' b-thaug' ngaid m-se'' lo'' thao'' ne, re wa su; yang to; co' ru qhug' nae'' ga'' ru ngaid.

Jhid' de, ra'' Lhao nau'' mao: nhaung bam a-lhab' c-ra'' m-myid' mae'' cug' mo'' nau'' ru naung myid m-qo'' nae'' qhid' mae yham sang: ra'' byumyu'' qi qhang khyo mae aung: ra'' gu'' mae'' thaug' qhao na g-lang o''.

Lhaovo Novel

Y-pho'' mang wa Zao'' bug' Zaung' Khao we' Y-mhyi'' wa Jeim phaug' Leim'' Nyoe ngaid. Yao; wa lhaovo byu myu'' a-khyo mae gyai yao; thaug qhao nug ra'' ga; lhaung'' ta'' yaug ngaid. Ai: yaug wa Sae'' mang; Bam Sam Xe vo mae'' Zao'' bug' nau'' Khao Qhu; ngaid. Yao; wa Lhaovo a-khyo gyai yao; myid leim'' ngaid m-se'' yao'' ra'' na; qi'' lo; ra'' jo, qo wa mao; nhaung phaug' vo , za; vo , la-cid' vo bam we' myo; myo; zam'' ca'' mung Lhao myeng'' we' Lhao tung'' ce' pe'' re nyang'' m-vo'' mung , nghe' byaug ru re yao; gyai yao; ba; gyo'' ru we' thaug' qhao na yaug ngaid.

Yao; mae y-mao; sam yaug we' y-bai; shid' yaug , ai mung y-nhaung yaug gai zo d-yaug nae qho' a-lhab' nhaid' yaug' ngaid a-ko''. Yham mae qug' khai yang y-mao; y-bai; bam wa jung phaji'' re a-zhao'' mhyao sho' m-vo'' mho'' yu ko'' ngaid ra'' . A-ngai ngaid' ra'' Khao Qhu; wa y-mao; y-bai'' bam ra'' jeju yang tain'' xe re vo'' phyid aung va'' . Ai mung ana'' y-mhyi'' y-pho'' we' mao; qi bai; qi alhab' mo, boe'' nhao nug ra'' Mo''so mau'' zo'' vin vo, yaug boe'' lo nae'' qhid' mae Yangon v-mo'' mae'' jham jung mo'' mae jham ju-i re mo'' xeim'' yu na ra'' . Yangon v-mo'' mae Taung mang; shaid' mae'' Lhao nau'' bam myo; myo joe'' na ko'' re Khao Qhu' d-yaug gyai yao; qam vo'' na; ra''.

Qhe'' byin cao; e'' nao Lhao nau'' ru mung ra'' Lhaovo m-ngaid la? ngo wa Sae'' mang; Bam Sam Xe vo mae'' Zao'' bug' nau'' Khao Qhu; ngaid' nao wa pe'' nau'' , pe'' mang ga'' ru ngaid? Aw ngo i'' ? ngo wa Taung mang; Vai'' Mo vo-gaung mae'' L-nga; nau'' Khao Nain'' ngaid , -ra'' jham jung mae BTh lo'' thao'' zin mae'' jham; ju-i re mho'' xeim yu; na ru ngaid. Ana'' ru jho'' qhug' ru mo''so jeju yao; va'' , gyai ngaui bau va'' lhe'' . Ai re khoru; ein dau zai? ta' shi la mhao'' .. ngo wa sae'' mang; mae byin cao; byu myu'' bam we' d-lag' lag na ca'' yang nyao; Lhaovo ra'' bang'' se'' khyo re m-taung'' ba ngaid kyi , nga'' uk bam wa Taung mang; mae'' ngaid ra'' ru wa je; ba nae'' ein lam'' ra'' , khoru jho'' dau zai ta'' kyo'' yu la aw''. E'' nga'' bai re m-taung'' ba aw'' , ai Lhaovo sam'' ve, phung khyo myid' ke' zai ngaid' kyi ra'' . Ana'' au wa Lhaovo yao; cao y-bai; y-nhaung; nae qho' khyo'' shi'' dau va''rua i''?

Gai to'' ra'' ,. ai lao'' a-bai ein nae'' lhe'' . Je; gyo'' yo'' nae'' khyo'' Bai; Le, ein nae'' aw lhe'' . Ha ha.. gai to'' ra'' nga'' nhaung e''.. nga'' nhaung yo'' khyo'' khai wa mha lhe'' Bai; Le, tau; zai ngaid ra'' .

xo' shi nae'' .....

Jhaung Qhu'' Ajet (Real Rewards)

Nhag' lam nhyam khyo'' ra'' mo, wa nga; lho'' ko'' ra'', khoru mung ga'' re Mo''so mang: din'' wa yao nhaung'' re'' ngaid ra''. (Mathe' 5:3)


Lai; lo ra'' au re ngo Mathe' 5:3-12 mae bo; ra'' ngaui bau'' akhyo jham; dao re Yesu mae'' mung yang byuna m-yaung'' bao; re myid pyo; shao; ga ta'' mug' ru ngaid' ein laung'' ba; gyo'' ru. Kharu mung ga'' re nao mae ngaui qhang dai kham m-vo'', qao'' zin'' khyo re qam nang'', ni'' myo, wa ngug byid we' byang'' jo, ra'' , ngaid m-se'' nao ngaui bau nae'' qhid' mae dao; khyo d-jhid' ta'' zhao nug ra''.

Lai; lo'' va'' Byu Jhaung Zug' ban re Jhaung zug bam mang; byu bam re ngaui ding''ga'' pye' khyo'' byid ru we' kam'' m-dau ngaid yang; re , Yesu wa yao'' thao cao'' ra'' mo, re Jhaung Qhu'' Ajet nhyum'' na ra''. Mug' khaung mang; ding'' (Heaven) mae'' gyo'' li'' yaug ngaid mung; mug' myid dao kao'' mae thaug'' qhug' ra'' qug' khai khyo bam wa Mug' khaung mang ding'' mae ngaui bau'' ru we' ka'' ke' lao'' pe'' m-ta'' laug ga'' ru re ba ra''.

Ana'' ba Christan myo: myo wa Asang we' qhug' nae'' lo'' thao'' ba ra'' jhaung qhu'' a jet re phug' te' nae'' to'' mhyid' to'' na a-ko''. Nga'' ra'' Yao zaung'' phung: up ( Bill Leslie) c-ru; ga laung'' ta''
(Phung; jham je; ngaui vo'' lo mung aung myaug lo lao'' phung; byu bam wa ' ce-ra'' myid gye wa nga'' ra'' yham m-ngaid , ngo wa myid gye mae'' lai lo'' nae'' yaug ngaid ga'' ru re m-lam'' nug nghaui'' lo boe'' lo a-ko'' ; ce-wa nga'' pho'' ra''mug' gaung ngaid ga; ba; nghaui'' lo; a-ko''.)

