Back Again

Lhaovo zalau: is back again. Mau'' laug na: yang: blog maqo'' tung'' ru gyai myhao'' byaug va''.
Ana'' ba mae'' wa dam: thaug' qhao'' qu'' nae'' khyo: ngaid va''.

Ana'' au: ra'' taung mang: khyo

Jhid' de, ra'' Lhao nau'' mao: nhaung: jham ba se'' nava'' ein; lam ke' ra'' .

Ngo qo'' gyo'' ra'' gu'' re xo' yang: dam: gae: myho'' ke' ru ngaid.

Taungzo: gyedap re Nov 14 ba re myen gye qam: datug we' mung: vao: se' nae'' ga'' ru qo'' gyo'' ra''. Laha te' shaid' mae'' re: myen jham qhid' mae'' myi:am xashi: jham byang'' byang'' tho: ra'' Mo:do mo'' shid' ce' joe'' na ra'' ga'' ru lau dao: kyo: bao ta'' ko'' ra''.

Nyhao: maqho' ra'' taung mang: we' taungzo: byu myu'' jham re lhoi'' ru , se' ru , taung'' ru jham myo: myo zaui so'' na ko'' ga'' ru the' myao: ra''. Ai mung: jhaung: mho' qam: byid' ako'' ga: yang: re

phung: mho'' pho'' we' phung: thaug' jham, lam khug, phung:zo: jham re myig' ca mung: qobo mamyao khug mae be, khyad' na ko'' ga''.

Cara'' akhyo jham re myid ke' lao'' Mo''so mae'' lai yang; taungzo: byumyu'' qi tau myid nghae'' jao gatau majo, mamyao lo: ngaid ra'', Ai mung: Qammo'' bo: thao'' ra'' Phan'' yhamsang Mo''so: yao: bao'' thaug' yu veshao: gang: gang: jhaung: ceim'' mho' bam gelang: o''. Sangyang'' solo we' mug' lagyo: bam taung: zo: byumyu'' re bao'' yao nae'' ngaid' ein: lam'' ra''.

Lhaovo byumyu'' bam laug laug na pyo'' ra'' Vai''mo , Caphaui , Pang:va qan'' mae re: yaug yo, ra'' jeju byid' gae la, o'' Asang we''. Mo''so re ba: myid nghae'' na geshao: myo, phung'' byid' na la o''.

Taungzo: Mang: Nhgaui''

( Nyug, Lao Bam Mo'' Taungzo: Aqao: Yao: Ngaid'...

Byuxag' She' Ra'' Taung''zo: Mang: Yao: Ngaid Na'' Ra''...

Phug: Phyid, Jham Ra'' Jo;nho: ....

Phug'de, Dai''kham We' Byang'' Jo, Ra''...

Nyhao:nhaung'' Mang: , Nyhao:nhaung'' Myig,

Nyhao:nhaung'' Jhid' Nyhao:nhaung'' O: .....

Mathao'' Mabyaug, Gug:gam ...

Mugmyig' Thao'' Joe'' Sho' Gang''tang: Jo, Na Nae''..)

Xam: Shid'lhang: paug' nghaui'' nae''.

Lhaovo we' mang: khyo

Lai lo'' va'' June lho''xin: gug ba: ba mae'' taungzo: gyedap we' myen gyedap jho'' bag, qhid, lo ru ana'' ba joe'' ngaid re lho'' byid khye' byang'' nae'' nhad' ba za: aca'' lo'' ra''. Gye-se' khyo wa je: thing: li'' na ra'' ga'' ru the' myao:, qo'' gyo''ra''. Azhao: laban ta(Sep 23 we' 27 ba gyaro: mae )sae'' mang: taungzo: gyedap, Loe: kang: re: myen gyedap qam: dakhying'' je yao: ceim'' yan'' do, mung: myi:am mo'' jham we' mathang sho' lam'' lo'' bag gayang: taungzo: gyedap mae'' bao: lhau'' phao: qhui: ca'' ko'' ga'' ru qo'' gyo'' ra''. Ngaid mase'' avai: ayae tau qan'' mae'' dam: ke' bag, na ko'' ra'' ga'' ru lau dao: mae qo'' gyo'' ru ngaid.