Nhyao; khayaug' va lo'' thao'' ne, ra'' jhaung qhu'' a jet( m-shid kao/eternal life) re pe'' dao'' m-ngae ba; qhaid' kaid' nae'' m-ngaid i''?. Zag zo; lhoi'' zo qhug' American Jeim pho''( Slave) ra'' nghaui'' thoe re tae'' gyo mung nhyao'' ra'' lam khug myid re gang'' tang nhao g-lang aw''. ( Ngo re yham mang; li'' jhui'' ra'' yaung'' lho'' myao lo e'' Lam'' nhai'' ra'' mhao''.) Nga'' ra' qug' khai kyi'' khyag' re A-sang mae'' lai yang khag' re m-ba byid.

C-ra'' akhyo re vo'' the' ba ru mae'' wa Asang Yesu' byid nae'' ga'' nho: Jhaung Qhu'' Ajet re phug' je;ba te' ru we' lao'' myid nghae'' ra'' aw''. ( Philip Yancey)

Asang qhid' mae'' qhug' ra'' Qug' khai kyi'' khyag' wa yaung'' lho'' au; zhaung maug (Jhaung Qhu'' Ajet) vo'' yu nae'' qhid' mae ngaid aw''.

Lhaovo people

Lhaovo bam; ra'' suna a-khyo??

Byu qam; kha-mhyo''? Tung'' ce' a-zhao'' kha-mhyo''? Phaji'' a-zhao''? Zaui; zo mung ve, khyo kha-kyo''? L-lam L-khug khyo? Qi;qhang lo'' nae'' kha-mhyao'' lao'' ca'' nae'' ?

Lhaovo bam; qi;qhang lo sho' khag' kaid' byid nae''? Ana'' ba Lhaovo bam; qhid' mae'' g-gai; za mau'' zaui'' na bao kha-myo'' ko na; ra''?

Tho' mae'' ra'' dao; myid(questions) bam re Lhaovo yaug nge, phyi(answer) vu'' mung vo'' ra'' a-phyi(Result) dao mae Lhaovo byu myu'' bam ra'' qhid' suna(Future Lhaovo Living) re l-mhyung'' vo'' myao zai ngaid ra'' ein the' myao; ra'' o''....

Aung Myaug Ra'' Kao Daui Khyo????

Nyhao; nhae qho' lhaovo bam ra'' su-na a zhao'' re d-jhid' myid vu'' g-lang

Byu d-yaug wa kharu khakyo'' ngaid re qi; qhang ra'' yaug' ein gai; ta'' nae''?
Ngaui qhang vo'' ru re ka'' nae'' i''? Phaji'' ba; yang; Degree vo'' ru re ta'' nae'' i''? C-ra'' a phyid wa yao; yao'' su-na re aung aung za; vo'' na; ye'' lo'' ru ngaid nae'' ein lam'' ra'' . D-khyo'' ta'' lang ga; lao'' wa byu d-yaug wa aung myaug ra'' su-na vo'' nae'' qhid' mae- phaji'' , ngaui qhang , mao; nhaung jhid' myid we' lo'' thao'' we' yau gying thao'' wa Mo''so o ngaui ra'' khyo'' kao daui ru ngaid nae''- Jhid' myid we' lo, mau'' wa d-ga'' lam khug myid we' -'' Love , Action and Faith ''.

Myeng mang; mae na yang thaug' qhao re m-gai; boe'' i''? Tuang bug, ngha khyo ye'' re she' vo'' jung i''? G-gai; ga'' lao'' jo, qo wa ai qhi'' m-yau-gying ngaid ra'' , pe'' mung ga'' re jo, qo khao; ngo'' mae vo'' bao we' m-vo'' , myaung bao ga'' ru na; ra'' , zaui bao , thaug qhao bao; za she' a-vo'' ko'' ra''. Qug qae'' khyo jo, lao'' myid thao'' laui mo wa qi; qhang ye'' lo'' nae'' khyo mae ayo, myao nae'' je; gai boe'' ra''.

Vo'' yaug wa pe'' mung vo'' ru ? Thaug' qhao yang; vo'' i''? Amyad zo; mung vo'' i''? Vo'' lo nae'' khyo myo; myo jo, ru mae'' pe'' mung shau phyao; za vo'' ru ? ga'' ra'' dao; myid bam byang jo, ra'' .
Byu d-yaug ra'' myid a qao; wa yham sang; gaung yham sang vo'' vu'' gam ca''/nae'' ga'' ru ngaid ra'' . Ai re pe'' mung yang byu bam bao'' yu g-la o'', nhag' khyag' yu shi; g-la ga'' ra'' thoe bam avai; a yae mae byang'' jo,??

Cara'' dao; myid re phyid nae'' ga; lao'' myid vu'' nae'' khyo myo; myo jo, ru re the' myao ra''. Aso; d-lam khyo'' mae'' wa yham sang; gaung yham sang lam'' ra'' myid shau; lo'' byaug yang; , Aso; shid' wa avai; a yae m-gai yang , qho zo; qho shaug' qug yang , phaji'' m-ba yang;, ga'' ra'' jham thug' li'' ra''. D-myo'' wa mang; up mo, m-gai yang ga ta' ko'' ra'' , d-qhae; wa byu bam noe'' yang , mau'' m-nug zaui; yang , m-ba m-se'' yang, d-myo'' wa zaui ngaid m-se'' m-vo'' yang ga'' ra'' khyo'' sho' dao( reasons) byid ko'' ra'' .

C-ra'' dao; myid bam , khyo sho' dao: (reasons) bam re myid vu'' mung yham sang wa kha lam , kharu: we' je; lo'' zhaung'' ra'' ga'' ru re myid mung loe beim: ye'' lo'' g-lang o''..

Welcome To Lhaovo Blog

Dear Lhaovo Brothers and Sisters around the world, you all are warmly welcome to this blog. As a Lhaovo guy I would be very happy to hear from you, and also want to say thanks for visiting my blog. I know its has much to developed. I am trying my best to write and post , if you have any queries or questions on my posts and blog, please do not hesitage to contact me, I would be very much delighted to answer all your questions and welcome all your comments.

Actually I am not very good in computing and also in using sophiscated softwares but what I am trying to do is just creating some space over the internet for Lhaovo to read in their own language especially for those who are living in abroad and those who have much easier chance to acess internet. Your advice and support are welcome. I believe we can creat a better platform for all of us if we move forward together as the people. Blessings!!

Micheal Jackson

Micheal Jackson wa lai lo; va'' 1958 mae khau; li'' mung ana'' zing 2009 June khye' 25 ba; ba re asang mae yab pyo'' lo'' va''. Yao; wa kao ngo'' zing'' shi'' mae'' yao: ngaui'' thoe nghaui'' ra'' nghaui'' sang khyo'' na; qi'' lo; ru ngaid. 1982 re yao; ra'' A Te; ngaui'' paug' (Single Album)d-lam pyo; ke' va'' ai wa mungkan byu bam gyai o ngaui ru we' qam byid' yu; ru vo'' yu va''. Lai; lo ra'' 2001 zin re yao'' ra'' lo'' thao'' nghaui paug' thug ru ngaid ga'' re the' ba; ra'' .

Yao; wa nhyao naung'' ana'' ba; zin yo lam; 21 re vu'' na; bam ra'' MTV( Music Video) pe'' re a zhao'' mhyao sho' jui'' kaid' thaug qhao lo yaug' ngaid ru we' yao'' ra'' Mo''so byid ra''A zham we' zin lam; sam xe gu'' mae'' aung myaug thao'' ra'' nghaui'' sang(Artist) boe'' lai lo va''.

Ai tho' mae yao; mae vu'' yu nae'' jao; wa yao; wa nghaui'' paug' vo'' aung'' ra'' ngaui re byu myo; myo qhid' mae'' ga; yang MTV qhid' mae'' ngaui ci; , jai ra'' ga'' ru ngaid ra''.

Yao; re byid to'' ra'' a zhao'' wa (King of Pop)Pop nghaui'' zug ngaid ga''o''.

Pho'' ba dug no; ba

Nghaui'' thoe ngaid:

Nga-nhae qho re khau mhyung , zho; jhaug' qhi'' ra'' pho'' e ,

ni'' je''ju nga-nhae qho' dao mae ta'' m-aung lo;

Nga-nhae; qho' no; phyo: au: au dao: lo, kai jhaung mho'

Pho'' kyi: khyang' gu pe'' tho' ein nae'' ,

Pho'' re , shaid mung qobo: jham , jhid' de, myid we' khyaid byid la o''

Pho'' nhag' shid ra'' zo; dau boe'' sho' nga-nhae qho' thaug' qhao ye; nae''

Mugkhaung: tho' mae'' Tho'Mo''so e'' .. Pho'' re.... myeng yo, cae'' tae'' jhaung xe , qao'' zing'' ngaui bau'' jhaung xe.. zing gaung yo, mae'' mug ru sheim byid shi la o...........Amen.

Ngaui Qhang, Mao; Nhaung Jham Tho' Mo''so re Lam G-lang

The other day I was listening to a news interview on television of someone who lost a substantial amount in a recent financial scheme. She was justifiably upset as she told the reporter, "I put my trust in the system–I put my trust in the financial system, the political system, and the justice system, and they failed me."

I don't know about all the details of her situation or what exactly she went through, but as I thought about her statement, it reminded me just how fortunate we are that we can put our trust in our God who will never fail us. He will never leave us nor forsake us, and He will never let us down! The stock market might fail us, our employer might let us down, people can lead us the wrong way, but God will never lead us the wrong way. You can have confidence in His Word because His Word stands true forever. Even when it seems like everything else has failed you, God is still there. He will pick you up and make a way for you because you put your trust and hope in Him.

If you are going through a difficult time, if people and systems have let you down, put your trust in God. Remember, He is working behind the scenes on your behalf. Declare it by faith today–just say out loud, "Father God, I know You are working behind the scenes on my behalf. I put my trust in You. I know my best days are right out ahead of me. Thank You for leading and guiding me in the good plan You have for me!"

Some trust in and boast of chariots and some in horses, but we will trust in and boast in the name of the Lord our God (Psalm 20:7, AMP).

Prayer & Praise

Praise that God has a purpose for Lhaovo people to be his witnesses to the nations of the world, so that his chosen men and women had brought the gospel to us. Our forefathers had gladly accept and received it from the bottom of their hearts and passed it to the next generation. Praise for Lhaovo literature which will help us to grow as the people of God.

Pray for Lhaovo Old Testament Translation Project. If its not started yet then pray for it so that it will take place very soon.

Pray for Lhaovo Bible Seminary, which is situated in Shwezet, Myitkyina, Myanmar that students will cope with their studies and grow in their spiritual life. Pray for principal, vice-principal and lecturers and staff to have wisdom and patience to manage, teach and help. Pray for this Academic year and this year's graduation and graduates in serving the Lord in different ministries.

2006 N0v date we' mung Internet dao mae jhaung mho' bao'' nae'' tau qam; lao'' ra'' khyo vo'' myao ru re d-jhid' dam tung'' laug' mung dam; gae kyo'' ke' ru ngaid .

Qi;qhang nae'' tau Lhao tung'' ce' re phug' te' ci; na g-lang

Jhid' de, ra'' lhao nau'' mao; nhaung bam , yham sang tung'' ce' re tung'', nghe' ru we' phug' te' ci; ye'' lo'' g-lang lhe'' , nga'' ra'' tung'' so bam re re nghe' ru we' shaid' ru pe'' re re shid' kyo'' lo g-la, ein qam; lao'' ke' ra'' .

Ngo tung'' ra'' lhao tung'' ngo dam; nghe' re lao'' gyai nghe' qug' ru ga'' ra'', shaid' ru pe'' re qo m-yu lo; za nyao; nhae qho' ra'' tung''ce' a-zhao'' myao lo nae'' tau ceim'' thaug' qhao ye'' lo'' nae'' re myid nghae'' ra''.

Lhao nau'' bam internet ba; ci lo nae'' we' , internet gai; ci ra'' mang; khai khyo vo'' thug' nae'' tau re ca'' ru re the' myao ra'' . Je; yau gying ru kam'' khai joe'' joe'' yham sang wa lhao nau'' ngaid , khazang shi; khavo byu ngaid ga'' ru khanae'' re xam; nae'' ngaid a-va'' , m-ngaid re wa thao gyo'' na ru me'' byaug lo'' nae'' thug' ra'' .

Mo''so phan'' ra'' byumyu'' ngaid ein; lam'' ra'' , yao; re caung'' nghaui'' nae'' tau lhao myeng'' jo, ru ngaid n-va'' , Mo''so wa qi; qhang na we' d-khyo lhaovo byumyu'' re qi; qhang ye'' lo'' nae'' ngaid.

Jhaung mho' ra'' byu shid' yaug khyo

D-lang re'' byu d-yaug wa Mo''so jhao'' bin;bu'' yaung'' dig ru d-bu'' byid la, ga; mho' ga'' , Mo''so wa bin;bu'' m-thao yao; re zau; keim keim; ra'' a-gae nau'' byid' ga'' ...Ai we' d-jung; za byu d-yaug dam; ngaid re wa Mo''so jhao'' butterfly mho' ga'' , ai re Mo''so wa yao; re butterflly qhid' mae'' laug daung; nau'' byid' ga'' ..