Mang: khao: mang: ngo'' mae joe'' na ra'' jhid'de, ra'' taungzo: Lhaonau'' nao ngo'' alhab' myid beim'' na nae'' wa: nyhao: nhae qho' taungzo: byumyu'' qi: qhang khyo re jhui'' au: she jhui'' qi: qhang nae'' wa taungzo: yao; cao; yao: ngaid ra'' , ai mung: ana'' boe'' na ra'' mang: khyo , gye khyo mae Mo''so nyhao: nhaung'' we' daga'' ngaid mung: khyo jhui'' yu nae'' , aung myaug ra'' jeju byid na shao: ein: jhaung: ceim'' mho' ru we' daga'' , yham sang joe'' na ra'' jo,qo mae mang: khyo we' byumyu'' tau gai boe'' qae thaug' qhao na gyai yau: gying'' ra'' ein: the' myao ra''.

Taungzo: byumyu'' qi'' qhang: gang'' tang: lo nae'' we' yaug yo, taung'' yhamsang: mang: re qo'' yu nae'' , qo'' qi'' qhang nae'' tau ayo, khao: ngo'' beim: beim: za: thaug' qhao'' na gelang: lhe'' ein: qam: lao'' ke' ra''. Vaimo: , Myidkyina: , Chiphaui , So'Lo , Vashaung: we' taung mang: sae'' mang: qan'' mae qug' khai: qhug' na ko'' ra'' Lhao nau'' mao: nhaung: jham bin sho' we' taungzo: mao: nhuang: jham bin sho' adao mae Pho'' asang: lhaug' zaung'' qu'' gam byid' na shao: o''.

Lhaovo Politics

Jhid'de, ra'' lhao nau'' mao: nhaung: bam we'' , nyhao; nhae qho' bam bana: na ra'' byin qham myen mang: ga'' ru mae'' ana'' ce-au: re mang: khyo tha'' lhag' na ra'' yo, ngaid ra''. Mang: khyo wa qi: qhang khyo ngaid ra''. Cara'' qi: qhang khyo mae nyhao; nhae qho' bam khakhyo'' bo leim'' na ga'' ru re no, no, jid' jid' myid qu'' ca'' va'' ra'' ein: the' myao: ra''.

Yaug, yo, ra'' mang: boe'' doe, nae'' qhid' mae wa ai ra'' mang: mae na: ra'' mang: byu jham bin sho' we' tin'' ra'' mau'' zo'' ngaid ra'' , ai mathao wa nyhao; nhae qho' re: nyhao; nhae qho' ra'' thoe re kyo: ca'' ra'' , thoe kyo; nae'' qhid' mae myid qhan: dang qhan'' ru we' ngaid re she, a gai nae'' , Lhao nau'' bam dayaug, danhag' mamyid, na lo: dang qhan'' ru we' boe'' na ra'' mang: khyo , lalam lakhug we' byumyu'' qi: qhang khyo mae thoe qo'' kyo: sho' thaug' qhao'' na gelang: ein: qam: lao'' ke' ra''.

Ana'' myo; myo; ta'' na ru wa Federal Democratic Union ga'' ru ngaid ra'' , cara'' lase'' wa byin qham myen mang: mae na; ra'' byumyu'' cao jab yao; yaug yao: ra'' jo, qo mae khang'' ru we' byu myo; myo; nhag' qhan'' ru re akao to'' ra'' dang qhan'' ra'' mang: boe'' doe, sho' ga'' ru ngaid ra''.

June lho'' khye' 9 ba mae'' boe'' qhid na ra'' gyese' poe wa ana'' je: khig lo ra'' ga'' ru qo'' gyo'' ra'' .

lho'' dakhye' je ngaid lo'' va'' thao re anyi ne, July 21 ba myi re wa Vai''mo we' Laiza re xo' to'' ra'' Dabag lao zae re taungzo: asu''ya' dap ra'' gyezo: jham bom paug' phyid' pye' veko'' ga'' .

Myen gyezo: we' mo: do: jham taungzo: gyedap shaid' khyo: laui za: maqo'' de, nae'' tau phyid' pye' ru ngaid nae'' ga: gye akhyo qu'' ca: na bao: ta'' ko'' ra'' .

Laiza mae wa gyephao phao: ra'' byu 15,000 ko re myen ngaui tig 150 jan'' ging'' ra'' myicid' zai re Yinggyang'' mae'' Laha Asuya' jham sao qhid' lhang: bao'' thaug' yu ko'' ga'' ru qo'' gyo'' ra''.