Byu ai shid' yaug' wa Mo''so re nhag' mai'' a-ko'' ga'' , yao; shid' yaug mho' ru re wa m-byid' ru.... M-ngaid' ru, m-mho' ru re byid' ra'' ga nhang'' a-ko''. Ai thao: m-myao'' re zau; keim keim; za ra'' a-gae mae'' yaung'' dig ra'' bin;bu'' bu'' li'' re myao; we' d-khyo'' za laug daung; nau'' ngaid yang re gyai yaung'' ra'' butterfly boe'' li'' ru re vo'' myao yang ngaui bau; m-thao'' ngaid ko'' ga'' .

Mo''so wa nhyao jhaung; mho' re khanae'' re byid' ra'' ga'' ngaid yang re nhyao naung'' ngo; ru we' ca'' ru re Mo''so ba; ra'' ga''..

Mo''so min vo'' na g-shao; aw''.

Lhao So-lho daui nghaui'' thoe

Youtube mae Lhao nghaui'' bam gai; vu'' keim'' va'' ein lau kyo'' ke' qo'' ra'' aw''.

Pe'' mung yang thao gyo'' na?

Lhaovo bam pe'' mung yang mug' myig dao kao'' mae su-na khyo thao gyo'' na: ga'' ru re dam myig ke' vu'' g-lang ga lao''.. a so; d-lam wa mo''so re ba; ru thao gyo'' yang ngad n-va'' , a-so; shid' ein nae'' wa Lhaovo bam yao; yao'' ra'' su-na a-khyo re m-myig vu'' lo , m-beim; m-lau'' na lai ra'' ayo, myao'' byaug va'' yang re ngad n -va''. Ai tho' mae je yang wa ca'' ru wa Lhaovo bam d-yaug we' d-yaug qhug' yang zam'' phaung nae'' jo,no m-vo'' , vo'' nae'' qhid' mae thaug qhao khyo mae qam; nang'' na ra'' ein ta'' re m-taung'' shad nae'' ein vo'' myao ra'' .

Thao gyo'' ra'' ga'' ru wa m-boe'' lo nae'' ga'' ra'' l-se'' m-ngad ga'' ru re lhaovo bam a-lab myig bo bo za ke' ving ci mung thaug' qhao; ye'' lo'' re wa m-myao'' ra'' a-yo, re yaung'' lho'' ra'' su-na khyo joe'' lo nae'' , mug' bo'' lo nae'' ngad ga'' ru re l-mhyung'' vo'' myao va'' ra'' aw''.

Lhoavo

London mae sho phai' phai' zo'' na ko'' ra''

X'mas ba re ne, seim pa'' caung bin thao re yham mae'' byin cao: pho'' bam we' sho-phai' phai' zo'' ra'' au re, yham mang khyo we' byin cao: bam re re gye yao; beim'' lai va'' .

American Mang: Jhaung Up ( President) re'' khyit zhaung yang pye''

Khyit zhaung'' yang pye' ru leim zo ngad yang re qi-nug sam su za vo'' na ra'' Bush ,

vu'' yu nae'' jao: yao: ngad ra'' aw'' ..

Christmas yo, joe'' khao: ngo'' yham khyo beim'' ru lai lai ga'' ra'' ,

ngai shi'' ra'' ayo, re X'mas joe'' lao'' pa pa; qhug' zo nae'' , mak jhok' shi: we' sha'' thang qhug' zo: nae'' ga'' ru re myig yang gyai pyo'' lai va''



Santa Clause phug phug' re re beim'' ra'' , pe'' jhaung qhug'' byig nae'' , vo'' khae; yu nae'' ga'' ru re myig yang m-vo'' yab ra'' myi bam re gyai jo, lai va'' .



Bam mang: mae'' X'mas re beim'' ra'' , byin cao: bam re re beim'' ra''

X'mas wa g-gai za yaug yo, myeng cae'' ra'' ayo, ngad lai lo va''..



Ai ra'' X'mas re dam vo'' yu nug ra'' ...alhab mo' ngaui bau'' ra'' X'mas lhe'' ..

ngaui'' thoe ke' ke' vu'' ra''

c-ra'' nghaui'' thoe gyai gyo'' pyo'' ra'' .. Myen mang: mae za wa yao: re mye; ra'' byu m-na shi ngad ra'' , Lhao nau'' bam re thaug' qhao'' g-lang wo''....

Qam lao'' ke' ra''

Jhid' de, ra'' lhao nau'' mhao; nhaung bam re qam lao'' ke' nug' ru wa , Lhaovo bam ra'' daui lab , zaui zo: mung ve, we' phaji'' mho'' xam ra'' khyo lau dao: bam re d-yaug' we' d-yaug' vo'' ba nae'' qhid' mae xo' taui khyo re qam ke' g-lang ein pyang nug' ru ngad.

Internet ba: ci va'' lhao nau'' bam mae'' mung yang m-ba: ci , m-vo'' ci shi'' ra'' mao; nhaung bam re ba; ci lo nae'' qhid' mae bao'' thaug' yu g-lang , ai mung lhaovo blog khyo re li'' lae'' joe'' mung yham sang vo'' myig ra'' khyo bam re Cbox(Comment Box) mae tung'' co' g-lang ein ta'' nug ra''. Lhao tung'' ce' khyo'' tung'' ra'' tung'' khye' bam m-laug shi'' ra'' m-thao nyhao: nhae qho' bam a-lab' ceim'' thaug' qhao ca'' nae'' ngad ga'' ru myid beim'' na g-lang aw''.

Lhao ve, qae'' bam m-gai yab jo, lo su-na thao gyo'' va'' beim na'' g-lang .

Myen mang: mae'' Nghaui sang bam London joe''

Iron Cross( Chit San Maung(Lead) Khin Maung Thant( Bass) Kha Yan( Drum) Ba Nya Naing(Keyboard) ga:mang qi'' ra'' Nghaui phung we' d-ga'' Ah Nge'', Myo'' Ji'', Y Wine we' Tin Zar Mo bam wa 23rd Nov 08 myi 6:00pm mae''' 12:00pm joe'' sho' London mae'' Troxy Hall mae nghaui''pyo byid lai v-ko'' ra''.

Ai ra'' Music Concert khyo London mae joe'' na ra'' Myan mang: mae'' jaung nau'' bam we' , mau'' li'' zaui na ra'' myan mang: byu bam ye joe'' qam byid ko'' ra''.

Lhaovo bam ra'' nghaui'' thoe a-tsao'' mhyao lo nae'' qhid' mae thaug' qhao na ra'' Lhao nghaui sang bam a-lhab re re ayo, khao ngo'' mae qam byid na g-lang aw''.. yham sang myeng'' thoe khyo'' nghaui ra'' nghaui'' thoe bam re l-se no, no, to; mung phug' te' ye'' lo'' g-lang aw''.