Yinggyang'' qan'' na ko'' ra'' taungzo: jham re; cin thaung 200 bao'' veko'' ga''.

Myen wa taungbyu gyedap re thao'' sho' bag nae'' ga'' ra'' khyo'' seim'' nyhang'' na va'' ga'' ru re gye boe'' na ra'' vo tau mae'' mang: byu jham ta'' na ko'' ra''. Gye qam: lhaug' ru we' xashi: zo: shaug' jham laug laug tho: zhao'' lo: ako'' ga''.

Taungzo: gyedap wa myen asu''ya' re gye majho'' bag lo: kai:khau''(table) we' tao'' khau mae zaung yang: nyang'' jho'' ta'' yang: yaug yo, khyo re qho: ye'' lo'' nae'' tau mho' yao: na ru mae''

myen jham maqad maqui'' se' vao lo; ru ngaid ra''. Taung byu jham wa kharu: maba: kaid' yhamsang re se' lo ra'' mo, re yhamsang: gaung we' jo,qo re nghoe' gam ra'' khyo'' dam: se' na ru ngaid ga'' o''.

Taung mang:, Sae'' mang: we' Myen mang: re Mo''so nhag' khyag' yu veshao: , ngaui pyo'' lo veshao: o'' Amen.

taung byu gyedap jo, ra'' mae gyephao phao; qhui bao:

Lai lo va'' lho'' khye' June 9 ba mae'' myen we' taungbyu gyedap gye dam; bag, qhid ru mae'' shanglot jham up khang'' ra'' joqo, qan'' mae'' taung zo: mao; nhaung: we' gyephao phao; qhui ca'' mung: Laiza mae alaug15000 ko joe'' na ko'' ra'' ga''.

Ai bam re bao'' thaug' nae'' byu we' ngaui qhang: gyai ca'' na ra'' ga'' ru qo'' gyo'' ra'' . Ana'' au: wa shanglot dap khyo'' mae'' qu'' shaung: na ru we' UK mang: mae'' Unlimited Health ga'' ra'' phung: bao'' thaug' na ko'' ra'' ga''.

Jhid'de, ra'' Lhao nau'' mao; nhaung: jham we'' nyhao: nhae qho' joe'' na ra'' jo,qo khyi'' mae'' taungzo: mao; nhaung: bam alhab' qhid' mae'' tho' Pho'' Mo''so jhao'' jhaung: mho' bao'' na gelang: ein pyang: ke' qo'' ra'' .

Lhaovo mau'' zo'' wa taungzo: mau'' zo'' va'' , taungzo: mau'' zo'' re Lhaovo mau'' zo'' va'' ein: the' myao ra''. Kachins ga'' ra'' mang o mae Lhaovo qi: qhang: lo veshao: o''.

ni'' nhaung'' bin sho' ra''

lhao nau''

Lhaovo Khakhyo''

jhid' de, ra'' mao: nhaung: jham we'' ,

gye, jho'' se' na veko'' ga'' ru alhab' mo, qo'' gyo: ba se'' ganava'' ein lam'' ra''

taung zo: jham re se' ra'' gye ngaid ra'' mathao , nyhao: mo' Lhaovo jham re:

ai mae bo leim'' gau va'' , byu yao: mali'' se'' re lhao''

na ye, khyo , zaui: zo: mung ve, khyo mae qug qae'' ru we'

du: su khyo mae qug' khai qhug' zai va''.

Lhaovo politician re: na ca'' ra'' ein the' myao; ra'' .

Lhaovo qi re mang: khyo mae au: jhui'' she nae'' tau ca'' yao; ca'' na ava'' o''.

Lalam lakhug we' mang: khyo we' qi: qhang khyo wa bin sho' dalam: we' dalam:

xo' taui'' na ra'' mhao''.

Mo''so we'' ngomo' Lhaovo qi re jhui'' au: she nae'' wa nao Asang yao; ngaid ava''

ngaid mase'' Mo''she, ru: byu myu'' re jhui'' au: she nae''

au: jhaung jham myo; myo; byid' gae shi; la, o'' .

Lhaovo in Changing Myanmar

Jhid'de, ra'' Lhao nau'' jham we'' ,

Myen mang: wa tha'' wa tha'' lhag' lo: na ra'' , ai re: ayo, khamyho'' myao'' shi nae'' ga'' ru khag' matho' qo'' ba . Ai mung: myen mang: tha'' lhag' lo va'' ga'' ra'' dane, re nyhao: mo, Lhaovo jham ra'' suna azhao'' khatau mae ngaid nae'' ga'' ru myid qu'' gelang: lhe''.

Tha'' lhag' ra'' ga ngaid mase'' ju-i maba , ngaui qhang maqo'' , mau'' zo'' gyag, pe'' mazaui: so'' na re wa qi; qhang khyo mae thao gyo'' na shi: zai ngaid ra''. Ana'' wa zag, to'' ra'' o mae na ca'' ra'' , kaid' nug ra'' ja; magai: kaid' , mho nug ra'' ja: magai: mho: ra'' ayo, , byumyu'' sam''ve, tung'' ce' we' qi: qhang: khyo re tam'' phyid' to'' ra'' akhyo myo'' laug' na ru ngaid ra''. Mug' caid' khug mae ein: gai ta'' ra''.

Dane, ba thug' li'' va'' , tha'' lhag' va'' ga'' ra'' yo, su byumyu'' jham tao'' lai lo'' thao re , nyhao: nhae qho' wa tao; nae'' khyid' zhaung: qho: phyaug' ru maboe'' shao: thaug' qhao'' to: gelang: se o''. Khyid, zhaung: wa khag' re khag' yao; yao'' gaung yao: joe'' ra'' jo,qo , ang: ra'' mau'' zo'' mae seim'' nyhang'' nae'' re mho nug ra'' ngaid.

ni'' naung'' ra'',

myu''jhid'zolau:

pyang dao:

lai: lo'' va'' zin lam: myo: sho' gu mae

nyhao: mo' Lhaovo qi mug' caid' tham khug' mae

adu: adae: na lai lo bam va''

Asang khyo jhui: yang: ana'' ba nyhao: mo' Lhaovo qi

myo, bung'' aung gyang: sosuna qo'' va''

Asang je''ju re kheim: so' caung khin'' nae''

Lhaovo myu'' qi re gang'' tang ra'' byumyu'' boe'' nhao la o''

tung'' ce' sam''ve, we' sosuna lalam lakhug khyo'' mae

qi''qhang gang tang'' ye'' lo'' sho' thaug' qhao nae'' wa

Lhao nau'' nao ngo ra'' qo ngaid ava'' o'' .

Lhaovo

This post is intended for the people who never heard of Lhaovo. Lhaovo are a tribe of people of an ethnic people in Kachins State of Myanmar, formerly known as Burma. Kachins are Jingpho, Ravang, Lisu, Zaiwa, Lacid, Nung and Lhaovo.

There are seven states and seven division lands in the country.

States are named after the majority people who reside within the state, they are Kachins State, Shan, Chin, Karenni, Karen, Mon and Arakan(Rakhine) State. The Division lands are Ayawadi, Sagaing, Tanintari, Magwe, Pago, Mandalay and Yangon division.

For almost a century Lhaovo are under the influence of its cousin tribe called Jingpho. Before Burma got the independent from the British, 90% of Kachins became Christians under the American Baptist Mission and most of them fought the Japanese alongside with the American Rangers in WWII.

Myen mang: mae ngaui mugsug' malaug: ci

Myen mang: mae ngaui mugsug' malaug: ci yang: ngaui mangaid' ra'' mugsug' khye' re ngaui ra'' gaung tha'' ci nae'' tau zo: shaug' seing: jham , gai aung: seing: jham ci ko'' ra'' ru re Asuya' jham ma-o ngaui ko'' ga''. Aimung: ai ra'' mugsug' khye' ci ra'' akhyo re tam'' na ko'' ra'' ga'' ru qo'' ba ra''.

Ngaui 50 kye' ru we' 100 kye' ru majo: byaug, yang: ai ra'' gaung tha'' cid'khug' we' myo, said' mugsug' pe'' re ci; na ca'' ra'' ga'' ru Yangon qan'' mae'' fo'khye' seing: mae'' bao ta'' ru re qo''gyo'' ra''.

Aimung: dam: dalam: wa UK Asu''ya' wa Libya mang: yaug yo, nae'' tau ju-yi su mo,zhan nhao: ke' va'' ga''. Ai ra'' lau:de, jham wa Libya Asu''ya we' gye bag: na bao: ra'' agyo: mae gye khyo , byin phye'' khyo mae ju-yi byid nae'' tau ngaid ga ta'' ako''. Jhid,de ra'' byin cao: nao pe'' mung: myidgye, mae gye se' se' na ko'' ra'' ga'' ru re myid qu'' va'' i''? Kharu: dao'' ngae ra'' ? Nao dao'' ngae ru pe'' re ta'' nug lao'' gai: xo' taui'' ra'' lhe''.