Dao; Nyhang''(Poem)

'' Lhao nau'' d-yaug ra'' aung dao: ''

Ngo Lhao nau'' d-yaug , Lhao mhyi'' pho'' mae'' khau li''

Lhao nug' cug re shaug' Lhao myen'' re shi'' mung kad',

Na; qi'' lo ru a-na'' ba gaung aung yang daung re jap va''

Mug' myig lhang'' sho' dao'' vu'' nae'' ein re myig thug' va''

Ngad m-se'' m-gai boe'' ra'' khyo myo; myo; jo,

ngaui qhang re m-vo'' , phaji'' ju-i re m-nya''

ba nam byin cao: ga'' ru re va va'' ...

A-ga'' nga'' ra'' byu ban su na m-byeng

kharu va kad' vu'' n-va'' yha''..

Nhag' m-thao'' lo: thaug' qhao

Mo'' so re re qam lao'' yu

Mo''so wa g-gai aung doe' nae'' min gam byid

Su: mang joe'' nae'' khyo phung' byid

Joe'' li'' va'' ru dam myig vu''

a-lhab' wa Mo''So ra'' je: ju:

Lhao nau'' nao ngo a-lhab'

Mo''so re khug ngha jhad'

Qi; qhang lo nae'' nao we' ngo , Lhao nau'' bam yao; ngad va'' aw''...

Lau dao:

Ana'' myi 7:00pm we' 9:00pm re London King's College mae Myen mang: Taung zo: bam we' tin'' ra'' qug khai khyo , zag zo; zag shaug' re kham zo: na bam ra'' a-khyo re mungkan mang; khao mang; ngo'' mae'' byu jham ba lo mung bao'' thaug' yu nae'' qhid' mae '' Humanitatian Crisis Photo Show we' Talks Show bam kad' nae'' ga'' ru vo'' ba ra''.

Ai ra'' phaung re Taung bug' mang: joe'' na ra'' Taung zo: nau'' bam jhui'' au she ko'' ra'' ga''. Phaung bin lao'' Taung zo: zo-jam tso nae'' ko'' ra'' ga'' o''.

Dam d-lam wa khamyao'' m-ngad re Gmail mae'' mung solho vo'' myao ra'' Video Chat gai kad' n-va'' ga'' ru re re the' gyo'' ra''. Web-Cam jo, ra'' computer seng khyo ye; mung yham sang qhug' nug myao nug' ra'' yaug re gai myao n-va'' myao o''...

Malaysia mae mao: naung Khang'' pho'' d-yaug lam'' qug mung yang myig thao'' ru we' yao'' gaung yao: se' shid' pye' ga'' ru re the' gyo'' ra''. Mo''so re lam'' khug myig nhae'' yang ngad n-va'' ein dao'' ngae ra'' .

Vo'' myig ra'' khyo

Lhaovo bam mang: jab na; pyo ye'' lo'' na ra'' khyo we' , nyhao: mo' byu myu'' su ru m-laug yang d-yaug we' d-yaug xo' taui khyo qam nang'' ra'' , ai mung qam han nae'' re qug' ra'' ga'' ru re the' myao ra'' .

Byu myu'' d-myu'' myig qhug' qam han nae'' qi: qhang lo nae'' wa lau dao: yau gying ra'' ga'' ru re the' myao ra'' . Lhaovo bam ra'' Tung'' ce' , sam'' ve, byu na byu ye, phaji'' ju-i khyo , mang: khyo , zaui: zo mung ve, khyo , qao'' zing'' khyo a ja; ja bam ra'' qhid' mae'' d-yaug we' d-yaug vo'' xo' vo'' qam byid nae'' qhid' mae Radio Station d-lam (Lhaovo Radio Station) vo'' ca'' va'' ra'' ein vo'' myig ra'' .

Dao: ka'' ta'' lang ga lhao'' RVA ga'' ra'' philipine mae'' mao; nhaung phaug' bam ra'' Radio program wa bam , myu, khyi'' khao; ngo'' mae'' phaug' mao; nhaung bam a-lab Mo''so a-kyo re vo'' gyo'' ra'' , lau dao: bam re re vo'' tae'' ra'' , ai wa yao; bam ra'' qam; han khyo re gyai yao: bao'' thaug' vo'' ra'' ga'' ru re lam'' shad m-ca'' ngad ra''.

Ai mung nyhao mo' lhaovo bam ra'' qhid' mae re Radio Station d-lam vo'' nae'' qhid' mae Jhaung mo' qam ke' ru we' d-khyo'' za , khyo qho ye'' lo'' g-lang ein qam lao nug ra''. Cara'' Lhaovo Radio Station wa Lhaovo we' tin'' ra'' seng'' ra'' khyo alab' re tsao; kyo nae'' qhid' mae ngad nae''..Sae'' mang: , Taung mang: , AG , qid nyhap , Katho''lik' , Yui tso; alab ra'' a-khyo re m-kho' lo; za byu myu'' qi;qhang kyo re qam ke' ra'' Radio Station ngad sho' thaug qhao nae'' re myig nghae'' ra''..

Cara'' a-khyo re myig leim'' ngad re wa xo' taui'' lo nae'' re lam'' ra''.

Lhaovo blog hlolder.

A-na'' ba; re lau dao:

UK mang: ra'' Prime Minister (Mang: up ) Gordon Brown wa Paris ( France mang: mae) ngaui kye' pha-ga: khyo'' we' tin'' yang myo' qhug' jhau lham (Summit) ye'' ra''. Ai ra'' Summit mae Germany , France we' mung Italy mae'' Mang: Up bam joe'' li'' ko'' ra'' ga''. France Mang: Up vo yham sang kad' mung jhui'' qhug' ru ngad ga''.

C-ru qhug ru wa Europe mang: mae'' pha-ga nau'' bam re bao'' thaug' nae'' qhid' mae ngad' ga'' ru re vo'' gyo: ra''. Mungkan mae pha-ga we' tin'' yang gyai yao: qug' khai na ra'' au ngad ra''. American mae wa Mang: Jhaung Up (President G. Bush ) wa $700 Billions re ngaui yham bam re bao'' nae' qhid' mae lo, tung'' khyang:(Sign) vo'' va'' ga''. C-ra'' bao'' thaug' khyo re lai lo ra'' d-l-ban je ko American Congress mae a -tug a-qhu jho'' ta'' lham ko'' ru ngad ra''.

Peace we' tin'' ra'' Jaung

Hi lhao'' nau'' bam re Peace we' tin'' ra'' Jaung d-lam a-khyo re ta'' kyo nug ra'' , ai wa UN we' xo' ra'' jaung ngad ra'', c-ra'' jaung vo'' do, re wa UN mae mau'' vo'' nae'' gyai loe zai ngad, ai mung yham sang yao: Organization or Phung; phung'' nug re re gai ra'' ga'' ru re bang: se'' byid ke' ra'' o''.