England Mang: Akhyo

March lho'' khye' 27 ba ba mae'' wa England mang: mae'' ayo, re thao khyo dagaung dam; zaid, ke' va'' ru ngaid. Dam: joe'' lo nae'' October lao'' wa qhid' khyo dagaung dam: phyaid ke' zai ngaid ra''. Zin khao: ngo'' March khye' we' October khye' re Ayo, tha'' ako'' ngaid ra''. Ceru: ayo, tha'' ca'' ru wa Englang mang: ra'' myidgye, joqo, mathao yang ngaid ra''. March khye' mae'' wa xaung: thug' va'' ru ngaid ra'' , xaung: re wa ba qhang mung: ne, seim no' deig re'' mug' bo'' mung: myi'' 9 na:yi je joe'' sho' bo'' bao jo, na shi'' ra'' khyo ngaid ra''. Dazin re lho'' khyaug' khe' ba qhang qo'' mung: lho'' khyaug' khye' wa ba bo'' bao re ma-myao boe'' ra''.

Ana'' ba April 9 , bo'' ba re wa Grand National ga'' ra'' myao: khyin poe mo'' re kaid' na bam; ako''. myao: samxe: byid dau: we' myao: jui: bao: 34 yaug khyin: ru re byu 70,000 bam ceim'' qu'' mung: khadau: aso: 1 qo'' nae'' aso: 2, 3, 4,.... qo'' nae'' ga'' ru pe'' re tag, keim'' mung: pyo'' na: bam: ako''. England mang: ra'' sab ja: wa Football we' Myao: jui ngaid ava'' ngaid ra''.

Nyhao mo, Lhaovo bam re: byu qam: mamyo: malaug ngaid mase'' na: ra'' gu yao; yao'' jo,qo mae'' yao'' ayo, we' ayo, phag' mung: khyin poe pe'' re kaid' byid ca'' nae'' ein qo'' myid ra''. Cara'' akhyo wa byumyu'' qi:qhang khyo we' myid qam: qo'' mung: mau'' zo'' zaui: so'' nae'' akhyo , byuna byuye, khyo mae qi: qhang lo nae'' akhyo mo'' dalam: ngaid ra'' ein the' myao ra'' o''.

Yaung'' lho'' ra'' ba ngaid shao: o''

Jhid'de ra'' Lhao nau'' jham joe''na ra'' jo,qo mae zaui: so'' ra'' mau'' zo'' bin sho' mae Mo''so bao leim'' byid' ru we' aung doe, aung myaug ra'' jeju qo'' yu na vegashao: ein jhaung: mho' myid beim'' na ru ngaid o''.

May God Bless You All and Keep You All Well.

ေလာ္ေဝၚဆုိသည္မွာ...

ေလာ္ေဝၚေတြ အေၾကာင္းတေစ့တေစာင္း..

လူမ်ဳိး

ကခ်င္လူမ်ဳိးစုေတြထဲက တစ္မ်ဳိးၿဖစ္သည္။ ကခ်င္လူမ်ဳိးစုေတြကေတာ့ ဂ်ိန္းေဖာ့၊ ရဝမ္၊ ဇုိင္ဝါး၊ လခ်ိဒ္၊ လီဆူ ႏွင့္ ေလာ္ေဝၚ ဟူ၍ရွိေနခဲ့ရာ မွ ယခုအခါ ႏုန္မ်ဳိးႏြယ္စု ထပ္တုိးလာၿခင္းၿဖင့္ စုစုေပါင္း ကခ်င္မ်ဳိးႏြယ္စု ခုႏွစ္စု ရွိပါသည္။ ေလာ္ေဝၚမ်ားသည္ ေဖာ္ေရြေသာ လူမွူဆက္ဆံေရး ရွိၿခင္း၊ ရုိင္းပင္းကူညီမွုူ တြင္လက္မေႏွးၿခင္း စသၿဖင့္မိမိတုိ.ေရာက္ရိွရာအရပ္မွလူမ်ဳိးတကာတုိ.ႏွင့္ေကာင္းမြန္စြာဆက္ဆံ
ေနထုိင္တတ္ေသာလူမ်ဳိးၿဖစ္သည္။

စာေပ

ေလာ္ေဝၚစာေပ ကုိ ၁၉၇၄ ခုႏွစ္တြင္ အစုိးရမွတရားဝင္ စာေပအၿဖစ္ မွတ္ပုံတင္ေပးၿပီး ၿဖစ္သည္။
၁၉၉၉ ခုႏွစ္တြင္ေလာ္ေဝၚစာေပ (၂၅)ႏွစ္ေၿမာက္ ဇမ္ေဂါပြဲၾကီးကုိ ေအာင္ၿမင္စြာက်င္းပႏွုူိင္ခဲ့ ၿပီးၿဖစ္သည္။
ေလာ္ေဝၚစာေပရွင္သန္ တုိးတက္ေရး ႏွင့္ ေလာ္ေဝၚယဥ္ေက်းမွူ ဖြံၿဖိဳးေရး ကုိ ေလာ္ေဝၚစာေပႏွင့္ယဥ္ေက်းမွုူ ေကာ္မတီကတာဝန္ယူေဆာင္ရြက္လ်က္ရွိသည္။

သက္ဝင္ယုံၾကည္မွုူႏွင့္အသင္းေတာ္

ေလာ္ေဝၚမ်ားသည္ မိရုိးဖလာနတ္ကုိးကြယ္ခ့ဲၾကရာမွ ၁၉၀၀ ေနာင္းပုိင္း ခရစ္ယာန္သာသနာကုိ ေနာင္ေတာ္ဂ်ိန္းေဖာ့တို.ထံ မွတဆင့္လက္ခံရ ရွိခဲ့ၾကရာမွ ခရစ္ယာန္ ဘာသာဝင္မ်ား ၿဖစ္လာခဲ့ၾကသည္။ ယခုအခါေလာ္ေဝၚႏွစ္ၿခင္းခရစ္ယာန္အသင္းေတာ္မ်ား ကုိ
ေလာ္ေဝၚအမ်ားစုေနထုိင္ရာေနရာမ်ား၌ေတြ.ရွိရပါသည္။ ေလာ္ေဝၚဓမၼက်မ္းစာေက်ာင္းကုိ ၿမစ္ၾကီးနားၿမိဳ.ေၿမာက္ဘက္ ေရြုစက္ရပ္ကြက္ တြင္တည္ရွိပါသည္။ ေလာ္ေဝၚခရစ္ယာန္အသင္းခ်ဳပ္ရုံးမွာ ဝုိင္းေမာ္ၿမိဳ.တြင္တည္ရွိပါသည္။ ခ်ီေဖြ၊ ေဆာ့ေလာ္၊ ပန္ဝါ၊ ဝုိင္းေမာ္၊ ၿမစ္ၾကီးနား၊ မိုးမိတ္ ႏွင့္ ကြန္လုံ ္ဇုံနယ္ ဟူ၍ အသင္းေတာ္ဇုံနယ္စုစုေပါင္းေၿခာက္နယ္ရွိေနၿပီၿဖစ္သည္။ ေလာ္ေဝၚမ်ားေနထိုင္ရာေဒသမ်ားမွာ ကခ်င္ၿပည္နယ္ေၿမာက္ပုိင္း ေမခ မလိခၿမစ္ ၾကားႏွင့္ အေရွ.ဘက္ၿခမ္း ၊ရွမ္းၿပည္နယ္ေၿမာက္ပုိင္း ႏွင့္အေရွ.ဘက္ႏွင့္ ရန္ကုန္ ၊ မႏၱေလးတုိ.တြင္ေနထိုင္ၾကပါသည္။

Happy Mothers Day (United Kingdom)

Today is Mothers Day in UK, as a Church Southall Baptist Church celebrate Mothers Day by allowing a Woman minister to deliver a sermon. The sermon was about Exodus 3 , when Moses was called by God to bring the people of Israel from the Babylon, where they were enslaved by the Egyptians.

She talked about having confidence in God, and know who you are, who your master is and what he wants you to do. Do not give excuses nor dismay or fear because God is going to be with you and guide you, give you the wisdom that you need in order to perform the task that He gave you. Finally, she talked about her difficulties to pronounce English accurately, she encouraged the members of the Church by giving her own weakness about tongue problem that she has and say even she can serve the Lord with half-tongued, Why are we not able to speak for God with strong and healthy tongues.