Jaung website wa www.upeace.org ga'' ru ngad ra'', c-ra'' jaung vo'' vao nae' qhid' mae wa English Tofel m-ngad lao'' IELTS ga'' ra'' ja re phyid ca'' ra' ga''. Lhao nau'' bam myig leim'' bao thaug' qhao g-lang o''..

southall school of languages and missionaries orienataion

Ana'' ne, wa London mae phung'' to'' ra'' jaung d-lam a-khyo re ta'' kyo nug ra'' , c-ra'' jaung wa sasana mau'' zo'' re qam; ke' ra'' pa'' caung phung (Southall Baptist Church) mae'' mung qi; qhang lo; na ra'' jaung ngad ra''. Ana'' au; re wa English classes, Desciple Training , Bachelor and Master levels bam re gai; do, ra'' ga'' ru re ta'' kyo ke' ra'' o''.

Jaung a-khyo je; ba nug lhao'' http://www.sslmo.co.uk/ mae gai; vu'' ra'' , a-na'' au wa mang jab mae'' jaung nau'' bam do' na ko'' ra'' e.g Brazil, Korea, India, Pakistan, Kenya, Peru, Myanmar we' Europe mae'' jaung nau'' bam gyai laug li'' va'' ra'' .

A-na'' ba: ra'' So Ju-i ( Theology)

Jhid' de, ra'' lhao nau'' bam a-lab re ta'' nug , tsao khyo'' nug ra'' khyo myo; myo jo, ru mae'' a-na'' myi wa So Ju-i ( Theology) we' ting'' ra'' a-khyo d-jhid' ta'' nug ra''. Nhyao: mo' ra'' L-lam l-khug khyo wa gyai nau'' nae'' shi'' ga'' ru re nao ngo lhao nau'' a-lab mo, ba gau ngad n-va'' ein lam'' ra''.

pe'' mung ga'' re L-lam l-khug ga'' ru wa d-ne, d-ba za: re ga'' va'' , ba va'' , laug va'' ga'' ra'' ja; m-ngad yang ngad ra''. Yao: wa ne, khao; ne, ngo'' ra'' su-na , kao daui khyo ngad ra''. Ai tho' mae So Ju-i ga'' ru wa ban we' ban boe'' doe, lo; ra'' m-myid bam a-lab' we' tha'' lag' na ra'' mung kan khyo a-ja; ja dao mae nyhang'' yu ca'' ra'' khyo myo; myo jo, ga'' ru re beim g-lang.

Lai lo ra'' m-myid mae'' Patristic - pa'' caung we' ting'' ra'' khyo myo; phyao re pho'' qi mae'' au; she ra'' yo, Mediaval- a gaung; yo, we' mung Reformation- lai lo ra'' ayo, ra'' khyo re tha'' lag' ra'' yo, we' mung a-ana'' nao ngo na; na ra'' Post Modern ga'' ra'' jhaung phaung yham wa khai mae re gai; ngad ra'' ga'' ra'' ban mae joe'' na bam va'' ru ngad.

C-ra'' a-sang Yesu thao cao'' ra'' naung cao bam ra'' su-na a-ja; ja lai phyid' lo va'' ru mae'' nyhao: mo' Lhaovo bam wa 19th Century lo'' thao'' tam'' re she' so ra'' naung cao bam boe'' lo ru ngad ra'' ein vo'' myao ra''. C-ra'' a-yo, re li'' vo'' ze; ru re gyai gai ra'' ngad ra'' , pe'' mung ga'' re yham sang myig ra'' o; ra'' khyo re m-gyaug m-qho' , m-gaung yug taung'' gai ta'' , gai cao'' ye'' ra'' a-yo, ngad yang ngad ra''.

yau; gying ru wa nhyao; nae qho' bam c-ra'' a-khyo re d-gu; ba mung vo'' cao'' ye'' lo'' nae'' ru ngad ra'', ai wa yham sang myeng'' thoe, tung'' ce' , sam'' ve, we' l-lam l-khug khyo pe'' re qi; qhang sho' kha-qhi'' kha-kyo'' mae'' thaug' qhao na va'' ga'' ru mae vu'' yang joe'' lo nae'' d-xe zing ra'' Lhaovo byu-myu'' re vo'' byu myao nae'' ngad ra'' ein ...ta' au'' c-ra'' tung'' khye' re to; shi va''ra''.

vo'' gyo'' ra'' mungkan lau dao: d-qhae:

USA mae ngaui yham (bank) bam ngaui m-vo'' byaug' zai'' boe'' mung gyai qug' na ko'' ra'' , ai re American Asuya bao'' yu nae'' qhid' mae Mang; up jhaung George W. Bush wa $700 billions thug byid' nae'' ga'' ru re Congress ga'' ra'' mang: up phung: byu qi: bam myig m-vang'' boe'' na ko'' ra'' ga''.

Thailand mang: mae joe'' na ra'' myen mang byu'' bam myen mang: Asuya' re San da' pya' ko'' ga'', a-nag' ra'' bung gyi bam Yangon khyo mo'' khai mae San da' pya' , d-beik' maug' ru re dam myig beim'' ru we' myen mang: Asu''ya' tha'' nae'' qhid' mae mo' yao: na ko'' ra'' ga'' ru re BBC lau dao: mae vo'' gyo'' ra''.

L-ha mang: mae z-shao bam shaug' nae'' n-nug' phoi: shaug' re vae; dug' no , vao sheim sheim ru we' gaung dau: m-pyo: boe'' yang L-ha Asu''ya' mae'' n-nug' phoi m-aung: nao lo ga'' . Ai ra'' lau wa Hong kong khyo joe'' sho' joe'' na va'' ga'' ru re the' gyo'' ra''.

qi; qhang khyo qho g-lang

Lhaovo bam m-gai: yab jo, lo , ba myao: lo'' va'' , thao gyo'' lo'' na ra'' ,l-lam l-khug , tung'' ce' phaji: khyo , byu na byu ye, khyo , cid khyo ya khyo , xo' taui khyo , zaui; zo; mung ve, khyo , nghaui'' pyo khyo , mang; khyo gye khyo , phaga khyo khyo aja; ja mae thao gyo'' na ru mae'' su-g-je we' yao; cao yao: vo'' zam'' na ye'' lo'' nae'' qhid' mae thaug' qhao g-lang o''..

d-yaug d-lo ceim'' zaui mung loe, beim qi; qhang ye'' lo'' g-lang o''...

Yham d-jhid' yhaung'' to'' ra'' lhe''

Tung'' ce' sam'' we, blog yham a-sam d-jhid' tha'' to'' ra'' , ai mung nghaui'' thoe re: gai gyo nae'' qhid' mae thaug' qhao: to'' ra'', vo'' vo'' za gyo; vu'' g-lang , lhao nau'' qo ga'' ru ngad ra''.

Lhaovo bam re Mo''so min gam byid na shao: aw''

Khai Khyo Au: Qhu; Ra''? Where Are We Headed?

Lhaovo bam , lhao nau'' jham ra'' ne, mo'' ba, khai khyo au: qang na; ga'' ru re myig vu'' ca''.
Ana: ne, mungkan wa 21st Century , Information Techonology Age ga: yang qi: qhang jo, na va'' .
Ca-ra'' a pyad qid lao mae kao daui: na ra'' Ve, qae'', nag' bo Lhao nau'' Lhao zo bam kha kyo'' , kha-ru thaug' qhao na: ga'' ru mae cao'' yang , joe'' lo nae'' ngo: zin , d-xe zin ra'' Lhaovo byu myu'' re l-myhung'' gai myao ra''.

Yham sang myeng'' thoe re m-jhau , m-ta'' , m-mung , yham sang sam'' ve, re phug' m-te' , m-ci , tung'' ce' khyo m-thaug' qhao ngad re wa Lhaovo byu myu'' byaug lo'' nae'' wa pe'' ta'' m-ca'' ngad n-va''. Ce-re beim'' yang yham sang myeng'' thoe, yham sang tung'' ce' , yham sang sam'' ve, ga: yang za lam'' kad' na lao'' re mung kan I T khyo we' Media Communication ga'' ra'' xo' taui khyo , phaji'' khyo thao gyo'' nae'' re myig ca'' nae'' ngad ra''.

Ai mung ngo d-yaug' khyo'' myig vu'' re wa Lhaovo bam wa su ga-je tho' je: thaug' qhao ca'' nae'' ngad ein vo'' myao ra''. Vo mau'' zaui: mung yham mau'' qham'' , yham mau'' zaui: mung vo mau'' m-vo'' kad' m-boe'' nae'' qhid mae d-yaug we' d-yaug ba: gyo'' ru we' myig vang'' , myig qham taung'' ceim'' thaug' qhao na bam gai ra'' ein the' beim'' ru re tsao kyo'' ke' ra'' aw''.

Mo''so min gam je:ju ayo, khao ngo'' vo'' ra'' mo, boe'' doe' na v-shao: aw''.

University of Cambridge

UK, England mang: mae Second Top Tsao'' myao jaung mo'' ngad ra'', ca-ra'' jaung khyo vo'' li'' do, nae'' qhid' mae wa IELTS ga'' ra'' English tung'' ce' re phyid' poe'' vao mung lo'' dig 6.5 vo'' ca'' ra''. D-zin ra'' jaung do, phug' ein nae'' wa £25000 we' £30000 ngad ra'' ga'' ru re vo'' ba ra''. Lhaovo bam c-ra'' jaung khyo thao phyao m-joe'' nae'' ein kha-yaug' m-vo'' ta'' mhao''..

Mo''so khyo phung'' byid' lo; ra'' ba re wa thaug' qhao nae'' wa nhyao nae'' qho' ra'' mau'' zo'' yao: ngad' a-va'' ra'' o''..

big bang ga'' ra'' ru pe''?

Lhao nau'' bam m-thao gyo'' na nae'' qhid' mae ngo ba: ra'' kyo''mae'' ta'' kyo nug ra''.

Big Bang ga'' ru wa mung kan we' Gug' mang boe'' lo: ra'' a-khyo a-qao re Phajhi'' ju:-i phug' bam ta'' ra'' a-khyo myo; myo mae'' d-ja ngad ra''. Ai wa zai mo'' shid' lam shid' shad' khyo'' yao; cao yao: au: thaung qhug' mung go; byi lo'' ru mae'' ba , kyi , lho'' we' mug' myid dao kao'' bam a-lab' bo: ra'' Gug' mang (Universe) boe'' lo ru ngad' ga'' ga'' ra'' khyo ngad ra''.

Ana: ca ra'' a-khyo ngad laug? m-ngad laug ga'' ru je: ba sho' Ju:i pho'' bam wa France we' Switzerland mang: kyo mae'' CERN ga'' ra'' jo, no mae'' xam; jao mae mau''zo: a-sag' phung'' qhid' na: a-ko'' ga''.

kha ru boe'' nae'' ga'' ra'' khyo re wa m-vo'' ta'' shi , lao'' vu'' zai za ngad ra'' ga'' o''.

http://www.simsamyit.blogspot.com

ce re lhao nau'' d-yaug ra'' blog ngad ra'' ye lhe'' vu'' g-lang.

American Mang: Jhaung Up ( President) ra'' Rung''

WHITE HOUSE ga: re khai ra'' , ai mung Capitol Buling , Oval Office ga: re mhang'' a-ko'',

WASHINTON D.C mae jo, ra''.

American Mang: Jhaung Up khying poe''

American mang: mae joe'' lo nae'' November byid ba: ba re Mang: Jhaung Up khying poe'' ( President Election) ngad zai ngad.

Ai ra'' qhid' mae Mang: masa phung shid' phung mae'' Jhaung Up tug'( Presidency Candidate) shid' yaug : Barack Obama ( Democratic Party Nominee) we' Jhon Mac Cain (Repuplican Party) wa d-yaug we' d-yaug qam: ke' yao: jho'' ta'' lam'' na a-ko''.

Khayaug' Jhaung Up boe'' nae'' ga'' ru wa joe'' lo nae'' Nov byid ba: ne, re she ba zai ngad ra'' o''.

Tho' Mo''so mae myig nghae'' jao: jo, ra''.

Jhid' de, ra'' lhao nau'' bam alab' e''.... ana'' ban ra'' nyhao mo' su-na myig ke' vu'' re , nyhao mo' lhaovo byu myu'' jham a-khyo aja; ja mae thao gyo'' na shi'' ru re the' myao yang nag' m-pyo ngad' kyi: tung'' ce' we' sam'' ve, , pha,ji'' ju-yi , ngaui'' ja: , l-lam l-khug , byu na byu ye, , ga: yang shad' khao; ngo'' mae'' qam m-qo'' boe'' na ga'' ru re vo'' myao; ra''.

Ngag m-se'' Tho' Mo''so ra'' mung dao: mae ta'' to'' ru we' d-khyo'' za Yao; re lam khug' ru we' thaug' qhao myig nghae'' ra'' mo' alab' re yao; min gam nae'' , nag' lam ngaui pyo'', yaug yo, myeng cae'' ra'' je:ju byid nae'' ga'' ru re m-to'' myig' g-lang.

Lhaovo byu myu'' qi; qhang lo nae'' wa Mo''so we' za a-gai boe'' lo nae'', English khyo'' wa : ''Nothing is impossible with God '' nyhao mo' lhaovo bam re: Mo''so we' ngad lao'' wa gai boe'' shi'' ein qam byid' ru we' qam lhao'' ra'' o''.. Lhaovo bam re Mo''so min byid' na shao.....

Olympics 2008 China to 2012 London

Mungkan Olympics Poe'' mo'' re Laha mang mae'' d-xe khyaug' ba kad' ru 24th Aug (L-ban) ba re ping'' va''. Olympics mae Qhang jhaung qhu'' myo'' thao'' wa ;

First =L-ha
Second =Ame:ri'kan
Third = Russia
Fourth = Great Bratain

bam ngad' ko'' ga'', ce-ra'' poe'' mo'' re byid zin re d-lhang kad' ru ngad' ra'', dam joe'' lo nae'' 2012 re wa England mang: London myu' mo'' mae'' ngad. Jhid'de, ra'' Lhaovo byu myu'' mao; nhaung bam a-lab' re Olympics li'' vo'' vu'' nae'' qhid' mae thaug' qhao na g-lang ein qam byid nug ra'' o''..