She gave a very good and funny joke about a Srilankan guy who don't speak English much trying to buy some Chicken in the super-market. When he was unable to find chicken and wondering, a sale assistant came to him and asked him what was he actually looking for. He told her to stop questioning and pick up an egg in front of him and said '' Where is the mother?''. So the sale assistant know he is looking for chicken and showed him the Chicken.

Happy Mothers Day Mum.

Essential Sentences in Lhaovo

Ngo Lhaovo ngaid ra'' = I am Lhaovo.

Qao'' na ra'' i''? = How are you?

Qao'' na ra'' = I am fine.

Jeju so'' ra'' = Thank you.

Dam: qhug' lang: lhe'' = See you again.

Zo zo: va'' i''? = Have you finished your meal?

Zo: va'' = Yes, finished.

Mazo: shi = Not yet.

Jhid'de, ra'' Lhao nau'' jham we'' = Dear Lhaovo brothers and sisters.

Ana'' ru: qo'' qhug' ru ngaui bau'' ra'' = Glad to meet you.

Thoe lhai: khyaug' ja:( six symbols of tone)

English Lhaovo Tone

Sun Ba Basic or Simple tone

Fish Ngo: Long tone

Bird Ngho' Sharp or Upper tone

Hand Lo, Lower or Under tone

Broken Go; Long and Round tone

Moon Lho'' High tone

Six tones in order would be as follow:

Ba Ba: Ba' Ba, Ba; Ba''

La La: La' La, La; La''(heavy)

Ca Ca: Ca' Ca, Ca; Ca''(need)

Na Na: Na' Na, Na; Na''(day)

The Alphabets Which Do Not Contain In JingPho, Language

C

Cid' = Wash and Raw Tobacco Leaf

Ca' = Disgust

Ca'' = Need

F

Fo'khye' = Green Tea

Fao'' = Let in

Fo' = Leaf or Hide

Q

Qid = Water

Qo, = Chicken

Qo'' = Have

V

Vo = Village

Vo, = Pig or Lift

Va'' = Far

W

Wa = is

Wa, = be

Wo'' = may it be

X

Xa Shi: = Bullet

Xao = Elephant

Xaosu = Human

Xam: = Recognize

Bonus:

Bam Sam Xe = Thirty Mountains

Laung Byid Lao Mo'' = The Ayarwaddy River

Ngo Nao Re Jhid' Ra'' = I Love You

Beim'' Ra'' = Miss You

Lhao Tung'' Ce' Kharu: Tung'' Nae'' (How To Write Lhaovo)

Dao: Myhi'' Aqao: (Consonants)

Ba Cc Dd Ff

Gg Hh Jj Kk

Ll Mm Nn Pp

Qq Rr Ss Tt

Vv Ww Xx Yy

Zz

Dao: Myhi'' Aqao: Qhan: ( Combined Consonants)

Jh Kh Lh Mh Nh Ph

Qh Rh Sh Th Vh Yh

Mhy Nyh

By Gy Ky My Ny Py

(Br Dr Gr Kr Jr Sr Khr Thr)

( These are rarely use in Lhaovo but its useful for writing other languages in Lhaovo.)

Thoe Qao: (Vowels)

Aa Ee Ii Oo Uu

Thoe Qao: Qhan: (Combined Vowels)

AE AI AO AU AUI

ae ai ao au aui

EI EU OE OI UI

ei eu oe oi ui

Ne, mo'' ba dao; tau'' we' tung'' qhu'' nae'' ngaid:

Malaysia Lhaovo Christians Fellowship

Dear Brothers and Sisters in Christ,

I am very glad to let you know that we, Lhaovo in Malaysia have started bi-monthly worship service in Lhaovo since 2010. Its take place in Setapak, Gelang Genting Kelang, Kuala Lumpur. The next service will be on 29th of March 2011. please contact Mho''myhi'' Dai Zhae'' 176534935 for further details.

Please do come to worship with us and share your blessings with your fellow brothers and sisters. How great is Thou Arts.

If you would like to know more about the service please contact at gumkhao@gmail.com or daulumdabang@gmail.com .

Let's us praise , worship and give thanks to our Lord, God and Christ our Saviour through Holy Ghost with our mother tongue and native language.

Mo''so: mang a yaung'' lho'' jo, veshao: o'' Amen.