Lhaovo tung''ce'

This is how we use Vowels in Lhaovo,

ae = yes

ai = that

ao = Nao = you

au = aung = win or can

ei = ai hei'' ru = that much big

eu = hardly use in lhaovo

eo = hardly use

0i = poi'' = celebration

oe = hoe = breath taking sound

Lhaovo Lesson Introduction

Today in 21st Century and in the age of Globalization ''Lhaovo'' as a small nation we are struggle to stand among giant nations, but we are God's children, we have the right as other nations and people around the world, no less not more!.

My intention is to share my knowledge about Lhaovo's concern and want Lhaovo people to be able to speak and write their own languge and literature.

Most of Lhaovo people are surviving and living under great influence of Jingpho , also one of The Kachins so they tend to be perdominantly overshadow by those people around them but every single Lhaovo knows that they have to promote their Language and literature according to God's will in order the Gospel to be preached to the nations in their native dialect ( heart language).

Here is some lesson to learn for those who want to learn how to write and speak Lhaovo.

Its simple , we will see Roman alphabets in Lhaovo Literature.

just like English we have Consonants and Vowels, but the main point to read Lhaovo correctly is to study its six tones signature which comprise with ;

Thoe qao: (- ) = basic sound ( e.g. ba = sun)
Thoe nyham (-,) = lower sound (kad' ge,= do it)
Thoe lhang'' (-;) = round sound (lo; va' = come over here)
Thoe qhang (-:) = longer song ( kad' lang: = let's do )
Thoe zhaug' (-') = short and stronger sound ( thug' = out or emerge)
Thoe myao (-'') = high and longer sound ( ra'' nga'' mao:= dear my brother)

Consonats are: B , C , D , F , G , J , K , L , M , N , P , Q , R , S , T , V , W , X , Y , Z
Vowels are: A , E , I , O , U.

you will notice that '' H'' is not in consonants list because in Lhaovo ''H'' is like joker , as you learn you will come to see how ''H'' use in Lhaovo. Thanks for your interest in Lhaovo literture. Hope to see you on second lesson.

Khayaug' qo?

Lhaovo byumyu'' bam thao gyo'' na: ga'' ru re khayaug' re myik' re re ngad ra'' ga: ta'' zai ngad'. Thao gyo'' na: ru wa pe'' nam mung yang ga'' ru re myig vu'' au'' , qi;qhang lo sho' thaug' qhao nae'' khag' qo ngad' ru myig vu'' nae'' qhid' mae c-ra'' tung'' khye' re tung'' ke' qo''

A-so;d-lam wa byu na thao gyo'' yang, pha,ji'' ju-i m-ba yang ngad nae'' , shid' lam ein nae'' wa thaug' qhao ca'' ru m-beim yang , sam wa yham sang ra'' mau'' zo'' m-zoe'' lai lo yang ( ba gau wa ngad' yang re , su g-je ra'' qi:qhang khyo mae bao'' thaug' ra'' khyo''za ngad' byaug naung...) , byid ein nae'' wa tung'' ce' m-vo'' lai lo yang , ngo: we' lo'' thao'' ein nae'' wa l-lam l-khug khyo mae shad' lai lo yang ngad n-va'' ein vo'' myig ra''.

A-na: ba lhaovo byumyu'' qi tung''ce' , sam'' ve, vo'' , l-lam l-khug vo'' mung phan a-sang re ba mung; qi; qhang lo; na va'' ru re vo'' the' myao ra'', ngad yang re su g-je we' ka'' re gyai thao gyo'' na shi'' ga'' ru re re vo'' ba ru ngad' , lhaovo byumyu'' bam cao jab shad' khyo'' mae'' qi;qhang lo sho' thaug qhao nae'' wa l-sae'', l-ha re m-ngad, sh-phyu , sh-no' bam re m-ngad nae''... ..Lhaovo byumyu'' qi:qhang lo nae'' wa Lhao nau'' nao ngo alhab qo yao ngad a-va'' ga'' ru re beim'' gyang'' lo mung yham sang na: ra'' , jo,qo mae aung ra'' gu'' mae'' Lhaovo byumyu'' qhid' mae'' thaug' qhao na g-lang ein qam lao'' ke ra'' o''..

Lhao nau'' bam a-lhab Mo''so ra'' min gam je:ju vo'' yu bam shao: o''..

Myig vu'' g-lang o''??

Jhid'de, ra'' lhao nau'' bam alab' re pyang dao: ta'' nug ra'', pyang dao: we' d-ga'' myig vu'' nae'' khyo re ngad nae''...

Lhaovo bam yham sang myeng'' thoe khyo'' pa''caung kad' ca'' i''?
Kad' ca'' ga'' lao'' pe'' mung kad' ca''?
M-kad' ca'' ga: lao'' re pe'' mung m-kad' ca'' ga'' ru myig vu'' g-lang.

Lhao tung''ce' we' sam''ve, khyo re tau; to' ci: ye'' lo'' ca'' i''? ca'' re pe'' mung:? m-ca'' ga lao'' re pe'' mung ga: ru myig vu'' gai.

Lhao nau'' qi phaug myeng'' jhau re gai i''? m-gai: i''?

Lhaovo Phung: we' KBC ra'' xo' taui khyo kharu kad' re gai nae''? San san kad' nae'' , m-ngad' re wa d-ga'' kad ye'' re gai nae'' i''?

C-ra'' dao: myid? bam alab' re nghe' vu'' myig vu'' mung d-ja: ja ta'' nug' lao'' comment gai byid' ra'' khyo re ta'' ke' qo'' ra'' o''.....

Lau dao: d-qhae:

USA dam-ma-da' mhyi'' Laura Bush wa Dam-ma-da' George W. Bush we' mung Laha mang: khyo Olympic poe'' mo'' ye nae'' ngad' , laha mang: li'' au'' Thai we' Korea mang: khyo re lae'' joe'' nae'' ngad ga vo'' gyo: ra''. Thai we' Myen mang: mang; kyo mae'' Refugee kem' we' Me-do: cid'rung'' khyo re li'' vu'' kam; nae'' ngad.

Joe'' lo nae'' August 3-7 re, UN, mungkan up khang'' phung ra'' Myen mang: we' seng ra'' lau: de, vo myen mang khyo li'' nae'' ngad' , yao wa myen mang atsu''ya' we' mang: khug' mae'' byu myu'' cao jab we' xu-su bao'' thaug' phung bam alab we' qhug' nae'' ngad' ga'' ru vo'' gyo: ra''.